NEEMIA 10:29 - BUKUIT NE TILIIL Sireet ne Dutero Kanon

²⁹ koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

Bukuit Ne Tilil

²⁹ koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

BUKUIT NE TILIL

²⁹ kinamegei ak tupchosiekwak, bikwak che toogunotin, ak kiiyosio eng’ chubisiet ak koyosiet, kole kobendate Ng’atutikab Kamuktaindet, che kigigon eng’ Musa otwogindetab Kamuktaindet, ak korib ak koyai kayomisutik tugul che bo Jehovah Kiptaiyandennyo, koboto kiruogutikyik ak kotigonutikyik;

NEEMIA 10:29 Referencias Cruzadas

2 LAITORINIK 10:31

Ago ma mage kiy Jehu kowendote ng'atuutigap Kamuktaindet ne Toroor, Kamuktaindetap Israel, eng' muguleldanyi tugul. Ma istoegei tengekwogigap Jeroboam, che ki ibeete Israel si koyai tengekto.

2 LAITORINIK 23:3

Ki tonon laitoryat eng' ye po toloita ak koyai arorutyet eng' taitap Kamuktaindet ne Toroor, koosup Kamuktaindet ne Toroor ak koriip ng'atuutikyik, paornatosyekyik ak kayomisutikyik eng' muguleldanyi tugul ak saboondanyi tugul, kogimit ng'aleegap arorutyoni che ki kisirchi bukuini. Kitononso piik tugul koyan arorutyonooto.

1 ATEPTAP PEETUUSYEK 9:2

Piik che tai che kisip komeny ole po porotennywa eng' nganasookwak ko ki Israel, tisiik, Lawiik ak otwogigap Hekaluut.

2 ATEPTAP PEETUUSYEK 34:31

Ak ki tonon laitoryat eng' komostanyi, ak koyai arorutyet eng' taitap Kamuktaindet ne Toroor, koosup Kamuktaindet ne Toroor, ak koriip ng'atuutikyik, ak paornatosyekyik, ak kayomisutikyik, eng' muguleldanyi tugul, ak eng' saboondanyi tugul, koosup ng'aleegap arorutyet che ki kisirchi bukuini.

2 ATEPTAP PEETUUSYEK 6:16

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu, ngot koriip lagoguk ortinwekwak, kobendatee ng'atuutyennyu, ko uu ye ki iwendote tainnyu.’

NEEMIA 13:25

Ki ager kong' icheek ak achup, abir alak eng' icheek ak ang'ei sumekwak, yeityo abirchi icheek koyasyo eng' Kamuktaindet aleenji, “Amat ogoochi tiibiikwok weeriikwak anan otunji weeriikwok tiibiikwak anan otun okweeget.

NEEMIA 7:46

Otwogigap Hekaluut: lagogap Siha, lagogap Hasupa, lagogap Tabaot;

NEEMIA 8:2

Eng' peetuut ne po tai ne po arawetap tisap, koip anyun `Ezra tisiindet Ng'atuutik kobwa taitap tuiyet ne ki mi murenik ak kwonyiik kobooto piik tugul che ki imuuchi kogas ak koguiyo.

NEEMIA 8:3

Kisoman ng'atuutichooto eng' taitap komosta ne paraa ne ki miitei taitap ormariichetap peek, kobooch karon agoi peet kween eng' taitap murenik ak kwonyiik, kobooto che ki imuuchi koguiyo. Ki epchi iit anyun piik tugul kitabuutap Ng'atuutik.

NEEMIA 9:2

Ki itabaanegei `iyoteetap Israel toek tugul yeityo kotononso kong'aany tengekwogikwak ak tengekwogigap kwanisyekwak.

NEEMIA 9:38

Agot eng' chooto tugul ko kagiyai arorutyet ne kiim, ak keesir, ak kong'ooch pounikyok ak Lawikyok ak tisiikyok.

TIENWOGIKAL 105:45

si kobiit koriip kaneetisyosyekyik, ak koosup ng'atuutikyik. Olasu Kamuktaindet ne Toroor.

TIENWOGIKAL 119:106

Ki ayosye ak ki agimiit nooto, ale asup kirwoogutiguk che po iman.

TIENWOGIKAL 8:1

Ee Kamuktaindet ne Toroor, Kiptaiyandennyo, konyitot ne tya kaineng'ung' eng' ng'wony komugul! Ki inde telunateng'ung' kipsengwet.

TIENWOGIKAL 8:9

Ee Kamuktaindet ne Toroor, Kiptaiyandennyo, konyitot ne tya kaineng'ung' eng' ng'wony komugul!

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

JEREMIA 26:4

Ak ileenji icheek, Kamwa Kamuktaindet ne Toroor kole: Ngot ko mocham ogasa, obendate ng'atuutikyuk, che ki ande taing'wong',

JEREMIA 34:15

Ak ki owalage anyun, ak kiga oyai kiit ne myee eng' tainnyu, omwaitoi katyaget eng' chii age tugul eng' chiitap kokwennyi; ak kiga oyai arorutyet eng' tainnyu eng' koot ne kimwaitoe kainennyu:

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

ATEPTAP LAWIK 20:26

Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

MALAKI 4:4

“Obwaat Ng'atuutyetap otwogindennyu Musa ne ki ang'at eng' Horeb, agoochi ng'atuutik ak kirwoogutik agobo Israel komugul.

KAITOSYEK 5:21

ko ngo mwachi anyun tisiindet kwonyooto koyasyo kayasyoet ne po chubisyet, ak koleenji tisiindet ineendet, Ingoyain Kamuktaindet ne Toroor iegu ne chuboot ak ne iteweerat eng' piiguk ye yaei ineendet konun ak kosoonen moeng'ung'.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 15:14

Oo choronokyuk, ngot oyai tuguuk che ang'atook.

JOHANA 7:19

Tos ki ma koonok Musa Ng'atuutyet, ago ma mi chii eng' okweek ne yaei Ng'atuutyet? Amu nee si ocheeng'e obara?”

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 17:34

Ago ki namgei piik alak ak ineendet ak koyan; ki age eng' icheeget ko Dionusio Areopagindet, ak kobogoryot ne kiguure Damaris, ak alak che ki mi kobooto icheeget.

POISYONIGAP CHE KIYOKTOI 23:21

Ameyanji anyun amu miitei eng' icheek che siirei artam che setyin ineendet, che kagoratkei eng' kayasyoet, kole ma amei kiy anan koe agoi kobar ineendet. Chobootiin icheek nguno kogeni ng'atuutyet ne punun.”

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

NG'ATUTIK 33:4

King'atwech `Musa ng'atuutyet, poroteetap tuiyetap Jakobo,

NG'ATUTIK 5:1

Ak ki kuur `Musa Israel tugul, ak koleenji, “Ogas anyun, ee Israel kaneetisyosyek ak kirwoogutik che amwaiwok rani. Ogas eng' itiikwok si kobiit oneetkei ak oriip oyai.”

NG'ATUTIK 5:32

“Oriip anyun si oyai ko uu ye king'ataak Kamuktaindet ne Toroor Kamuktaindeng'wong'; amomaste obe tai anan kaataam.