NEEMIA 12:24 - BUKUIT NE TILIIL Sireet ne Dutero Kanon

²⁴ Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

Bukuit Ne Tilil

²⁴ Ki che eecheen che po Lawiik ko ki Hasabia, Serebia ak Jeshua weeriitap Kadmiel kobooto tupchosyekwak che kitokyindos ak icheeget, si kolas ak komwaei kongoi, kowaljingei ko uu eng' ng'atuutyetap Daudi chiitap Kamuktaindet.

BUKUIT NE TILIL

²⁴ Ak che eechen che bo Lawik ko ki Hasabia, Serebia, ak Jesua weritab Kadmiel, koboto tupchosiekwak che kitokyindos ak icheget, si kolos ak komwaei kongoi, kowaljingei, ko u ng’atutietab Daudi chitab Kamuktaindet.

NEEMIA 12:24 Referencias Cruzadas

1 LAITORINIK 17:24

Ki leenji `kwonyooto Elijah, “Kaanai nguno ale ii chiitap Kamuktaindet ne Toroor ak ko po iman ng'olyootap Kamuktaindet ne Toroor ne mi kuting'ung'.”

1 ATEPTAP PEETUUSYEK 16:4

Ki lewen alak eng' Lawiik kobois eng' taitap moingetap Kamuktaindet ne Toroor, koyai kabwaatet, komwachin kongoi, ak kolasu Kamuktaindet ne Toroor, Kamuktaindetap Israel;

2 ATEPTAP PEETUUSYEK 8:14

Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

EZRAH 2:40

Lawiik: lagogap Jeshua ak Kadmiel, che po lagogap Hodabiah, ko ki tamanwogik tisap ak ang'wan.

NEEMIA 11:17

ak Mattaniah weeriitap Mikah, weeriitap Sabdi, weeriitap Asaph, ne ki ne oo ne ki tau komwaei kongoi eng' saaet, Bakbukia, ne po aeng' eng' tupchosyekyik ak Abda weeriitap Samua, weeriitap Galal, weeriitap Jeduthun.

NEEMIA 12:23

Ki kisirchi bukuitap ateptap peetuusyek, weeriigap Lawiik, kandoigap kooriigap kwanisyek, agoi peetuusyegap Johanan weeriitap Eliasib.

NEEMIA 12:36

ak tupchosyekyik, Semaiah, Asarel, Milalai, Gilalai, Maai, Nethanel, Judah ak Hanani, kotinyei kibugandinik che po Daudi chiitap Kamuktaindet ne Toroor. Ak ki indoe icheek Ezrah siriindet.

NEEMIA 8:7

Kitooret piik koguiyo Ng'atuutik Lawiik: Jeshua, Bani, Serebia, Jamin, Akub, Sabetai, Hodia, Maaseia, Kelita, Azariah, Josabad, Hanan, Pelaiah, ak kitononso piik eng' komostanywa.

NEEMIA 9:4

Yeityo kotononso eng' lang'eiywotap Lawiik: Jeshua, Bani, Kadmiel, Sebania, Buni, Serebia, Bani ak Kenani. Kowaakyo eng' kutit ne oo, kowaakyi Kamuktaindet ne Toroor, Kamuktaindennywa.

NG'ATUTIK 33:1

Ni kaberuret ne ki iberuur `Musa chiitap Kamuktaindet piigap Israel kotom kome:

1 TIMOTEO 6:11

Ago inyee, ee, chiitap Kamuktaindet, mwee tuguuchuuto; ak isup imanda, ak kayweet ne kiywei Kamuktaindet, kayaneet, chamyet, muitaet, mutyonet.

2 TIMOTEO 3:17

si kobiit koek chiitap Kamuktaindet, ne ineetat, ne ki kichop koek ne ititaat eng' poisyet age tugul ne myee.

JOSHUA 14:6

Ki riikta piigap Judah ole ki mi Joshua eng' Gilgal. Ki mwachi `Kaleb weeriitap Jepune Kenisindet ineendet koleenji, “Ingen kiit ne ki mwa `Kamuktaindet ne Toroor komwachi Musa chiitap Kamuktaindet agobo anee ak inyee eng' Kadesh-barnea.