NAHUM 2:1 - BUKUIT NE TILIIL Sireet ne Dutero Kanon

¹ Kagonyo taing'ung' ineendet ne tuisyei. Riip irimeet, riip ooreet! Kermenegei kimnateet, tes kimnateng'ung' koeet miising'.

Bukuit Ne Tilil

¹ Kagonyo taing'ung' ineendet ne tuisyei. Riip irimeet, riip ooreet! Kermenegei kimnateet, tes kimnateng'ung' koeet miising'.

BUKUIT NE TILIL

¹ Kagonyo taing’ung’ inendet ne tuisiei: rib irimet, rib oret, kermenege kimnatet, tes kimnateng’ung’ koeet mising’.

NAHUM 2:1 Referencias Cruzadas

2 ATEPTAP PEETUUSYEK 25:8

Ago ngot imache iwe, iwe, inyiganitu, igimitu eng' lugeet: wiirtoin Kamuktaindet eng' taitap puunyoot; amu tinyei Kamuktaindet kimnateet kotoret, ak kotinyei kimnateet kowiirta.”

TIENWOGIKAL 50:14

Igoochi Kamuktaindet korosyotap kongoi; ak yaakyi Ineendet Ne Toroor Miising' arorutiguk.

TIENWOGIKAL 65:2

Ee inyee ne kasei saaet, pwonjinin piik tugul.

ISAIAH 14:6

che kibir pororyosyek eng' nereegek eng' piretap kotugul, che kiboi pororyosyek eng' nereegek, eng' usiisyet ne ma kirinda chii.

ISAIAH 29:7

Ak kogergeit chaang'indap pororyosyek tugul che paregei ak Jerusalem, icheek tugul che paregei ak ineendet ak irimennyi, ak che inyalili ineendet, ak karwotitoet, ne ng'ang'utyet ne po kemoi.

ISAIAH 29:8

Kergergeitu ak ye irwotitoi chiito ne amei rubeet, koleen amisyei; ago ye kosu, komi puch saboondanyi, anan korgergeit ak ye irwotitoi chiito ne amei melel, koleen eeisei; ago ye kosu, ko tanui, ak machei saboondanyi koee, uu nooto anyun chaang'indap pororyosyek tugul che paregei ak tulweetap Zion.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

JEREMIA 25:9

ogeero, ayooktoi kenam piigap ortinwek tugul che po murot kaataam, mwaei Kamuktaindet ne Toroor, kobooto Nebukadresar, laitoryatap Babilon, otwogindennyu, ak amutu icheek kobookyi emoni, ak piik che menyei olito, ak pororyosyechu tugul che mi komoswechuuto; ak ang'em icheek, ageesu, ak ayai koek kwong'eet, ak ne kireenyei, ak karotwek peetuusyek tugul.

JEREMIA 50:23

Kibetita ano ak koildo ano kiriswetap ng'wony komugul! Ki egundo ano Babilon karaatya eng' pororyosyek!