NEEMIA 12:43 - BUKUIT NE TILIIL Sireet ne Dutero Kanon

⁴³ Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

Bukuit Ne Tilil

⁴³ Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

BUKUIT NE TILIL

⁴³ Ak kiigoito betunoto tiseiywek che eechen, ak koboiboitu; amu kiigochi Kamuktaindet ichek koboiboitu eng’ boiboiyet ne o; ak kiboiboitu agichek kwonyik ak lagok: kot kegasune boiboiyetab Jerusalem ole loo.

NEEMIA 12:43 Referencias Cruzadas

2 ATEPTAP PEETUUSYEK 20:13

Kitononso Judah tugul eng' taitap Kamuktaindet ne Toroor, kobooto manyurunikwak, osotikwak ak lagokwak.

2 ATEPTAP PEETUUSYEK 20:27

Ki week tugul che po Judah ak Jerusalem, kondoe Jehoshaphat, kobendi Jerusalem eng' poiboiyet, amu ki igoochi `Kamuktaindet ne Toroor icheek koboiboitu amu puunikwak.

2 ATEPTAP PEETUUSYEK 7:10

Eng' peetuutap tiptem ak somok ne po arawetap tisap ko ki mwachi piik koba emaisyekwak, eng' poiboiyet ak kagasetapkei ne po muguleldo amu myeeindo ne ki yachi Kamuktaindet ne Toroor Daudi ak Solomon ak Israel piikyik.

EZRAH 3:13

Ki ma mata komuuch piik koobeesyo waagaat ne po poiboiyet ak ne po riiregap piik, amu ki waakyo piik eng' waagaat ne oo, ak ki it waagandanooto ole loo.

NEEMIA 12:27

Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

NEEMIA 12:42

ak Maaseia, Semaiah, Eleazar, Usi, Jeohanan, Malkija, Elam ak Eser. Kityeni tyeniik eng' kutit ne oo, kondochin Jesraia kandoindennywa.

Kitabuutap JOB 34:29

Ye kasiis ineendet, ko ng'oo anyun ne igikyin ineendet? Ak ye uny togeennyi, ko ng'oo ne imuuchi kogeer? Ngo yachi poror anan ko chii, ko kergei.

TIENWOGIKAL 27:6

Ak koeeta nguno agee puunikyuk che yiema. Agoitoi koroseek che po kagasetapkei eng' emainnyi; atyeni ak alasu Kamuktaindet ne Toroor.

TIENWOGIKAL 28:7

Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

TIENWOGIKAL 9:2

Abaibaitu ak agasigei eng' inyee; atyenjini kalasunet kaineng'ung', ee, inyee Ne Toroor Miising'.

TIENWOGIKAL 92:4

Amu ki ibaibaa, ee Kamuktaindet ne Toroor, eng' poisyeng'ung': Agasigei eng' poisyonigap euneguk.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

JEREMIA 31:13

Kobaibait anyun pergeiyat eng' ureryet, kobooto murenik ak poisyek ak icheek: amu awale riirekwak koek poiboiyet, ak agaigai icheek, ak agoochi koboiboitu kometo riirekwak.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

KAITOSYEK 10:10

Eng' peetuut ne po kaagaaseng'wong' po kei ak eng' igoorwekwok che ki king'at, ye leeldos arawekwok oguut anyun igondisyek eng' paragutap kagoochinoikwok che kibeelei ak eng' paragutap tiseiywek che po kagoochinoikwok che po kaalyeet. Egu chooto kabwaatet eng' okweek eng' taitap Kamuktaindeng'wong'. Aa Kamuktaindet ne Toroor Kamuktaindeng'wong'.”

MATAYO 21:15

Ago ye kingo keer tisiik che eecheen ak siriik tuguuk che ki yai che po kwong'eet, ak lagok che kimwaei eng' kutit ne oo eng' Hekaluut, kole, “Hosanna weeriitap Daudi,” konereekso icheek miising'.

MATAYO 21:9

Kimwaoti tuiyosyek che ki indoe ineendet ak che ki isubi eng' kutit ne oo koleen, “Hosanna weeriitap Daudi! Iberuurot ineendet ne nyoonei eng' kainetap Kiptaiyat! Hosanna eng' ole toroor miising'!”

JOHANA 16:22

Nooto anyun otinye arageneet nguno: ago ta ageerok kogeny, ak poiboi mugulelwekwok, ama rebenok chii poiboiyeng'wong'.

EPESOEK 5:19

ong'alaaljinigei eng' tyenwogigap kalasunet ak tyenwogik che ki kisir ak tyenwogigap saboon, otyeni tyendo ne rurei eng' mugulelwekwok eng' Kiptaiyat;

JAKOBO 5:13

Mi chii eng' okweek ne nyalili? Ingosa. Mi ne paibai? Ingotyen kalasunet.

1 SAMUEL 4:5

Ye kingo it moingetap arorutyetap Kamuktaindet ne Toroor nganaseet, kowaach Israel tugul eng' waagaat ne oo kot kochei emet.