NEEMIA 9:25 - BUKUIT NE TILIIL Sireet ne Dutero Kanon

²⁵ Ki nam `icheek nganasook che ng'ootaatiin, emet ne akwai, kooriik che nyiitootiin tuguuk tugul che myachen, ak keriingonik che ki kibal, mbareenigap sabibuk, mbareenigap mseituni ak keetiik ng'iisyat che po logoek. Ki am anyun ak kibiyong'so. Kineryo ak ki igaskei eng' myeeindong'ung' ne oo.

Bukuit Ne Tilil

²⁵ Ki nam `icheek nganasook che ng'ootaatiin, emet ne akwai, kooriik che nyiitootiin tuguuk tugul che myachen, ak keriingonik che ki kibal, mbareenigap sabibuk, mbareenigap mseituni ak keetiik ng'iisyat che po logoek. Ki am anyun ak kibiyong'so. Kineryo ak ki igaskei eng' myeeindong'ung' ne oo.

BUKUIT NE TILIL

²⁵ Ak kinam nganasok che ng’ototin, ak emet ne akwai, ak konam gorik che nyiitotin tuguk tugul che miachen kobunji, ak keringonik che kigibal, mbarenikab sabibuk, ak mbarenikab emitik, ak ketik ng’isiat che bo logoek: kiam anyun ak kibiyong’so, ak kinerio, ak kiigasgei eng’ mieindang’ung’ ne o.

NEEMIA 9:25 Referencias Cruzadas

1 LAITORINIK 14:9

Ago koiyai yaityet kosiir piik tugul che ki indounenen. Koiyachigei kanamonik alak, che kitanyi, itacha anereech, ki isasa ak ituktocha patai.

1 LAITORINIK 8:66

Ki mwachi piik koba eng' peetuutap sisiit, ak ki iberuur icheek laitoryat, ak koba emaisyekwak koboiboen, kogasategei eng' mugulelwekwak amu myeeindo tugul ne ki yachi `Kamuktaindet ne Toroor Daudi otwogindennyi ak Israel piikyik.

NEEMIA 9:35

Amu ma otin eng' laitornatennywa ak eng' myeeindong'ung' ne oo ne ki igoochi ak eng' emet ne paraa ak ko akwai ne ki igoochi eng' tainnywa ama meto poisyonikwak che yaacheen.

TIENWOGIKAL 105:44

Ak ki igoochi icheek emotinwegap pororyosyek, ak ki nam poisyonigap piik kobunji;

TIENWOGIKAL 65:11

Inyiiti kenyiit myeeindong'ung'; Ak sau akwaiyet eng' ortinweguk.

KALEWANAIK 30:9

si ma piye ak aeesyen, ak ale, “Ng'oo Kamuktaindet ne Toroor?” Anan si ma egu kibanania, ak achoorse, si ma mwa kainetap Kamuktaindennyu eng' tangoi.

ISAIAH 6:10

Yai mugulelwegap pichu konyigiisitu, ak kotimogis itiikwak, ak kogerogis konyekwak, si ma keertoe konyekwak, ama kastoe itiikwak, anan koguiyo eng' mugulelwekwak, ak kowalogis, ak kisoop.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

JEREMIA 31:14

Ak abae akwaindo saboonwegap tisiik kobiyong'so, ak kobiyo piikyuk myeeindonyu, mwaei Kamuktaindet ne Toroor.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

EZEKIEL 20:6

ki ayogoochi eunnyu icheek eng' peetuunooto, amutu icheek komong' eng' emetap Misiri kobwa emet ne ki amararchi icheek, ne nyiitaat cheego ak kumyat, ne toroornatetap emotinwek tugul:

HOSEA 13:6

Kibiyong'so ko uu kiit ne ki uu ole ki agete; kibiyong'so, ak kiitoroorgei eng' mugulelwekwak: kigoutyeno anyun.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

NG'ATUTIK 3:5

Kiga king'ote nganasochuuto tugul irimosyek che kooen ak ki tinyei kurgotik, ak temeleiywek. Ki mi kora nganasook che chaang' miising' che ki ma king'ot.

NG'ATUTIK 32:13

Ki igoochi kolaany oldinwek che sutotin che po ng'wony; ki am ruroteetap mbareet. Ki igoochi kochuchun kumyat eng' rwandet, kobooto mwanik eng' rwandet ne uui.

NG'ATUTIK 32:14

Kibae icheek mwaitap cheego ne po akweet, ak cheegap keechiirek, kobooto mwanigap aaregap keechiir. Ki igoochi icheek mengichigap Bashan ak ng'oroorek, kobooto mwanigap nganuuk che myachen. Ki eei divaik che anyiny, che kiyae peegap sabibuk.

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.