NEEMIA 12:27 - BUKUIT NE TILIIL Sireet ne Dutero Kanon

²⁷ Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

Bukuit Ne Tilil

²⁷ Eng' peetuut ne ki kitabaane irimeetap Jerusalem, ko ki kicheeng' Lawiik eng' komoswekwak tugul ak kimut kobwa Jerusalem si koyai katabaanisyet eng' poiboiyet, kobooto mwaetap kongoi, eng' tyendo ak eng' sanisyegap sugunonik che kibirei, kibugandinik ak eng' ketubosyek.

BUKUIT NE TILIL

²⁷ Ak kicheng’ ichek Lawik eng’ komoswekwak tugul, eng’ betut ne kigitabane irimetab Jerusalem, si komut ichek kobwa Jerusalem, si koyai katabanisiet eng’ boiboiyet, koboto mwaetab kongoi, eng’ tiendo, ak eng’ sanisiekab sugunonik che kibirei, kibugandinik, ak eng’ ketubosiek.

NEEMIA 12:27 Referencias Cruzadas

2 SAMUEL 6:12

Ki kimwachi Daudi keleenji, “Kigoberuur Kamuktaindet ne Toroor kootap Obed-edom, ak tuguukyik tugul, amu moingetap Kamuktaindet.” Ara ki wo `Daudi koip moingetap Kamuktaindet eng' poiboiyet eng' kootap Obed-edom kotogos konyo nganaseetap Daudi.

1 LAITORINIK 8:63

Ki igoito Solomon tiseiywek koek kagoochinoigap kaalyeet, che ki igoochi Kamuktaindet ne Toroor, tuuga eliphuusyek tiptem ak aeng', ak keechiirek eliphuusyek pogol ak tiptem. Kotabaan anyun laitoryat kobooto lagok tugul che po Israel, kootap Kamuktaindet ne Toroor.

1 ATEPTAP PEETUUSYEK 13:8

Ki ureren Daudi kobooto Israel tugul eng' taitap Kamuktaindet eng' kimnateennywa tugul, eng' tyenwogik, ketubosyek, kibugandinik, sugutisyek che mengeechen, sanisyek che po sugunonik che kibirei ak iryagook.

1 ATEPTAP PEETUUSYEK 15:12

Ki leenji icheek, “Oo kandoigap kooriigap kwanisyek che po Lawiik. Otiliilgei okweek ak tupchosyekwok si oibu moingetap Kamuktaindet ne Toroor, Kamuktaindetap Israel, kotogos konyo komosta ne koachopchi.

1 ATEPTAP PEETUUSYEK 15:16

Ki mwachi Daudi che eecheen che po Lawiik kolewen tupchosyekwak tyeniik, ak tuguuk che kibutei, che chooto ko kibugandinik, ketubosyek sanisyek che po sugunonik che kibirei kebut kocheiyo miising', ak kotyenso eng' kagasetapkei.

1 ATEPTAP PEETUUSYEK 15:28

Koip anyun `Israel tugul moingetap arorutyetap Kamuktaindet ne Toroor kotogos kogasanugei eng' tuugeet ne oo, ak koguutonu iryagook, ak kobironu sanisyek che po sugunonik, ak kobutonu kibugandinik ak ketubosyek.

1 ATEPTAP PEETUUSYEK 15:4

Ki iyum `ineendet weeriigap Aron kobooto Lawiik:

1 ATEPTAP PEETUUSYEK 16:42

Ki mi kobooto icheek Herman ak Jeduthun che ki tinyei iryagook ak sanisyek che po sugunonik che kibirei, che po icheek che pirei kocheiyo miising', ak tuguuk che kibutei che po tyenwogigap Kamuktaindet. Ki tebee weeriigap Jeduthun ormariich.

1 ATEPTAP PEETUUSYEK 16:5

Chooto ko ki chu: ki ne oo Asaph, korubei Zekariah, ak Jeiel, Semiramot, Jehiel, Matitia, Eliap, Benaiah, Obed-edom ak Jeiel. Kibutei icheek kibugandinik ak ketubosyek; kibirei Asaph sanisyek che po sugunonik kocheiyo miising';

1 ATEPTAP PEETUUSYEK 23:5

Ki eliphuusyek ang'wan riibiigap kurgotik ak ki ilasu Kamuktaindet ne Toroor eliphuusyek ang'wanu eng' kibugandinik che ki ayae anee, si kilasune Kamuktaindet ne Toroor.

