NEEMIA 1:9 - BUKUIT NE TILIIL Sireet ne Dutero Kanon

⁹ ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

Bukuit Ne Tilil

⁹ ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

BUKUIT NE TILIL

⁹ ago ngot oweekyage, ak orib ng’atutikyuk ak oyai, ko agot ngo kigiyestochok tabandab kipsengwet, ayumi kobwa eng’ oloto, ak amutu kobwa ole kialewen ande kainennyu kotebe.

NEEMIA 1:9 Referencias Cruzadas

1 LAITORINIK 8:48

ngot koweegiyigei eng' mugulelwekwak tugul ak eng' saboonwekwak tugul, eng' emetap puunikwak che kiluul icheek, ak kosaain kotokyigei emennywa, ne ki igoochi kwanisyekwak, nganaseet ne ki ilewen, ak koot ne ki ateekyi kaineng'ung',

1 LAITORINIK 9:3

Ki leenji `Kamuktaindet ne Toroor ineendet, “Kaagas saaeng'ung' ak soomeng'ung' ne kaisa ak isoom eng' tainnyu. Kaatiliil kooi koiteech, si ande kainennyu yooto koigeny. Tebee yooto konyekyuk ak muguleldanyu peetuusyek tugul.

1 ATEPTAP PEETUUSYEK 16:35

Omwa ole, “Sarwech, ee Kiptaiyat Kamuktaindetap yetunennyo, iyumech ak isarwech kemong'u eng' pororyosyek, si kobiit keeweekyi kongoi kaineng'ung' ne tiliil, ak kigaaskei eng' kalasuneng'ung'.”

EZRAH 6:12

Ngo par Kamuktaindet ne ki inde kainennyi komeny olooto, laitorinik tugul ak piik tugul che iitoi eunekwak kole kowal ng'olyoondonooto ak kong'em kootap Kamuktaindet ne miitei Jerusalem. Kaang'at anee Darius. Ara ingoyaak ng'atuutyoniito eng' kagiiletapkei tugul.

TIENWOGIKAL 106:47

Sarwech, ee Kamuktaindet ne Toroor, Kamuktaindennyo, ak iyumech, kemang'une pororyosyek, si kobiit keeweekyi kongoi kaineng'ung' ne tiliil, ak kilasuge eng' kalasuneng'ung'.

TIENWOGIKAL 107:3

ak ki iyum komong' eng' emotinwek, kobun kong'asiis ak cherongo, murot ne po kaataam ak murot tai.

TIENWOGIKAL 147:2

Teechei `Kamuktaindet ne Toroor Jerusalem; iyumi ineendet che ki kioon che po Israel.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 27:12

Tuun pirei Kamuktaindet ne Toroor eng' peetuunooto logoekyik korara, kobooch nyiietap Aineetap Yufrets agoi kererutap Misiri, ak kiyumak agenge agenge, ee okweek lagogap Israel.

ISAIAH 56:8

Mwaei Kiptaiyat Kamuktaindet ne Toroor ne iyumi che kigetimda che po Israel, kole, ta ayumjini alak ineendet, che siirei chechiik che ki kiyum.

JEREMIA 12:15

Ago ye kaatut icheek, aweechigei ak ariiree icheek. Ak amutu kogeny konyo age tugul porotennyi ak konyo age tugul emennyi.

JEREMIA 3:14

Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

JEREMIA 32:37

Ogeero, ayumi icheek komong' eng' emotinwek tugul che kigaonji icheek amu nereegekyuk, ak eng' nereegekyuk che ng'woneen, ak eng' nereegek che eecheen, ak amutu icheek kogeny kobwa olito, ak agoochi komeny eng' chametapkei.

JEREMIA 6:22

Mwaei kora Kamuktaindet ne Toroor kole, “Punu piik emet ne mi murot kaataam; king'eeti pororyet ne oo ne punu komoswek che looen che po ng'wony.

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 36:24

Amu amutwok omang'une pororyosyek, ak ayumak omong'u eng' emotinwek tugul, ak amutwak obwa emeng'wong'.

ATEPTAP LAWIK 26:3

“Ngo pendate kaneetisyosyekyuk ak oriip ng'atuutikyuk, ak oyai,

SEKARIA 8:7

Mwaei Kamuktaindet ne Toroor ne po lugoosyek kole: Ogeero, asaru piikyuk eng' emet ne po kong'asiis ak eng' emet ne po cherongo;

MATAYO 24:31

Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

NG'ATUTIK 12:21

Ngot ko loo eng' inyee ole leweni Kamuktaindet ne Toroor Kamuktaindeng'ung' konde kainennyi, ieny anyun che po akweeng'ung' ak che po keechiireguk che ki kogoonin Kamuktaindet ne Toroor ko uu ye ki ang'atiin ak iam eng' kurgotiguk, ko uu ye machei saboondang'ung'.

NG'ATUTIK 12:5

Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

NG'ATUTIK 30:1

“Ye pwaanjin anyun tuguuchu tugul ki ande taing'ung'; perurto ak chubisyet, ak ingibwaat anyun eng' kwenutap pororyosyek tugul ole ki koonjin Kamuktaindet ne Toroor Kamuktaindeng'ung',