NG'ANG'UTYET 14:6 - BUKUIT NE TILIIL Sireet ne Dutero Kanon

⁶ Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul;

Bukuit Ne Tilil

⁶ Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul;

BUKUIT NE TILIL

⁶ Ak kiageer malaikaiyat age kotirireni eng’ kwenutab kipsengwet, kotinyei logoiywek che miach che bo koigeny koamji ichek che menyei ng’ony, ak bororiet age tugul ak oret age tugul ak kutit age tugul ak bik alak tugul;

NG'ANG'UTYET 14:6 Referencias Cruzadas

TAUNET 1:6

Komwa Kamuktaindet kole, “Ingobiit soet eng' kwenutap peek, si koobeesyo pei ak pei!”

2 SAMUEL 23:5

Tos ma uu nooto iman koonnyu eng' Kamuktaindet? Tos ma ki koyomiswa kayomiset ne po koigeny, ne ki kichop eng' tuguuk tugul ak ko ne lumdaat? Amu nooto ko yetunennyu tugul ak ko magennyu tugul, Agot ngo ma yai kotesak.

TIENWOGIKAL 119:142

Imandang'ung' ko imanda ne wendi agoi koigeny; ak imanda ng'atuutyeng'ung'.

TIENWOGIKAL 139:24

Keer ngo mi oor age tugul ne po tengek eng' anee, ak indoiywa eng' ooreet ne po koigeny.

TIENWOGIKAL 145:13

Laitornateng'ung' ko laitornatet ne po koigeny; ak tebyei laitornateng'ung' eng' ibinwek tugul.

ISAIAH 40:8

Restos susweek ak kobetos taaptook; ago tononi koigeny ng'olyootap Kamuktaindennyo.

ISAIAH 45:17

Ago saru Kamuktaindet ne Toroor Israel eng' yetunet ne po koigeny: molilandosi anan otoptobense koigeny ak koigeny.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

ISAIAH 51:8

Amu amei icheek kiptorotyot ko uu ngoryeet, ak koamei icheek kutyet ko uu koroorik: ago punjin koigeny imandanyu, ak kobunjiin ibinwek tugul yetunennyu.

ISAIAH 6:2

Ki tonondos seraphik eng' paragunnyi; ki tinyei age tugul kebebaik lo: kituge aeng' togeennyi, kotuge aeng' keelyekyik, ak kitirirene aeng'.

EZEKIEL 1:14

Ak ki rwaei tuguuchooto saptos ak koweechegei ko uu kakweng'eetap kalyeleet.

MATAYO 10:27

Ne amwaiwok eng' mesundeito, ong'alaalde eng' lapkeiyet; ak kiit ne ogase eng' itit, omwaite eng' kooriik parak.

MARIKO 16:15

Ak ki leenji, “Oba ng'wony komugul, oamjinote logoiywek che myach piik tugul.

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

1 PETERO 1:25

Ago tebyei koigeny ng'olyootap Kiptaiyat. Niito ko ng'olyootap logoiywek che myach che ki kiamwok.

NG'ANG'UTYET 10:11

Ak komwaiwo, kole, “Kanyool imaoten agobo piik che chaang' ak pororyosyek ak kutusweek ak laitorinik.”

NG'ANG'UTYET 10:7

ago eng' peetuusyegap kutitap malaikaiyatap tisap, ye tuun machei koguut, kogeskei ung'ootyetap Kamuktaindet ko uu Logoiywek che Myachen che ki mwachi otwogikyik maotik.

NG'ANG'UTYET 13:7

Ak ki kigoochi ineendet kobargei ak piik che tiliileen, ak koterteer icheek; ak ki kigoochi ineendet kimnateet koboi ooreet age tugul ak piik alak tugul, ak kutit age tugul ak pororyet age tugul.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.

NG'ANG'UTYET 8:13

Ak ki ageer kipsiichit kotirireni eng' kwenutap kipsengwet, ak agas koleen eng' kutit ne oo, “Pwo! Pwo! Pwo agobo icheek che menyei ng'wony, amu cheosyek alak che po iryagook che po malaikaisyek somok che ta koguutei!”