NG'ANG'UTYET 14:10 - BUKUIT NE TILIIL Sireet ne Dutero Kanon

¹⁰ koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

Bukuit Ne Tilil

¹⁰ koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

BUKUIT NE TILIL

¹⁰ koeei agine divaik che bo koromnatetab Jehovah, che kigichob ama kiburuch eng’ kikombetab nereknatennyi; ak kinyalili eng’ mat ak koik che laldos eng’ taitab malaikaisiek che tililen, ak eng’ taitab Aruet:

NG'ANG'UTYET 14:10 Referencias Cruzadas

TAUNET 19:24

Kiroong'ji anyun Kamuktaindet ne Toroor Sodom ak Gomorah roptap koik che laldos ak maat ne punu kipsengwet.

Kitabuutap JOB 18:15

Menyei emainnyi kiit ne ma nenyi: Kiseere meng'ootennyi koik che laldos.

Kitabuutap JOB 21:20

Ingogeer konyekyik ng'emisyennyi, ak ingoee nereegegap Ineendet Ne po Kamuktaet.

TIENWOGIKAL 11:6

Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

TIENWOGIKAL 37:34

Igen Kamuktaindet ne Toroor, ak isup ooreennyi, ak koeetin inam emet; ye kiwong'u kiptengeginik igeere.

TIENWOGIKAL 52:6

Keerei che po imanda, ak koywei, ak kororechi ineendet kole,

TIENWOGIKAL 60:3

Ki iboorchi piiguk tuguuk che nyigiisen; ki igoonech kee divaik che kibogiti.

TIENWOGIKAL 73:10

Eng' nooto anyun, weeksei piikyik oli: ak lugui icheek peek che nyiitootiin.

TIENWOGIKAL 75:8

Amu miitei kigombet eutap Kamuktaindet ne Toroor, ak kuutu divaik; Ak ki kiburuch che chaang' che teerchiin, ak korong'u ineendet chooto: Iman, irurunyi misigiikwak kiptengeginik tugul che po ng'wony ak koeei.

TIENWOGIKAL 91:8

Ago igeere eng' konyeguk, Igeere melektap kiptengeginik.

ISAIAH 29:9

Ogenisye ak okwong'ye; oyai ko uu ye omache ak ogorie! Kabogityo, ago ma eng' divaik; terteryoti, ago ma eng' maiyek.

ISAIAH 30:33

Amu kigechop Topet kobooch keny; ee, kigechopchi laitoryat; ki koyai kolooit kwo ng'wony ak kotebeesit: karurugutyennyi ko maat ak kweenik che chaang'; inaami kabuusetap Kamuktaindet ne Toroor, ne kergei ak koik che laldos, che isururu.

ISAIAH 34:9

Ak kewal kereruusyekyik koek manget, ak kewal temburyekyik koek koik che laldos, ak koek emennyi manget ne lalei.

ISAIAH 51:17

Ng'eet, ng'eet, tonon, ee Jerusalem, ne ki iee kigombetap nereegek che koroomen che po Kamuktaindet ne Toroor eng' eunnyi; ki iee eng' kigombet ne oo, icholool, kigombet ne yaei piik koterteeryot.

JEREMIA 25:27

Ak ileenji icheek, Kamwa Kamuktaindet ne Toroor ne po lugoosyek, Kamuktaindetap Israel, kole: Oee ak obogitye, ak ong'ung'u, ak obutye, ama ong'eetosi kogeny, amu rotwetap chok ne ayoogu konyo kwenung'wong'.

JEREMIA 49:12

Amu mwaei Kamuktaindet ne Toroor kole: Ogeero, eeisei iman che ki ma ko nenywa koeise kigombet; ak tos ii ne chilili si ma kibirin? Mechilili, kibirin, ago iee iman.

JEREMIA 51:57

Ak agoochini kobogityo pounikyik ak murenikyik che ng'oomen, kobooto kirwoogikyik ak kiptainikyik, ak murenikyik che nyigoonen; ak koruiyo rwondo ne po agoi, ama kogosu, mwaei Laitoryat ne kainennyi ko Kamuktaindet ne Toroor ne po lugoosyek.

