NG'ANG'UTYET 13:10 - BUKUIT NE TILIIL Sireet ne Dutero Kanon

¹⁰ Ngo luulis chii, keluulei ineendet: ngo paris chii eng' rotwetap chok, kobare ineendet rotwetap chok matiny. Mi yu muitaet ak kayaneetap piik che tiliileen.

Bukuit Ne Tilil

¹⁰ Ngo luulis chii, keluulei ineendet: ngo paris chii eng' rotwetap chok, kobare ineendet rotwetap chok matiny. Mi yu muitaet ak kayaneetap piik che tiliileen.

BUKUIT NE TILIL

¹⁰ Ngo luulis chi, keluulei inendet: ngo baris chi eng’ rotwetab chok, kobare inendet rotwetab chok matiny. Mi yu muitaet ak kayanetab bik che tililen.

NG'ANG'UTYET 13:10 Referencias Cruzadas

ISAIAH 14:2

Ak komut pororyosyek icheek agoi oldanywa, ak kobunji kootap Israel pichooto eng' emetap Kamuktaindet ne Toroor, koek otwogik ak tiibiik che otwogik. Ak koluul Israel icheek che kiga luul icheek; ak koboi usiikwak.

ISAIAH 26:21

Amu mong'u Kamuktaindet ne Toroor eng' oldanyi si kobiit kobir che menyei ng'wony amu yaityennywa. Ng'aanyei ng'wony kogeny korotiikyik, ama kotuchei piikyik che ki kibar.

ISAIAH 33:1

Pwo eng' inyee ne ing'emisyei, ama king'emin; ak ne iberberisyei, ama iberberin icheek! Ye ma ing'emisyei, keng'emin, ak ye ma iberberisyei, koberberin icheek.

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 43:11

Ak konyo kobar emetap Misiri; che po meet kobendi meet, ak che po luuleet, kobendi luuleet, ak che po rotwetap chok, kobendi rotwetap chok.

RIREKAB JEREMIA 3:26

Myee eng' chii komong' ak kogen eng' muitaet yetunetap Kamuktaindet ne Toroor.

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

MATAYO 26:52

Koleenji Jeso anyun, “Iweekyi rotweng'ung' ole kami; amu pegu eng' rotoogap chok tugul che namei rotoogap chok.

MATAYO 7:2

Amu kirwooget ne orwoochi ko tuun kirwoogunenok nooto, ak eng' kerutyet ne ogere, ko tuun kigerunenok nooto.

LUKA 21:19

Ak eng' muitaeng'wong' onyooru saboonwekwok.

KOLOSAIK 1:11

kigimitok eng' kamuktaet tugul, ko uu kamugetap toroornatennyi, agoi muitaet tugul ak talasyet eng' poiboiyet,

HEBRANIK 6:12

si mouuegitu, ago oyaniegei icheek che nyooru arorutik eng' kayaneet ak muitaet.

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

NG'ANG'UTYET 11:18

Ki nereekso pororyosyek, ak kagonyo nereeknateng'ung'. Kagoit peetuut ne kirwookyinee piik che ki kobek, ak peetuut ne kigoochinee otwogiguk maotik melekwek, ak piik che tiliileen ak icheek che iywei kaineng'ung', che mengeechen ak che eecheen; ak keng'em icheek che ng'emei ng'wony.”

NG'ANG'UTYET 14:12

Mi yu muitaetap piik che tiliileen, icheeget che riibei ng'atuutigap Kamuktaindet, ak kayaneetap Jeso.

NG'ANG'UTYET 16:6

Amu kitumda korotiigap piik che tiliileen ak che po maotik, ak kaigoochi icheek korotiik koe; amu nyoljin icheek ko uu nooto.”

NG'ANG'UTYET 17:11

Ak tyonyooto ki mi, ama komi, ineendet ko ne po sisiit, ak ta ko agenge eng' chuun tisap; ak kowendi luseet.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 2:19

“Angen poisyoniguk, angen chamyeng'ung' ak kayaneng'ung', otisyeng'ung' ak muitaeng'ung', ak angen ale chaang' poisyoniguk che po let kosiir che po tai.

NG'ANG'UTYET 2:2

Angen poisyoniguk, ak poisyeng'ung' ne nyigiis ak muitaeng'ung'. Angen ale memuuchi imuite agobo piik che yaacheen, ak kiityem icheek che kuuregei che kiyooktoi ago ma chooto, ak ki inai ile kiplembechonik.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

NG'ANG'UTYET 3:3

Ibwaat anyun nooto kiitaach ak ki igas; iriip, ak isigu. Ngot ko meriipse anyun, anyoone ko uu choriindet, amenae sait ne anyoonjinenen.