NG'ANG'UTYET 16:9 - BUKUIT NE TILIIL Sireet ne Dutero Kanon

⁹ Ki kibeel piik eng' peelet ne oo; ak ki chup kainetap Kamuktaindet ne tinyei kimnateet koboi korotwechuuto; ak ma sik si kobiit kogoochi toroornatet.

Bukuit Ne Tilil

⁹ Ki kibeel piik eng' peelet ne oo; ak ki chup kainetap Kamuktaindet ne tinyei kimnateet koboi korotwechuuto; ak ma sik si kobiit kogoochi toroornatet.

BUKUIT NE TILIL

⁹ Ak kigibeel bik eng’ beelet ne o: ak kichub kainetab Jehovah ne tinyei kimnatet koboi korotwechuto; ak ma sik si kobiit kogochi torornatet.

NG'ANG'UTYET 16:9 Referencias Cruzadas

2 LAITORINIK 6:33

Ye kita kong'alaali ak icheeget, koit ole mi ineendet chiito ne kagiyok. Ki mwa kole, “Keero, po yaityoni Kamuktaindet ne Toroor; kota agen Kamuktaindet ne Toroor kolya?”

2 ATEPTAP PEETUUSYEK 28:22

Ak kites kosiir kongelelji Kamuktaindet ne Toroor eng' peetuusyegap nyalildanyi, laitoryandaniito Ahaz.

ISAIAH 1:5

Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

ISAIAH 8:21

Tuun siirtoe yooto, konyalildos ak koamei rubeet, ak ye tuun kaam rubeet, konereekso ak kosas laitoryannywa ak Kamuktaindennywa, ak konyal parak;

JEREMIA 13:6

Kingo pata peetuusyek che chaang', komwaiwo Kamuktaindet ne Toroor koleenjo, “Ng'eet, ui Yufrets ak inemu pireneet ne ki kang'atiin iuny eng' yooto.”

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

LUKA 13:3

Amwaiwok ale, Achicha: ago, ngot ko mosigu okweek, olustosi okweek tugul ko uu nooto.

LUKA 13:5

Amwaiwok ale, Achicha: ago, ngot ko mosigu ak okweek, olustosi tugul ko uu nooto.”

2 KORINTOEK 12:21

si ye tuun anyoo kogeny, koma iming'ina Kamuktaindet nenyu eng' taing'wong', ak ariir agobo che chaang' eng' icheek che ki yai tengekwogik kobooch yooto, ama sik eng' simdo ak sokseet ak mageet ne ya agobo tuguuk che yaach che ki yai icheek.

JOSHUA 7:19

Koleenji Joshua Akan, “Weeriinnyu asaain ale, igoochi toroornatet Kamuktaindet ne Toroor, Kamuktaindetap Israel. Ng'aang'ji ineendet ak imwaiwo nguno kiit ne koiyai, mat iung'ena.”

NG'ANG'UTYET 11:13

Ak ki piit eng' sainooto potanet ne oo ne po emet, ak kiluul kebeberta agenge eng' taman ne po nganaseet; ak ki kibar eng' potanonooto piik eliphuusyek tisap; ak ki aragenso che kiga ng'et, ak ki igoochi toroornatet Kamuktaindet ne po kipsengwet.

NG'ANG'UTYET 14:7

ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”

NG'ANG'UTYET 16:21

Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

NG'ANG'UTYET 2:21

Ki agoochi ineendet poroindo ale si kosik; ago ma chamei kosik eng' soksennyi.

NG'ANG'UTYET 9:20

Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat.