NAHUM 1:7 - BUKUIT NE TILIIL Sireet ne Dutero Kanon

⁷ Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

Bukuit Ne Tilil

⁷ Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

BUKUIT NE TILIL

⁷ Mie Jehovah, irimet eng’ betutab nyalilda; ak kongen icheget che imang’u inendet.

NAHUM 1:7 Referencias Cruzadas

1 ATEPTAP PEETUUSYEK 16:34

Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

1 ATEPTAP PEETUUSYEK 5:20

Ki kitoret kobargei ak icheeget, ak ki kinde Hagrik eunekwak, kobooto tugul che ki mi kobooto pichooto, amu ki riirchi Kamuktaindet komi lugeet, ak ki kas riirekwak, amu ki imang' ineendet.

2 ATEPTAP PEETUUSYEK 13:18

Ki kiming'in ko uu nooto piigap Israel eng' peetuusyechooto, ak ki iterteeris lagogap Judah amu kitiegei Kamuktaindet ne Toroor, Kamuktaindetap kwanisyekwak.

2 ATEPTAP PEETUUSYEK 32:11

Ye mwaei Hezekiah kole, ‘Sarwech Kamuktaindet ne Toroor, Kamuktaindennyo eng' eutap laitoryatap Assyria,’ ko igoigook iman ineendet si kogoitook obegu eng' rubeet ak melelda.

2 ATEPTAP PEETUUSYEK 32:21

Ak ki iyookto `Kamuktaindet ne Toroor malaikaiyat ne ki par murenik tugul che kiimeen che nyigoonen ak kandoik ak kiptainik eng' nganaseet ne po laitoryatap Assyria. Ki week anyun ineendet eng' kalilanet kwo emennyi. Kingo it kootap kanamwennyi, kobar lagokyik ineendet eng' yooto eng' rotwetap chok.

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

EZRAH 3:11

Kiwoljingei kotyeni kolasu ak komwachin kongoi Kamuktaindet ne Toroor koleen, “Amu myee ineendet, amu po koigeny rireenennyi eng' Israel.” Ak ki waakyo piik tugul eng' waagaat ne oo ye ki ilasu Kamuktaindet ne Toroor, amu kiga kelumda lumeiywotap kootap Kamuktaindet ne Toroor.

TIENWOGIKAL 1:6

Amu ingen Kamuktaindet ne Toroor ooreetap che po imanda; ago petei ooreetap kiptengeginik.

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 20:1

Ingowolun Kamuktaindet ne Toroor eng' peetuutap nyalilda; ingoeetin kainetap Kamuktaindetap Jakobo.

TIENWOGIKAL 25:8

Kamuktaindet ne Toroor ko myee ak ko po iman, eng' nooto anyun ineeti ineendet kiptengeginik eng' ooreet.

TIENWOGIKAL 27:5

Amu ung'ena koonnyi eng' peetuutap nyalilda; ee, ung'ena emainnyi eng' ole ung'aat, ak ko kanapchino rwandet parak.

TIENWOGIKAL 37:39

Punu Kamuktaindet ne Toroor yetunetap che po imanda; ineendet irimennywa eng' peetuutap nyalilda.

TIENWOGIKAL 37:40

Toreti `Kamuktaindet ne Toroor icheek ak kosaru; saru icheek eng' kiptengeginik, ak koeetei, amu kimwechi ineendet.

TIENWOGIKAL 46:2

Ma kiyweisyei anyun amu nooto, agot nda walak ng'wony, agot nda pendi tuloonook kwenutap nyanjosyek;

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 59:16

Ago atyeni agobo kimnateng'ung'; atyeni agobo rireeneng'ung' karon. Amu inyee ko ki ii irimennyu ne kooi, ak ole amwechini eng' peetuutap pichiindo.

TIENWOGIKAL 71:3

Egu eng' anee rwandet ne amenye, ole awendi kotugul: Ki igoonu ng'atuutyet kosarwo; Amu ii rwandennyu, ak ko ii irimennyu.

TIENWOGIKAL 86:7

Aguurin eng' peetuutap nyalildanyu; Amu iwolwoo.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

ISAIAH 25:4

Amu ki iegu irimeetap kibananiat, irimeetap ne ma tinyei kiy eng' pichiindanyi, ii ole kimwechin eng' usoonet ole kiuure eng' kiptoret. Ye igei usoonetap che imuisei, usoonet ne oo ne rusei inaat.

ISAIAH 32:2

Egu chiito ole kiung'egei eng' usoonet, ak eng' usoonet ne oo; ko uu ainoosyegap peek eng' ole yaamaat, ko uu urwetap rwandet ne oo eng' emetap ng'etatet.

ISAIAH 50:10

Ng'oo eng' okweek ne iywei Kamuktaindet ne Toroor, ne kase iit kutitap otwogindennyi? Ne wendote mesundeito, ama tinyei lapkeiyet, ingomang' kainetap Kamuktaindet ne Toroor ak kotiegei Kamuktaindennyi.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

JEREMIA 17:17

Amat imua; ii ole amwechini eng' peetuutap yaityet.

JEREMIA 24:5

Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

RIREKAB JEREMIA 3:25

Myee Kamuktaindet ne Toroor eng' icheeget che igeni ineendet, eng' saboondo ne cheeng'ei ineendet.

JOEL 3:16

ak pooriseni Kamuktaindet ne Toroor eng' Zion, ak kotwek eng' Jerusalem; ak potandos kipsengwet ak ng'wony: ago egu Kamuktaindet ne Toroor ole mwechin piikyik, ak koek irimeet eng' piigap Israel.

SEPANIA 3:12

Ago abagachi eng' kwenung'ung' piik che kinyaliili ak ko kibananook, ak komong' icheek kainetap Kamuktaindet ne Toroor.

MATAYO 27:43

Imang'u Kamuktaindet; ingosar ineendet nguno ngot komachei amu ki le, ‘Aa Weeriitap Kamuktaindet.’ ”

MATAYO 7:23

Ak amwachi anyun icheek eng' yooto kotook aleenji, “Mangenok kobooch agoi; oistoenage okweek che oyae yaityo.”

JOHANA 10:14

Aa mestowot ne myee. Angen chechuuk ak kongeno chechuuk,

JOHANA 10:27

Kasei kutinnyu keechiirekyuk, ak angen icheek, ak kosuba.

ROMANIK 11:22

Keer anyuno myeeindo ak koroomnatetap Kamuktaindet: eng' icheek che kibutyo, ko koroomnateet; ago eng' inyee, ko myeeindap Kamuktaindet, ngitebi eng' myeeindonyi: ngo ma uu nooto ketilin aginye.

GALATYEK 4:9

ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

2 TIMOTEO 2:19

Ago tononi lumeiywot ne kiim ne po Kamuktaindet, kotinyei ng'ooksoni keele, Ingen Kiptaiyat icheek che chechiik; ak, Ingoistoegei yaityet age tugul ne mwaei kainetap Kiptaiyat.