NEEMIA 1:6 - BUKUIT NE TILIIL Sireet ne Dutero Kanon

⁶ ingoep iit itiiguk ak koyatagis konyeguk, si kobiit igas saaetap otwogindeng'ung' ne asaain eng' saini, peet ak kemoi, agobo piigap Israel otwogiguk, ye ang'aanye tengekwogigap piigap Israel, che kigeyaun. Ee, ki ayai tengekto kobooto kootap kwandanyu.

Bukuit Ne Tilil

⁶ ingoep iit itiiguk ak koyatagis konyeguk, si kobiit igas saaetap otwogindeng'ung' ne asaain eng' saini, peet ak kemoi, agobo piigap Israel otwogiguk, ye ang'aanye tengekwogigap piigap Israel, che kigeyaun. Ee, ki ayai tengekto kobooto kootap kwandanyu.

BUKUIT NE TILIL

⁶ ingoeb it itiguk, ak koyatogis konyeguk, si kobiit igas saetab otwogindeng’ung’, ne asain eng’ saini, bet ak kemoi, agobo lagokab Israel otwogiguk, ye ang’anye tengekwogikab lagokab Israel, che kigeyaun: ee, kiayai tengekto koboto gotab kwandanyu.

NEEMIA 1:6 Referencias Cruzadas

1 LAITORINIK 8:30

Kas soometap otwogindeng'ung', ak piiguk Israel, ye saaei kotokyingei yuto. Kas anyun eng' kipsengwet oldang'ung' ole imenye; ak ye igas, inyochigaat.

1 LAITORINIK 8:47

ago ngot kobwaatkei eng' emet ne ki kimut koek luulenik, ak kosik, koriirchin eng' emetap piik che ki imut icheek koluul, kole, ‘Kigeyai tengekto, ki keyai kiit ne imaasat, ki keyai kiit ne ya kot’;

2 ATEPTAP PEETUUSYEK 28:10

Ak nguno omache oyai lagogap Judah ak Jerusalem che murenik ak che kwonyiik koek otwogikwok. Ago motinye okweek kachiliilutik che ki ochiliilji Kamuktaindet ne Toroor Kamuktaindeng'wong'?

2 ATEPTAP PEETUUSYEK 29:6

Amu ki kochiliil kwanisyekyok ak koyai ne ya eng' taitap Kamuktaindet ne Toroor Kamuktaindennyo, ak ki kometo ineendet ak kowelelgei kometo ole menyei Kamuktaindet ne Toroor, ak kotuktoochi patai.

2 ATEPTAP PEETUUSYEK 6:40

Ara anyun, ee Kamuktaindennyu, asaain ale, ingogeer konyeguk ak ingogas itiiguk saaet ne ki saaei eng' yuto.

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

EZRAH 10:11

Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

NEEMIA 1:11

Asaain, ee Kiptaiyat, ale, ingoepchi iit iting'ung' saaetap otwogindeng'ung' ak saaetap otwogiguk che igaasegei koywei kaineng'ung'. Asaain ale, igoochi otwogindeng'ung' koboor eng' peetuuni ak igoochi ineendet rireenet eng' taitap chiichi.” (Eng' peetuusyechooto, kogio ne ipchin laitoryat kigombet.)

TIENWOGIKAL 102:17

Kagogas saaetap kibananiat, ama sas saaennywa.

TIENWOGIKAL 106:6

Kigechalwogense kobooto kwanisyekyok, ki keyai tengekto, ki keyai ne ya kot.

TIENWOGIKAL 130:2

Kiptaiyat, kas kutinnyu! Ingoepchi iit iting'ung' kutitap soomutikyuk.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

TIENWOGIKAL 34:15

Tokyingei konyegap Kamuktaindet ne Toroor che po imanda, ak kasei itiikyik riirekwak.

TIENWOGIKAL 55:17

Atigeni ak ariire, koskoleny, ak karon, ak peet kween, si kogas ineendet kutinnyu.

TIENWOGIKAL 88:1

Ee Kamuktaindet ne Toroor, Kamuktaindetap yetunennyu, Kaariir eng' taing'ung' peet ak kemoi:

ISAIAH 6:5

Ki ale anyun, “Pwo eng' anee! Kaawong'uge, amu aa chii ne tinyei kutit ne ng'waan, ak ki meng'iisyei ak piik che ng'woneen kutusweek; amu kaageer Laitoryat, Kamuktaindet ne Toroor ne po lugoosyek.”

RIREKAB JEREMIA 5:7

Ki yai tengek kwanisyekyok ak ma komi; ang'ni anyun kigegesen tengekwogikwak.

LUKA 18:7

Tos ma yachin Kamuktaindet imanda che lewenotin, che riirchin ineendet peet ak kemoi, ak muitoi ineendet eng' icheek?

LUKA 2:37

Ak ki tebi ko kwony ne ki kosiirtoe manong'otyot kenyiisyek tamanwogik sisiit ak ang'wan), koma mandoi eng' Hekaluut, ak kolasu, kobooto karugutetapkei, ak soomutik, kemoi ak peet.

EPESOEK 2:3

che ki kimenye agot acheek tugul kwenunnywa eng' maguutik che yaach che po poorto, keyae maguutik che po poorto ak che po kabwaatutik, ak ki kilagogap nereeknateet, eng' sigeet, ko uu alak:

1 TIMOTEO 5:5

Ak ineendet ne mosoget iman, ne tebyei ineegei, kotinyei kamang'unennyi eng' Kamuktaindet, ak kotepto soomutik ak saautik kemoi ak peet.

2 TIMOTEO 1:3

Amwachini Kamuktaindet kongoi, ne aoote ko uu ye kiyaei kwanisyekyuk che po tai eng' kabwaatet ne tiliil, ale masisei kabwaatet ne abwaatin eng' soomutikyuk, kemoi ak peet,

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

1 SAMUEL 15:11

“Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.