NG'ANG'UTYET 12:4 - BUKUIT NE TILIIL Sireet ne Dutero Kanon

⁴ Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

Bukuit Ne Tilil

⁴ Ak ichuuti katutyennyi kebeberta agenge eng' somok ne po kecheigap kipsengwet, ak kowiirchi ng'wony. Ki tonon maswetit eng' taitap kwonyooto ne kimachei kosigiis, kole si ye sigis, koam lakweet.

BUKUIT NE TILIL

⁴ Ak ichuuti katutiennyi kebeberta agenge eng’ somok ne bo kecheikab kipsengwet, ak kowirji ng’ony: ak kitonon maswetit eng’ taitab kwonyoto ne kimachei kosigis, kole si ye sigis, koam lakwet.

NG'ANG'UTYET 12:4 Referencias Cruzadas

KOMONG'U 1:16

koleenji; “Ye osigisyechi kwonyiik che po Yahudik ak ngo keer eng' ng'echereetap sigisyo lakweet ne kagisich ole weeriit, obar, ago ngo chepto, omete kosap.”

ISAIAH 27:1

Tuun pirei Kamuktaindet ne Toroor eng' peetuunooto eng' rotwennyi ne po chok ne koroom ak ko oo ak kogim, tyondo ne po peek ne uu ting'ong'et, ne ereneet ne chepchep, ak tyonyooto ne ereneet ne taategei; ak kobar maswetit ne mi nyanjet.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

1 PETERO 5:8

Oriipkei, oriipse: amu wendoti punyondeng'wong' chesawilyet, ko uu ng'etundo ne pooriseni, kocheeng'ei ne amei:

NG'ANG'UTYET 12:7

Ak ki piit lugeet eng' kipsengwet: ki wo Mikael kobooto malaikaisyekyik kobargei ak maswetit; ak ki yai lugeet maswetinooto ak malaikaisyekyik;

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:2

Ak ki uu tyondo ne ki ageer cheplanget, ak ki uu keelyekyik keelyegap magalaluut, ak ki uu kutinnyi kutitap ng'etundo: ak ki igoochi maswetit ineendet kamugennyi, ak ng'echerennyi ne po laitornatet, ak kimnateet ne oo.

NG'ANG'UTYET 13:4

Ki ilas icheek maswetit amu ki igoochi kimnateennyi tyondo, ak ki ilas icheek tyondo, komwa kole, “Ng'oo ne kergei ak tyonyito; ak ng'oo ne imuuchi kobargei ak ineendet?”

NG'ANG'UTYET 16:13

Ak ki ageer tamirmirik che yaach somok che uu mororochik, komang'une kutitap maswetit, ak eng' kutitap tyondo, ak eng' kutitap maotyot ne po lembech:

NG'ANG'UTYET 17:18

“Ak kwonyi kegeere ko nganaseet ne oo, ne pou laitorinigap ng'wony.”

NG'ANG'UTYET 20:2

Ak konam maswetit, ereneet ne ki po keny, ne ineendet ko Chesawilyet ak ko Setani, ak korat ineendet kenyiisyek eliphuut agenge,

NG'ANG'UTYET 8:10

Ki kuut malaikaiyatap somok, ak kirorok kecheiyat ne oo eng' kipsengwet, kolalei ko uu tait, ak ki ibutyi kebeberta agenge eng' somok ne po ainoosyek, ak kondametusyegap peek.

NG'ANG'UTYET 8:11

Ki kiguure kainetap kecheiyandanooto Ng'wanindo. Ak king'wanit kebeberta agenge eng' somok ne po peek, ak ki pek piik che chaang' eng' peechooto, amu kiga kiyai kong'woneegitu.

NG'ANG'UTYET 8:12

Ki kuut malaikaiyatap ang'wan, ak ki kikwer kebeberta agenge eng' somok ne po asiista, ak kebeberta agenge eng' somok ne po arawet, ak kebeberta agenge eng' somok ne po kecheik, si koimenit kebeberta agenge eng' somok ne po tuguuchooto. Ak kebeberta agenge eng' somok ne po peetuut koma iluu, ak koigei nooto agine kemout.

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.

NG'ANG'UTYET 8:8

Ki kuut malaikaiyatap aeng', ak ki kiwiirchi nyanjet kiit ne uu tulweet ne oo kolalei; ak ki ek korotiik kebeberta agenge eng' somok ne po nyanjet.

NG'ANG'UTYET 8:9

Kime kebeberta agenge eng' somok ne po tyong'ik che kisaptos che ki mi nyanjet, ak ki king'em kebeberta agenge eng' somok ne po melisyek.

NG'ANG'UTYET 9:10

Ak kotinyei katutaik ak katook che uu che po melmelwek, ak mi kimnateennywa katutaikwak ne inyaliile piik eng' arawek muut.

NG'ANG'UTYET 9:19

Amu mi kimnateetap paraisisyek kutusweekwak ak katutaikwak, amu kergei katutaikwak ak erenook, ak kotinyei metowek; ak konyalilsye tuguuchooto.