NAHUM 2:13 - BUKUIT NE TILIIL Sireet ne Dutero Kanon

¹³ Keero, aboryenen, mwaei Kamuktaindet ne Toroor ne po lugoosyek, ak abeel kariisyeguk che po lugeet eng' iyeto, ak kobar rotwetap chok ng'etunyiguk che neranik; ageesu eng' ng'wony tyong'iguk che ibare, ama kegasei kogeny kutitap piiguk che kiyooktoi.

Bukuit Ne Tilil

¹³ Keero, aboryenen, mwaei Kamuktaindet ne Toroor ne po lugoosyek, ak abeel kariisyeguk che po lugeet eng' iyeto, ak kobar rotwetap chok ng'etunyiguk che neranik; ageesu eng' ng'wony tyong'iguk che ibare, ama kegasei kogeny kutitap piiguk che kiyooktoi.

BUKUIT NE TILIL

¹³ Keero, aborienen, mwaei Jehovah ne bo lugosiek, ak abeel karisiekyik che bo luget eng’ iyeto, ak kobar rotwetab chok ng’etunyiguk che neranik: ak agesu eng’ ng’ony tiong’iguk che ibare, ama kegasei kogeny kutitab biguk che kiyoktoi.

NAHUM 2:13 Referencias Cruzadas

2 LAITORINIK 18:17

Ki iyookto laitoryatap Assyria Tartan ak Rab-saris ak Rabsake eng' Lakish kobooto lugeet ne oo, koba kaplaitoryat Hezekiah eng' Jerusalem. Ak kitogosta ak koit Jerusalem. Ak kingo it, koba kotononie kererchetap tamboiyot ne po meto, ne mi ooreet ne oo ne po kooretap mwetindet.

2 LAITORINIK 18:19

Ki leenji `Rabsake icheek, “Oleenji Hezekiah, ‘Kamwa ko uu ni laitoryat ne oo, laitoryatap Assyria, kole: Nee kamang'unoni imang'u?’

2 LAITORINIK 19:23

Koichot Kiptaiyat eng' piiguk che koiyoogu, koile: Anyoone kot aitu paragutap tuloonook kobooto chaang'indap kariisyekyuk, kot aitu oriit eng' Lebanon. Aluuli taragonikyik che kooen, ak piribirinikyik che korooron. Achute komosta ne ki menyei oriit inne, timdap mbareennyi ne rurei.

2 LAITORINIK 19:9

Kingo kas kemwaei agobo Tiraka laitoryatap Kush, keele, nyoonei kobarge ak ineendet, koyookto piik kogeny koba kap Hezekiah, koleenji:

2 ATEPTAP PEETUUSYEK 32:19

Ki ng'alaal agobo Kamuktaindetap Jerusalem koyanie kanamonigap piik che po ng'wony, che poisyonigap eunegap piik.

TIENWOGIKAL 46:9

Igeesu `inee lugoosyek eng' ng'wony; iriei kwanget, ak iriei ng'otit; ak peelei long'onik eng' maat.

JEREMIA 21:13

Keero, aboryenen, ee inyee ne imenye atebweet, ak ne menyei rwandet ne po warenget, mwaei Kamuktaindet ne Toroor; okweek che omwae ole, Ng'oo ne choorugei kebarge? Anan ng'oo ne nyoonei ole ki menye?

JEREMIA 46:14

Omwaite eng' Misiri, ak obarte eng' Migdol, ak obarte eng' Nop ak eng' Tapanes: oleenji, Otononse, ochopkei; amu kagoamis rotwetap chok eng' tabanweguk.

JEREMIA 50:31

Keero, aboryenen, inyeendet ne ii menotyo, mwaei Kiptaiyat Kamuktaindet ne Toroor ne po lugoosyek: amu kait peetuung'ung', peetuut ne aityinin pireet.

JEREMIA 51:25

Keero, aboryenen, ee inyee tulweet ne ing'emisyei, mwaei Kamuktaindet ne Toroor, ne ng'emei ng'wony komugul: ak achuul eunnyu atokyin, ak amilden eng' rwandosyek, ak ayain iegu tulweet ne ki kolal.

