NEEMIA 9:1 - BUKUIT NE TILIIL Sireet ne Dutero Kanon

¹ Ki iyumgei anyun Yahudik eng' peetuutap tiptem ak ang'wan ne po arawanooto ak korugutkei, kolaachi kuniok ak kogeiilegei ng'ung'unyek.

Bukuit Ne Tilil

¹ Ki iyumgei anyun Yahudik eng' peetuutap tiptem ak ang'wan ne po arawanooto ak korugutkei, kolaachi kuniok ak kogeiilegei ng'ung'unyek.

BUKUIT NE TILIL

¹ Kiiyumgei lagokab Israel eng’ betutab tiptem ak ang’wan ne bo arawanato korugutgei, kolaach kunoik, ak koiilegei ng’ung’unyek.

NEEMIA 9:1 Referencias Cruzadas

2 SAMUEL 1:2

Eng' peetuutap somok, konyo chiito kobun nganaseet ne ki mi Saulo, ko kereerotiin ngoroikyik ak komi ng'ung'unyek metinnyi. Ye kingo it ole mi Daudi, kobutyi ng'wony ak kogutuny koganyit laitoryat.

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

2 ATEPTAP PEETUUSYEK 7:10

Eng' peetuutap tiptem ak somok ne po arawetap tisap ko ki mwachi piik koba emaisyekwak, eng' poiboiyet ak kagasetapkei ne po muguleldo amu myeeindo ne ki yachi Kamuktaindet ne Toroor Daudi ak Solomon ak Israel piikyik.

EZRAH 8:21

Yeityo ang'at anyun karugutetapkei, eng' aineetap Ahaba, si kobiit kiming'inge eng' taitap Kamuktaindennyo, kecheeng' eng' ineendet ooreet ne litit, eng' acheek ak lagokyok ak ne po tuguukyok tugul.

EZRAH 8:23

Ki kirugutkei anyun ak kesaa Kamuktaindennyo agobo niito ak kigaswech.

NEEMIA 8:2

Eng' peetuut ne po tai ne po arawetap tisap, koip anyun `Ezra tisiindet Ng'atuutik kobwa taitap tuiyet ne ki mi murenik ak kwonyiik kobooto piik tugul che ki imuuchi kogas ak koguiyo.

Kitabuutap JOB 2:12

Ye kingo tooben `icheek ineendet eng' ye loo ama inyit ineendet, kowaakyo eng' kutit ne oo ak koriiryo. Ki pet age tugul ngoryennyi ne po parak ak koseerta temburyek koba parak kororokyi metowekwak.

ISAIAH 22:12

Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

ATEPTAP LAWIK 23:34

“Mwachi piigap Israel leenjin, Egu igoortap keryosyek peetuusyek tisap eng' Kamuktaindet ne Toroor eng' peetuutap taman ak muut ne po arawaniito po tisap.

ATEPTAP LAWIK 23:39

“Ago ye kaoyum ruroteetap emet eng' peetuutap taman ak muut, ne po arawetap tisap, oriip koek igoortap Kamuktaindet ne Toroor eng' peetuusyek tisap. Kitere kamuung'et eng' peetuut ne po tai ak kitere kamuung'et eng' peetuut ne po sisiit.

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.

NG'ANG'UTYET 11:3

Ak agoochini paorinikyuk aeng' komaoten peetuusyek eliphuut agenge pogol aeng' ak tamanwogik lo, kolaachi kuniok.

KIRUOGIK 20:26

Yeityo kotogosta lagok tugul che po Israel, ak piik tugul agoi koit Bethel. Ki riiryo, ak kotebi ng'wony eng' taitap Kamuktaindet ne Toroor, ak korugutkei peetuunooto agoi koskoleny, ak ki igoito kagoochinoik che kibeelei ak kagoochinoigap kaalyeet eng' taitap Kamuktaindet ne Toroor.

1 SAMUEL 4:12

Ki labat chii ne po ooreetap Benjamin eng' ole kimi lugeet peetuunooto agoi Shiloh ko kagogereer ngoroikyik ak komi ng'ung'unyek metinnyi.

1 SAMUEL 7:6

Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.