RIREKAB JEREMIA 4:21

Paibaitu ak igaskei, ee cheptap Edom, ne imenye emetap Uz; amu agot aginye ko ityinin kigombet; ibogiti ak iputkei itebi aach ngor.

EZEKIEL 20:48

Ak kogeer piik tugul kole aa Kamuktaindet ne Toroor ne kanaami maata: ma kimisi.

EZEKIEL 38:22

Agere kong' ineendet eng' koroito ak korotiik; ak ayookyi ineendet kobooto lugosyekyik, ak piikyik che chaang' che mi kobooto ineendet, ropta ne oo ak koik che eecheen che po ropta, maat ak tuguuk che laldos.

HABAKUK 2:16

Kanyiin teweernateet ne kata toroornatet: ee aginye, si iige ne ma kimuratan: kiweekyinin kigombetap eutap tai ne po Kamuktaindet ne Toroor, ak kotebee teweernateet ne samis toroornateng'ung'.

MATAYO 20:22

Ago ki wol Jeso kole, “Mongen ne osoome. Omuuchi okweek oee kigombet ne neegit aee?” Kowolji icheek ineendet kole, “Kimuuchi.”

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MATAYO 26:39

Ak ki wo tai kitigin, ak kobutyi ng'wony ak kosa kole, “Ee Abba, ngo mugaksei, kosiirtoena kigombani; ma ko uu ye amache ago ko uu ye imache inyee.”

MARIKO 8:38

Amu age tugul ne ililani agobo anee kobooto ng'aleekyuk eng' ibinita po sokseet ak tengek, ko tuun ililanjin agine Weeriitap chii ineendet, ye tuun nyoonei eng' liilindap Kwandanyi kobooto malaikaisyek che tiliileen.”

MARIKO 9:44

Ole ma pegu kutikwak, ama misoksei maat.

POISYONIGAP CHE KIYOKTOI 10:22

Ak ki le, “Ki iboorchi komyee Kamuktaindet Korneli, eng' malaikaiyat ne tiliil, koyook piik kobwa koguurin iwe koonnyi ne ineendet ko kiptaiyatap pogol, chiito ne po imanda ak koywei Kamuktaindet, ak paoryanjin pororyet tugul ne po Yahudik kole myee ineendet, kole si kogasenen ng'aleek.”

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.

2 THESSALONIKEK 1:7

ak kogoonok kamuung'et kobootech, okweek che kiusei, eng' ng'ang'eetap Kiptaiyat Jeso kobunu kipsengwet kobooto malaikaisyek che po kamuktaennyi

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 15:7

Ak ki igoochi age eng' tyong'ik ang'wan che saptos malaikaisyek tisap taabook tisap che po thahabu che nyiitootiin nereegegap Kamuktaindet, ineendet ne sabei koigeny ak koigeny.

NG'ANG'UTYET 16:19

Ak kipcheak nganaseet ne oo koek kebeberwek somok, ak kilulyo nganasoogap pororyosyek: ak ki kibwaat Babilon ne oo eng' taitap Kamuktaindet, si kobiit kigoochi ineendet kigombet ne po divaigap koroomnatetap nereegekyik.

NG'ANG'UTYET 18:3

Kagobutyo pororyosyek tugul amu divaigap koroomnatetap soksennyi. Ak kisokso laitorinigap ng'wony ak ineendet, ak ki ek mogoreek chemung'arainigap ng'wony eng' kimnateetap kaseretap tuguukyik.”

NG'ANG'UTYET 18:6

Oweekyi ineendet ko uu ye ki koyai, ak oyaakyi ineendet konyil aeng' ko uu poisyonikyik; kigombet ne kiburuge, oburukyi ineendet konyil aeng'.

NG'ANG'UTYET 19:15

Ak ki mang'une kutinnyi rotwetap chok ne ng'atip, si kobiit kobire pororyosyek: ak koboi icheek eng' kirokto ne po karnet: ak kotyech sabibuk eng' ole kituisye che po koroomnateet ne po nereegegap Kamuktaindet Ne po Kamuktaet.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.

NG'ANG'UTYET 20:14

Ak ki kiwiirchi meet ak ye mi che ki kobek, araraitap maat. Niito ko meet ne po aeng', araraitap maat.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”