NEEMIA 9:17 - BUKUIT NE TILIIL Sireet ne Dutero Kanon

¹⁷ Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

Bukuit Ne Tilil

¹⁷ Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

BUKUIT NE TILIL

¹⁷ ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

NEEMIA 9:17 Referencias Cruzadas

1 LAITORINIK 6:13

Ak amenye kwenutap piigap Israel, amametoi piikyuk Israel.”

1 LAITORINIK 8:57

Ingotep Kamuktaindet ne Toroor, Kamuktaindennyo kobootech ko uu ye kimi ak kwanisyekyok; amat kobagaaktech anan kometech.

2 ATEPTAP PEETUUSYEK 36:13

Ak ki ingelelji kogeny Laitoryat Nebukadnezar, ne ki kabirchi koyasyo eng' Kamuktaindet: ago ki iuit kaatinnyi ak muguleldanyi, ma weekyigei Kamuktaindet ne Toroor, Kamuktaindetap Israel.

EZRAH 9:9

Nga ki otwogik, koma pagakyech Kamuktaindennyo otwoknatennyo, ago ki ityech rireenet eng' taitap laitorinigap Persia, si kogoonech kasoobet, si kelumda kootap Kamuktaindennyo ak keteech ole Ki kong'emak eng' koyooto ak kegoonech irimeet eng' Judah ak Jerusalem.”

NEEMIA 9:31

Ago eng' rireenosyeguk che chaang' koma igeesu icheek anan imete, amu ii Kamuktaindet ne po myeeindo, ak itinye rireenet ne oo.

TIENWOGIKAL 106:13

Ne matyanit koutye poisyonikyik; ma ingen ng'olyoondennyi.

TIENWOGIKAL 106:7

Ma iguiyo kwanisyekyok kwang'utiguk eng' Misiri; ma ibwaat chaang'indap rireenosyeguk; ago ki ingelelji Ne Toroor Miising' eng' ye neegit nyanjet, nooto Nyanjet ne Piriir.

TIENWOGIKAL 130:4

Ago miitei nyoetap kaat eng' inyee, si kobiit kiywein.

TIENWOGIKAL 78:10

Ki ma riip kayomisetap Kamuktaindet, Ak ki eesyo kobendatee ng'atuutyennyi:

TIENWOGIKAL 78:11

Ak kiutye tuguukyik che kiga yai, Ak kwang'utikyik che kiga koboorchi icheek.

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

KOMONG'U 32:9

Ki testai Kamuktaindet ne Toroor kong'alaalji Musa ak koleenji, “Koageer ale, uueen kaat pichu.

KALEWANAIK 1:24

Amu ki aguurse, ago ki oeesye, ki aiite eunnyu, ago ma iit chii.

JEREMIA 18:15

Amu kigoutyeno piikyuk, ki kobeelji nyamdutik tuguuk che ma tilei kiy; ak ki konach icheek eng' ortinwekwak, eng' ortinwek che po keny, si kobunoot ortinwek che mi taban, eng' ooreet ne ma ki yai;

JEREMIA 19:15

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole, ogeero, aipchini nganasani ak nganasookyik tugul yaityet tugul ne koamwa agobo nganasaniito; amu ko iuit katwekwak, si ma kas ng'aleekyuk.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

EZEKIEL 5:6

Ak ki kongelelji kirwoogutikyuk amu ki yai sogornateet kosiir pororyosyek alak, ak kongelelji ng'atuutikyuk kosiir emotinwek che mi komoswekyik tugul: amu ki koeesyo kirwoogutikyuk, ama pendate icheek ng'atuutikyuk.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

ATEPTAP LAWIK 26:44

Agot nganda uu chooto tugul, ye mi emetap puunikwak, koma eesyoi icheek, amaweche, amang'eme awong'u ak ma pute kayomisennyu kobooto icheek. Amu aa Kamuktaindet ne Toroor Kamuktaindennywa.

NAHUM 1:3

Ma sip konereechi Kamuktaindet ne Toroor, tinyei kimnateet ne oo ama pagaktoi kiptengekyot age tugul. Tinyei Kamuktaindet ne Toroor ooreennyi eng' kipchurchuryet ak eng' usoonet ne oo, ak poolik ko temburyegap keelyekyik.

KAITOSYEK 14:11

Ak kiteebe `Kamuktaindet ne Toroor Musa koleenji, “Renya pichu kot kotyanit? Ma iyana agoi au, agot nganda ki ayai kaboorunoichooto tugul eng' kwenunnywa?

KAITOSYEK 14:41

Ago ki leenji Musa, “Amu nee si obistoe ng'atuutyetap Kamuktaindet ne Toroor? Amu ma isuldoi ng'olyoot ngeyai ne uu nooto.

KAITOSYEK 16:14

Kosiir nooto koma imutyech emet ne nyiitaat cheego ak komi kumyat eng' chaang'indo ama igoonech poroteetap mbareenik ak che po sabibuk. Tos ngiroo ko ki piik acheek che king'ale? Ma kibwane!”

POISYONIGAP CHE KIYOKTOI 7:39

Ki ma kas iit kwanisyekyok ineendet, ago ki eesyo ineendet, ak kiweektagei mugulelwekwak Misiri,

ROMANIK 9:15

Amu mwachin ineendet Musa koleenjin, Ariiree ineendet ne amache ariiree, ak atinye rireenetapkei eng' ineendet ne amache ariireegei.

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.