NG'ANG'UTYET 14:13 - BUKUIT NE TILIIL Sireet ne Dutero Kanon

¹³ Ak ki agas kutit kobunu kipsengwet kole, “Sir ile: Poiboen icheek che pegu eng' Kiptaiyat kobooch nguno.” Mwaei Kabuuset ne Tiliil kole, “Ee, imuunyi icheek eng' poisyonikwak, amu isubi icheek `poisyonikwak.”

Bukuit Ne Tilil

¹³ Ak ki agas kutit kobunu kipsengwet kole, “Sir ile: Poiboen icheek che pegu eng' Kiptaiyat kobooch nguno.” Mwaei Kabuuset ne Tiliil kole, “Ee, imuunyi icheek eng' poisyonikwak, amu isubi icheek `poisyonikwak.”

BUKUIT NE TILIL

¹³ Ak kiagas kutit kobunu kipsengwet kole, Sir ile, Boiboen ichek che begu eng’ Kiptaiyat koboch nguno: ee, mwaei Tamirmiriet, kole si kobiit komuuny eng’ boisionikwak, amu isubi ichek boisionikwak.

NG'ANG'UTYET 14:13 Referencias Cruzadas

TIENWOGIKAL 19:11

Kogeny eng' chooto kitigoni otwogeng'ung'; miitei melekto ne oo ngeriip chooto.

TIENWOGIKAL 85:13

Wendi imanda kondoe ineendet; ak kochopchin ooreet kakwautikyik.

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

MATAYO 3:17

Ak ki mang'une tuugeet kipsengwet, kole, “Ni ko Weeriinnyu, chamanennyu, agasegei ineendet.”

LUKA 16:25

Ago ki le Abraham, “Weeri, ibwaat ile kingo ta isabe ko ki inyooru tuguuguk che myach, ki uu nooto Lazaro, kinyooru tuguuk che yaach: ago nguno kigoigoi ineendet eng' yu, ago inyee, imi ng'wanindo ne oo.

LUKA 16:9

Ak amwaiwok ale, Oyachigei choronok eng' ooreetap mogornatosyek che ma po imanda; si ye tuun igeskei, ko tuun kotaachak eng' kooriik che po koigeny.

ROMANIK 14:8

Amu ngesaptosi, kesaptosi eng' Kiptaiyat, ak ngebegu, kebegu eng' Kiptaiyat: nooto anyun, ngesaptosi anan ngebegu, kebo Kiptaiyat.

1 KORINTOEK 15:18

Nooto anyun, icheeget che ki koruiyo eng' Kristo ko ki kolusyo.

1 KORINTOEK 15:20

Ago ki king'eet anyun Kristo komong' eng' che ki pek, tongoaniat ne po icheeget che ruitos.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

2 KORINTOEK 5:8

amwae ale, kinyigoonen, ak kemache keele, kaigai kemande eng' poorto, ak ketebi kobooto Kiptaiyat.

PILIPIK 2:17

Ee, agot ngerong'ja paragutap kaptisisyet ak otisyetap kayaneng'wong', ko abaibai, ak agasigei kobootok okweek tugul:

1 THESSALONIKEK 4:14

Amu ngiyani keele kime Jeso ak kong'eet kogeny, ko uu nooto anyun eng' icheeget che ruitos eng' Jeso, imutu Kamuktaindet kobooto ineendet.

1 THESSALONIKEK 4:16

Amu choorugei Kiptaiyat ineendet eng' kipsengwet, kobooto tweguunet ne oo, ak kutitap malaikaiyat ne oo, ak iryageetap Kamuktaindet: ak isip kong'eetos che ki pek eng' Kristo:

1 THESSALONIKEK 5:10

ne kimechech, si ngegosu anan ngeruitosi, kesaptosi kobooto ineendet.

1 TIMOTEO 5:24

Taagunotiin tengekwogigap piik alak, indoe kobendi kirwooget; ak che po piik alak ak icheek kosubi icheek.

1 TIMOTEO 5:25

Ko uu nooto agine miitei poisyonik che myach che taagunotiin; ak che ma uu chooto koma imugaksei koung'ogis.

NG'ANG'UTYET 1:11

koleen, “Sirchi bukuit tuguuk che igeere ak iyookyi kanisosyek tisap; iyookyi Epheso, ak Smyrna, ak Pergamo, ak Thyatira, ak Sardis, ak Philadephia, ak Laodikia.”

NG'ANG'UTYET 10:4

Ak ye kingo kagobolyo tuloosyek tisabu, amach asir: ak ki agas kutit ne punu kipsengwet kole, “Ng'ooch tuguuk che kamwa tuloosyek tisabu, amesir.”

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 16:17

Ak kiroong'ji malaikaiyat ne po tisap taabeennyi soet; ak ki mong' kutit ne oo eng' Hekaluut, kobun ng'echereetap laitornatet, kole, “Kagosulda!”

NG'ANG'UTYET 19:9

Ak koleenjo, “Sir ile: Poiboen icheek che keguurchin igoortap katunisyetap Aarwet.” Ak ki leenjo, “Chu ko ng'aleegap iman che po Kamuktaindet.”

NG'ANG'UTYET 2:1

“Sirchi malaikaiyat ne po kaniset ne mi Epheso, ileenji: “Mwaei tuguuchu ineendet ne namei kecheik tisap eng' eunnyi ne po tai, ineendet ne wendote kwenutap keelyek tisap che po taisyek che po thahabu:

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 20:6

Paibai ak ko tiliil ne tinyei yamdaet eng' ng'eetyeet ne po tai. Mabou icheek meet ne po aeng'; ago egu icheek tisiigap Kamuktaindet ak ko po Kristo, ak kolaitoran ak ineendet kenyiisyek eliphuut agenge.

NG'ANG'UTYET 21:5

Ak ki mwa ineendet ne tebee ng'echereetap laitornatet kole, “Ogeero, ayae tuguuk tugul koleelagitu.” Ak ki le, “Sir, amu ng'aleechu ko che kiyani ak ko po iman.”

NG'ANG'UTYET 22:17

Mwaei Kabuuset ne Tiliil ak murereet kole, “Nyoo!” Ak ineendet ne kasei, komwa kole, “Nyoo!” Ak ineendet ne amei melelda, konyo; ak ineendet ne machei, koip peegap saboon puch.

NG'ANG'UTYET 6:11

Ki kigoochi age tugul eng' icheek ngoryeet ne leel; ak keleenji kota komuuny ne matya, kot kosulda koitetap che otwogik kobooto icheek, ak tupchosyekwak, che tuun kibarei ko uu icheeget.