NG'ANG'UTYET 1:9 - BUKUIT NE TILIIL Sireet ne Dutero Kanon

⁹ Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

Bukuit Ne Tilil

⁹ Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

BUKUIT NE TILIL

⁹ A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 1:9 Referencias Cruzadas

MATAYO 20:23

Koleenji `Jeso icheek, “Oee iman kigombennyu, ago ketebee eunnyu ne po tai ak eunnyu ne po kaataam koma nenyu agoito, ago po icheek chooto Ki kochopchi kotabaanji Abba.”

MARIKO 10:39

Ak ki leenji, “Kimuuchi.” Koleenji anyun `Jeso icheek, “Kigombet ne aee ko tuun oee ak okweek; ak kabatisanet ne kibatisanena ko tuun kibatisanenok ak okweek nooto;

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

POISYONIGAP CHE KIYOKTOI 1:15

Eng' peetuusyechooto ko ki tonon Petero eng' kwenutap che tupcho (piik che kigatuiyo, ki olo po pogol agenge ak tiptem), ak kole,

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

ROMANIK 8:17

ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

ROMANIK 8:25

Ago ngimang'u nooto ma kigeere, kigeni nooto anyun eng' muitaet.

2 KORINTOEK 1:7

ak lumdaat kamang'unennyo agobo okweek; kingen keele, ko uu ye oo yamdoik che po nyalilwogik, ko uu nooto oo yamdoik che po kagaigaet.

PILIPIK 1:7

ko uu ye myee eng' anee abwaat ko uu niito agobo okweek tugul, amu omi muguleldanyu, amu eng' monjorornatennyu, ak eng' riipseet ak kagimitetap logoiywek che myach, okweek tugul ko oo yamdoik kobooto eng' myeeindo.

PILIPIK 4:14

Ago ki oyai ne myee, amu ki otinye yamdaet eng' nyalildanyu.

2 THESSALONIKEK 3:5

Ingondochi Kiptaiyat mugulelwekwok agoi chamyetap Kamuktaindet ak muitaetap Kristo.

2 TIMOTEO 1:8

Amelilanji anyun paornateetap Kiptaiyandennyo, anan anee kimonjororyondennyi: ago nam yamdaetap nyalilwogik amu logoiywek che myach ko uu ye tee kamuktaetap Kamuktaindet;

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

NG'ANG'UTYET 1:1

Ng'ang'utyet ne po Jeso Kristo, ne ki igoochi Kamuktaindet ineendet koboorchi otwogikyik tuguuk che piitu kochogu ne matiny. Ki iyook `ineendet malaikaiyandennyi kole koboorchi kiboityondennyi Johana,

NG'ANG'UTYET 1:2

ne ki paoryan agobo tuguuk tugul che ki keer, nooto ko ng'olyootap Kamuktaindet ak paornateetap Jeso Kristo.

NG'ANG'UTYET 1:4

Sirchin Johana kanisosyek tisap che mi Asia: Ingotep myeeindo ak kaalyeet kobootok che punu ineendet ne mi, ne ki mi ak ne tuun nyoonei; ak che punu saboonwek tisap che mi taitap ng'echerennyi ne po laitornatet,

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 11:7

Ak ye tuun kagogees paornatennywa, koyai lugeet tyondo ne mang'une keriinget ne ma igoksei, ak koterteer icheek, ak kobar icheek.

NG'ANG'UTYET 12:11

Ak ki iterteer `icheek ineendet amu korotiigap Aarwet, ak amu ng'olyootap paornatennywa; ama cham saboonwekwak agoi meet.

NG'ANG'UTYET 12:17

Ak ki nereekyi maswetit kwonyooto, ak kwo kobargei ak kesweekyik che ki ng'et, che riibei ng'atuutigap Kamuktaindet, ak kotinyei paornateetap Jeso,

NG'ANG'UTYET 13:10

Ngo luulis chii, keluulei ineendet: ngo paris chii eng' rotwetap chok, kobare ineendet rotwetap chok matiny. Mi yu muitaet ak kayaneetap piik che tiliileen.

NG'ANG'UTYET 14:12

Mi yu muitaetap piik che tiliileen, icheeget che riibei ng'atuutigap Kamuktaindet, ak kayaneetap Jeso.

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 3:10

Amu ki iriip ng'olyootap muitaennyu, ariibin agane eng' saitap yoomseet ne nyoonjin ng'wony komugul, si kotyem icheek che menyei ng'wony.

NG'ANG'UTYET 6:9

Ye kingo yaat ng'ookset ne po muut, ageer eng' kurereetap kaptisiisyo saboonwegap icheek che ki kibar amu ng'olyootap Kamuktaindet, ak paornateet ne ki tinyei.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.