MIKAH 7:3 - BUKUIT NE TILIIL Sireet ne Dutero Kanon

³ Igiilegei eng' eunekwak koyai kiit ne ya; soomsei pounindet ak kirwoogindet komachei kiit ne kigoigoisye; ak mwaei chiito ne oo mageet ne ya ne po saboondanyi; chobei icheek ko uu nooto.

Bukuit Ne Tilil

³ Igiilegei eng' eunekwak koyai kiit ne ya; soomsei pounindet ak kirwoogindet komachei kiit ne kigoigoisye; ak mwaei chiito ne oo mageet ne ya ne po saboondanyi; chobei icheek ko uu nooto.

BUKUIT NE TILIL

³ Igiilegei eng’ eunekwak koyai kit ne ya; somsei bounindet, ak machei kiruogindet kit ne kigoigoisie; ak mwaei chito ne o maget ne ya ne bo sobondanyi: chobei ichek ko u noto.

MIKAH 7:3 Referencias Cruzadas

KALEWANAIK 16:30

Chobei tuguuk che imaasotin `chiito ne kerei konyekyik; ibu yaityet `ineendet ne susei kutinnyi.

KALEWANAIK 17:23

Eng' ung'oot kotaachei kiptengekyot kitap asoya, si komaas ortinwegap kirwooget.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 26:21

Amu mong'u Kamuktaindet ne Toroor eng' oldanyi si kobiit kobir che menyei ng'wony amu yaityennywa. Ng'aanyei ng'wony kogeny korotiikyik, ama kotuchei piikyik che ki kibar.

ISAIAH 3:5

Ak tuun kiusei piik, usei `age age, ak kous age tugul chiitap kokwennyi. Sasei `lakwa poiyo, ak kosas `chiito ne nyeraat chiito ne konyitot.

ISAIAH 32:7

Yaacheen tuguuk che po rebindet; chobei chobutik che yaacheen si kobare che talaen ng'aleek che po lembech, agot ye ng'alaali ne ma tinyei kiy ng'aleek che lititen.

ISAIAH 5:23

Che iityin imanda kiptengekyot agobo asoya, ak korebe imanda chiito ne po iman!

JEREMIA 3:5

Tos nereechi ineendet agoi? Nereechi agoi kagesunet? Keero, ki ing'alaal ko uu ni, ak ki iyai tuguuk che yaacheen ak ki isup oreng'ung'.

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

EZEKIEL 22:6

Ogeero, pounigap Israel, mi age tugul eng' kimnateennyi, eng' kwenung'ung', si kobiit kotumda korotiik.

EZEKIEL 34:21

Amu ki otoortaisye karaaswekwok ak tigigoikwok, ak otoore kuinoikwok tugul che ki myandos, kot oseer koba oldo tugul;

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

HOSEA 4:18

Ki komindililitu tuguukwak che eei, yaei kugoinatet kotugul; chamei pounikyik teweernateet miising'.

HOSEA 7:3

Iboiboi laitoryat eng' yaityennywa, ak koboiboi pounik eng' lembechekwak.

AMOS 5:12

Amu angen ole tee chaang'indap pistaosyekwok ak ole tee ooindap tengekwogikwok; okweek che onyalili piik che po iman, che otaache tuguuk che po kagaigaet, ak omaasi che ma tinyei kiy eng' ormariichet si ma nyoor imandanywa.

MIKAH 2:8

Ago kota koboryena piikyuk ko uu puunyoot: oreegune ngoryeet ne tabanu parak icheek che siirtoi eng' kaalyeet, ko uu piik che ma chamei lugeet.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MIKAH 3:2

Che oweche myeeindo ak ochame yaityet; che onemu irirenikwak kobooto panyeekwak eng' kawekwak;

MATAYO 26:15

ak kole, “Nee ne ogoono si ande ineendet eunekwok?” Kigamanji ineendet fedhaisyek sosom.

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.