EZEKIEL 13:8

Mwaei anyun Kiptaiyat Kamuktaindet ne Toroor kole: Amu ki omwa eng' tangoita, ak ogeer lembech, ogeer anyun, aboryenok, mwaei Kiptaiyat Kamuktaindet ne Toroor.

EZEKIEL 21:3

ak ileenji emetap Israel, Mwaei Kamuktaindet ne Toroor kole: Keero, aboryenen ak ang'usu rotwennyu po chok, ak aiste eng' inyee chiito ne po iman ak ne ya.

EZEKIEL 26:3

mwaei anyun Kiptaiyat Kamuktaindet ne Toroor kole: Keero, aboryenen, ee Tyro, ak agoochini pororyosyek che chaang' kobookyin, ko uu ye igoochin nyanjet peekyik komildagei.

EZEKIEL 28:22

ileenji, mwaei Kiptaiyat Kamuktaindet ne Toroor kole: Keero, aboryenen, ee Sidon; ak kitoroora eng' kwenung'ung': si konai kole aa Kamuktaindet ne Toroor, ye karwookyi ineendet ak aegu ne itabaanat eng' ineendet.

EZEKIEL 29:10

Keer anyun, aboryenen, kobooto ainoosyeguk, ak ayai emetap Misiri koek karaita ne ya ak koguber, kobooch teekseet ne kooi ne po Sebene agoi kiwotetap Kush.

EZEKIEL 29:3

ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

EZEKIEL 35:3

ileenji, mwaei Kiptaiyat Kamuktaindet ne Toroor kole: Keero, aboryenen, ee tulweetap Seir, ak atokyinin eunnyu, ak ayain iguber ak iegu ne kikwong'ee.

EZEKIEL 38:3

ileenji, mwaei Kiptaiyat Kamuktaindet ne Toroor kole: Keero, aboryenen, ee Gog, pouinindetap Rosh, Meshek, ak Tubal;

EZEKIEL 39:1

Ee, inyee weeriitap chii, maoten agobo Gog, ak ileenji, mwaei Kiptaiyat Kamuktaindet ne Toroor kole: Keero, aboryenen inyee, ee Gog, pounindetap Rosh, Meshek, ak Tubal:

EZEKIEL 5:8

mwaei anyun Kiptaiyat Kamuktaindet ne Toroor kole ogeero, aboryenen agane; ak ayai kirwoogutik eng' kwenung'ung' eng' taitap pororyosyek.

NAHUM 2:12

Kitonaton ng'etundo che yamei aarekyik, ak ki parchi ng'etuunyikyik che kotoen; ak konyiit kebenonikyik tyong'ik che kagobar, ak konyiit kebenonikyik panyeek che kagotonaton.

NAHUM 3:1

Pwo nganaseetap korotiik! Nyiitaat lembechek ak rebisyet, ma igeesugei rebisyet.

NAHUM 3:12

Igeitu irimoiguk tugul mogoonik che tinyei logoekwak che tongoanik; ngitumdum kobutyin kutitap amindet.

NAHUM 3:15

Igesun maat eng' olooto; parin rotwetap chok, igeesun ko uu tinapchet. Chaang'itu ko uu tinapchet, chaang'itu ko uu chereng'endet.

NAHUM 3:5

Keero, aboryenen, mwaei Kamuktaindet ne Toroor ne po lugoosyek, ak ang'aanye ngoroiguk kot koit metit; ak aboorchin pororyosyek imi aach ngor, ak aboorchi pounatosyek teweernateng'ung'.

JOSHUA 11:6

Ki leenji `Kamuktaindet ne Toroor Joshua, “Meiywei icheek, amu mutai ko tee ni asiis agoitoi icheek tugul kebar eng' taitap Israel. Iebe kwarinigap paraisisyekwak ak ibeel kariisyekwak eng' maat.”

JOSHUA 11:9

Ki yachi `Joshua icheek ko uu ye ki ng'at Kamuktaindet ne Toroor. Ki ep kwarinigap paraisisyekwak yeityo kobeel kariisyekwak eng' maat.