1 ATEPTAP PEETUUSYEK 26:31

Eng' che po Hebronik, ko ki Jerija ne oo, ko uu ibinwekwak ak eng' kooriigap kwanisyek. Ki kicheeng' pichooto eng' kenyiitap artam ne po laitornatetap Daudi, ak ki piit eng' icheek piik che kiimeen che nyigoonen eng' Jaser ne po Gilead.

2 ATEPTAP PEETUUSYEK 29:25

Ki inde Lawiik kootap Kamuktaindet ne Toroor, kotinyei sanisyegap sugunonik che kibirei, kibugandinik ak ketubosyek, ko uu ng'atuutyetap Daudi, ak ne po Gad keerindetap laitoryat, ak maotyot Nathan; amu ki punu ng'atuutyonooto Kamuktaindet ne Toroor eng' maotikyik.

2 ATEPTAP PEETUUSYEK 29:30

Ki ng'at kogeny `Laitoryat Hezekiah ak `pounik, Lawiik kotyenji Kamuktaindet ne Toroor kalasunoik eng' ng'aleegap Daudi ak che po Asaph keerindet. Ara kityen kalasunoik eng' kagasetapkei, ak ki ing'uruukso ak kolas.

2 ATEPTAP PEETUUSYEK 5:13

Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

2 ATEPTAP PEETUUSYEK 7:6

Kitononso anyun tisiik kobee poisyonikwak; ki yai ko uu nooto Lawiik ak icheek che ki tinyei kibungandinigap tyenwogik che po Kamuktaindet ne Toroor, che kiga koyai Daudi laitoryat che kimwachine kongoi Kamuktaindet ne Toroor. Kityenso kole “Amu po koigeny rireenennyi,” ko uu ye ki ng'at `Daudi icheek eng' otisyennywa. Kiguutei iryagook tisiik eng' tainnywa, ak kitononso Israel tugul.

EZRAH 6:16

Ki itabaan koyooto po Kamuktaindet eng' poiboiyet piigap Israel, tisiik kobooto Lawiik ak piik tugul che ki luulenik che ki weeksei.

NEEMIA 11:20

Ak che ki ng'et che po Israel, eng' Tisiik ak Lawiik, ko ki mi nganasook tugul che po Judah, chii age tugul eng' ole mi porotennyi.

NEEMIA 12:43

Ak ki igoito peetuunooto tiseiywek che eecheen ak koboiboitu, amu ki igoochi Kamuktaindet icheek koboiboitu eng' poiboiyet ne oo. Kiboiboitu ak icheek kwonyiik ak lagok, kot kegasune poiboiyetap Jerusalem ole loo.

NEEMIA 8:17

Kiteekyigei keryosyek tuiyet tugul ne po piik che ki weeksei che kiga kiluul ak komeny keryosyechooto, amu kitom koyai piigap Israel ko uu nooto kobooch peetuusyegap Jeshua weeriitap Nun, ak ki piit poiboiyet ne oo.

TIENWOGIKAL 149:3

Ingolas kainennyi ye urerendos, ingotyenji ineendet kalasunoik eng' sugutit ne ming'in ak ketubet.

TIENWOGIKAL 30:1

Alasun, ee Kamuktaindet ne Toroor, amu ki ieeta, ama igoochi puunikyuk kogasenagei.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 20:5

Ye ibata, kong'alaalji piik `kandoik koleenji, ‘Tos mi chii ne kateech ko ne leel ama igoochi Kamuktaindet? Ngo mi, ko ingoweek kwo koonnyi si ma me eng' pooryeet ak kogoochi chiito age Kamuktaindet koonnyi.

PILIPIK 4:4

Oboiboitu eng' Kiptaiyat kotugul: ak amwae kogeny ale, Oboiboitu.

NG'ANG'UTYET 5:8

Ak ye kingo kagoip bukuinooto, kobutyi taitap Aarwet `tyong'ichooto ang'wanu saptos ak poisyechooto tiptem ak ang'wan, kotinyei age tugul ketubet, ak taabook che po thahabu che nyiitootiin nyamdutik che kebeelei, che chooto ko saautigap piik che tiliileen.