NEEMIA 9:13 - BUKUIT NE TILIIL Sireet ne Dutero Kanon

¹³ Ki ichoorchigei kogeny tulweetap Sinai, ak ing'alaalji icheek imi kipsengwet, ak igoochi icheek kirwoogutik che lititen, ng'atuutik che po iman, katigonutik che myach ak kayomisutik.

Bukuit Ne Tilil

¹³ Ki ichoorchigei kogeny tulweetap Sinai, ak ing'alaalji icheek imi kipsengwet, ak igoochi icheek kirwoogutik che lititen, ng'atuutik che po iman, katigonutik che myach ak kayomisutik.

BUKUIT NE TILIL

¹³ Kiichorjige kogeny tulwetab Sinai, ak ing’alalji ichek imi kipsengwet, ak igochi ichek kiruogutik che lititen ak ng’atutik che bo iman, ak kotigonutik che miach ak kayomisutik,

NEEMIA 9:13 Referencias Cruzadas

2 LAITORINIK 17:37

Oriip oyai eng' peetuusyek tugul agoi, kaneetisyosyek ak katigonutik, ng'atuutyet ak kayomiset, che kisirwak. Amat oiywei kanamonik.

EZRAH 7:6

Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

TIENWOGIKAL 119:137

Ii po iman, inyee, ee Kamuktaindet ne Toroor, ak lititen kirwoogutiguk.

TIENWOGIKAL 119:160

Po iman ng'aleeguk tugul ko kagiyomo; ak tebyei koigeny kirwoogeng'ung' age tugul ne po iman.

TIENWOGIKAL 119:4

Ki ing'at kaneetisyosyeguk, ile kisup eng' kagiiletapkei.

KOMONG'U 16:23

Ki leenji `Musa icheek, “Nooto ko kiit ne ki mwa Kamuktaindet ne Toroor kole: ‘mutai ko kamuung'et, sabato ne itabaanat eng' Kamuktaindet ne Toroor. Obeel che omache obeel, ak oyoi che omache oyoi ak ogonorchigei che kang'et kobunji mutai.’ ”

KOMONG'U 19:11

Ingochopkei agobo peetuut ne po somok: amu choorchingei Kamuktaindet ne Toroor tulweetap Sinai eng' peetuutap somok eng' taitap piik tugul.

KOMONG'U 20:1

Ki mwa Kamuktaindet ng'aleechu tugul kole,

KOMONG'U 20:22

Ki leenji `Kamuktaindet ne Toroor Musa, “Mwachi piigap Israel leenjin, ‘Kaogeerchigei okweegei ole, kaang'alaalwok kong'etee kipsengwet.

ISAIAH 64:1

Kata myee ibet kipsengwet, ak ichooruge, si kobiit kobotanso tuloonook eng' taing'ung';

ISAIAH 64:3

Ye ki ngiyai tuguuk che po kamuiset che ki ma kicheeng', ki ichooruge, kibotanso tuloonook eng' taing'ung'.

HABAKUK 3:3

Ki nyo Kamuktaindet eng' Teman, ki nyo Ineendet ne Tiliil eng' tulweetap Paran. Ki tuch `toroornatennyi kipsengwet, ak ki nyi ng'wony kalasunennyi.

ROMANIK 7:16

Ago ngayai nooto ma mache, ayan anyun ale myee Ng'atuutyet.

NG'ATUTIK 33:2

Ki toi komwa kole, “Ki nyo Kamuktaindet ne Toroor eng' Sinai, king'eet eng' Seir amu icheek. Ki iluu eng' tulweetap Paran, Ki nyo eng' tamanusyegap eliphusyegap che tiliileen: ki mi eunnyi ne po tai ng'atuutyet ne uu maat eng' icheek.

NG'ATUTIK 4:33

Tos ki kogasei piik ole kigoi kutitap Kamuktaindet kong'alaali eng' kwenutap maat ko uu ye ki igas ak kosapcho?

NG'ATUTIK 4:36

Ki koonin igas kutinnyi ne mang'une kipsengwet si kobiit kogerin kong' ak ki koonin igeer maannyi ne oo eng' ng'wony. Ki igas ng'aleekyik komang'une kwenutap maat.

NG'ATUTIK 4:8

Ak tos ngoro pororyet ne oo ne tinyei etanutik ak kirwoogutik che po imanda ko uu ng'atuutichu tugul che kande taing'wong' peetuuni?

NG'ATUTIK 5:4

Ki ng'alaalwok Kamuktaindet ne Toroor kimni eng' tulweet eng' maat,