NG'ANG'UTYET 15:7 - BUKUIT NE TILIIL Sireet ne Dutero Kanon

⁷ Ak ki igoochi age eng' tyong'ik ang'wan che saptos malaikaisyek tisap taabook tisap che po thahabu che nyiitootiin nereegegap Kamuktaindet, ineendet ne sabei koigeny ak koigeny.

Bukuit Ne Tilil

⁷ Ak ki igoochi age eng' tyong'ik ang'wan che saptos malaikaisyek tisap taabook tisap che po thahabu che nyiitootiin nereegegap Kamuktaindet, ineendet ne sabei koigeny ak koigeny.

BUKUIT NE TILIL

⁷ Ak kiigochi age eng’ tiong’ik ang’wan che soptos malaikaisiek tisab tabok tisab che bo tahabu che nyiitotin neregekab Jehovah, inendet ne sobei koigeny ak koigeny.

NG'ANG'UTYET 15:7 Referencias Cruzadas

TIENWOGIKAL 75:8

Amu miitei kigombet eutap Kamuktaindet ne Toroor, ak kuutu divaik; Ak ki kiburuch che chaang' che teerchiin, ak korong'u ineendet chooto: Iman, irurunyi misigiikwak kiptengeginik tugul che po ng'wony ak koeei.

JEREMIA 25:15

Amu kamwaiwo Kamuktaindet ne Toroor, Kamuktaindetap Israel kole: Nam eng' eunnyu kigombetap divaik che po nereegechu ng'oomen, si igoochi pororyosyechu tugul che ayooktochini koe.

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 10:6

ak ki iyasyo eng' ineendet ne sabei koigeny ak koigeny, ne ki tau koyaei kipsengwet ak tuguuk che miitei olooto, ak ng'wony ak tuguuk che mi olooto, ak nyanjet ak tuguuk che mi oriit, kole ma komi kagaetapkei:

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

NG'ANG'UTYET 15:1

Ak ki ageer kaboorunet age eng' kipsengwet, ne oo ak ko po kwong'eet, malaikaisyek tisap che tinyei korotwek tisap che po let, amu kigeesune chooto nereegegap Kamuktaindet.

NG'ANG'UTYET 16:2

Ara ki wo malaikaiyat ne po tai, koroong'ji emet taabeennyi; ak ki ek mook che yaach ak ko ng'woneen eng' piik che tinyei perutyetap tyondo, ak che ki saaei kanamwennyi.

NG'ANG'UTYET 17:1

Ki nyo age eng' malaikaisyechooto tisap che ki tinyei taabook tisap, ak konyo kong'alaalwo, kole, “Nyoo yu, si aboorun kirwoogetap chepkugoniot ne oo ne tebee peek che chaang';

NG'ANG'UTYET 21:9

Ak ki nyo age eng' malaikaisyechooto tisap che ki tinyei taabook tisap, che kinyiitotin korotwek tisabu che po let; ak kong'alaalwo kole, “Nyoo yu, si aboorun murereet, osotyotap Aarwet.”

NG'ANG'UTYET 4:10

kobutyi anyun poisyechooto tiptemu ak ang'wan taitap ineendet ne tebee ng'echeranooto po laitornatet, ak kogutung'ji ineendet ne sabei koigeny ak koigeny, ak kowiirchi ng'wony kutonokwak che po thahabu eng' taitap ng'echereet, koleen,

NG'ANG'UTYET 5:8

Ak ye kingo kagoip bukuinooto, kobutyi taitap Aarwet `tyong'ichooto ang'wanu saptos ak poisyechooto tiptem ak ang'wan, kotinyei age tugul ketubet, ak taabook che po thahabu che nyiitootiin nyamdutik che kebeelei, che chooto ko saautigap piik che tiliileen.