NEEMIA 9:10 - BUKUIT NE TILIIL Sireet ne Dutero Kanon

¹⁰ Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

Bukuit Ne Tilil

¹⁰ Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

BUKUIT NE TILIL

¹⁰ ak kiibarte kaborunoik ak kwong’utik eng’ Parao, ak otwogikyik tugul, ak bik tugul che bo emennyi; amu kiingen ile kiinyalil ichek eng’ menotet; ak kiigochige kainet ko u rani.

NEEMIA 9:10 Referencias Cruzadas

NEEMIA 9:16

Ago kiboisye icheek ak kwanisyekyok menoteet ak kouiit kaatinnywa ama kas iit ng'atuutiguk.

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

KOMONG'U 18:11

Angen nguno anyun ale oo Kamuktaindet ne Toroor kosiir kamuktaik tugul. Amu ki sar piik eng' eunegap Misiriik che ki yachi pichooto kiit ne ya eng' menoteet.”

KOMONG'U 3:20

Ara achuule eunnyu abiree Misiriik kwang'utik che amache ayai eng' kwenunnywa ak ye ibata chooto kotyachak obe.

KOMONG'U 5:2

koteebee Pharaoh koleenji, “Ng'oo Kamuktaindet ne Toroor, ne tos agas iit ng'aleekyik kot achamji Israel koba? Mangen Kamuktaindet ne Toroor, ak kogeny, ma chamjini Israel koba.”

KOMONG'U 7:1

Ak ki wolji `Kamuktaindet ne Toroor Musa koleenji, “Kayain iigei Kamuktaindet eng' Pharaoh, ak koek ng'eetap komet Aron maotyondeng'ung'.

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

ISAIAH 42:20

Igeere tuguuk che chaang', ago meguitosi; yaatatin itiikyik, ago ma kasei.

ISAIAH 63:12

ne ki chuul eunnyi ne po toroornatet koba kobooto eutap tai ne po Musa, ne kipchei peek eng' tainnywa, si koyachigei kainet ne po koigeny,

ISAIAH 63:14

Ko uu ye choorchingei tuuga atebweet, kogoochi ko uu nooto `Kabuusetap Kamuktaindet ne Toroor icheek komuuny: ki indochi anyun piiguk, si kobiit iyachigei kainet ne toroor.

JEREMIA 32:20

ne ki inde kaboorunoik ak kwang'utik emetap Misiri, agoi rani, eng' Israel ak eng' piik alak; ak ki iyai kaineng'ung' konaak, ko uu ye uu rani;

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

POISYONIGAP CHE KIYOKTOI 7:36

Ki imut chiichi anyun icheek komanda, ye kingo kagoyai kwang'utik ak kaboorunoik eng' Misiri, ak eng' araraita ne piriir, ak eng' kenyiisyek artam eng' surkwen.

ROMANIK 9:17

Amu mwachin sireet Pharaoh koleenjin, “Kang'eetin amu ng'olyoondoniito ale, abartaenen kamuktaennyu, si keamdaat kainennyu eng' ng'wony komugul.”

NG'ATUTIK 4:34

Anan kityem Kamuktaindet au komutyigei pororyet eng' pororyet age, eng' tyemuutik, eng' kaboorunoik, eng' kwang'utik, eng' pooryeet ak eng' euut ne kiim ne chuulaat eng' kamuisosyek che eecheen ko uu tugul che kiyaiywok Kamuktaindet ne Toroor Kamuktaindeng'wong' eng' Misiri eng' taitap konyekwok?

NG'ATUTIK 7:19

Ki igeer eng' konyeguk tyemuutik, kaboorunoik ak kwang'utik che eecheen ak euut ne kiim ne chuulaat, che ki imoong'unenen Kamuktaindet ne Toroor Kamuktaindeng'ung'. Yachin Kamuktaindet ne Toroor Kamuktaindeng'ung' ko uu nooto pororyosyek tugul che iywei.

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.