MIKAH 5:7 - BUKUIT NE TILIIL Sireet ne Dutero Kanon

⁷ Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

Bukuit Ne Tilil

⁷ Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

BUKUIT NE TILIL

⁷ Ak kotebe bik che king’et che bo Jakobo kwenutab bororiosiek che chang’ ko u rewot ne bunu Jehovah, ko u ropta ne inesyin suswek; ne maigeni chi, anan kogany werikab bik.

MIKAH 5:7 Referencias Cruzadas

2 SAMUEL 17:12

Si keche ineendet eng' komosta ne kaginyoorchi ak kibutyi ineendet ko uu ye ibutyin rewoot ng'wony. Ma kituuchi agot agenge eng' ineendet ak piik tugul che mi kobooto ineendet.

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

TIENWOGIKAL 133:3

Uu rewootap Hermon, che choorchingei tuloonoogap Zion. Amu olooto ole king'ate Kamuktaindet ne Toroor kaberuret, agot saboondap koigeny.

TIENWOGIKAL 72:6

Chorugei ineendet ko uu ropta ne choorchingei malelyet: Ko uu ropta ne inesyin ng'wony.

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 44:3

Amu aroong'jini peek ne amei melel, aroong'jini ainoosyek emet ne yaamaat: aroong'jini Kabuusennyu iyoteng'ung', ak aroong'jini perurtanyu lagoguk:

ISAIAH 55:10

Amu ko uu ye roboni ak kobuti teluji kobunu kipsengwet, ama weektagei olooto kogeny, ago ibisi ng'wony, ak kogoochi tuguuk kobiityo ak kong'atyo, ak kogoochi kesweek leetaindet, ak kogoochi amitwogik chiito ne amei;

ISAIAH 66:19

Ak ande kaboorunet kwenunnywa, ak ayookte che chilildos eng' icheek koba pororyosyek, koba Tarsis, Pul ak Lud, che ng'iei kwanget, agoi Tubal ak Javan, agoi ngeguusyek che looen, che tomo kogas agobo kalasunennyu, anan kogeer toroornatennyu; ak komwaita toroornatennyu eng' pororyosyek.

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

EZEKIEL 14:22

Ago, ogeero, kituuchi piik che ng'etu che tuun kimuti, weeriik kobooto tiibiik: ogeero, mong'jinok, ak ogeer ortinwekwak ak poisyonikwak: ak kigaigaak agobo yaityet ne koaipchi Jerusalem, agobo tugul che koaipchi.

EZEKIEL 47:1

Ak ki imutwaa aweek anyo kurgeetap koot; ak ogeero, ki mang'une peek kurereetap tugatugigap koot che kitokyingei kong'asiis, amu kitokyingei koot kong'asiis: ak ki mang'une peek kurere, eng' komostap tai ne po koot, eng' murot tai ne po kaptisisyet.

EZEKIEL 5:5

Mwaei Kiptaiyat Kamuktaindet ne Toroor kole niito ko Jerusalem: ki ande kwenutap pororyosyek, ak mi emotinwek komoswekyik.

HOSEA 14:5

Aigeitu rewoot eng' Israel: yiei ineendet ko uu taapteet ne karaaran, ak kowakta tigitikyik ko uu Lebanon.

HOSEA 6:3

Ongenai anyun, ongetestai kenai Kamuktaindet ne Toroor; mong'u iman ko uu ye eechei: ak nyoonjinech ko uu ropta, ko uu ropta ne po let ne ibisi ng'wony.”

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.

MIKAH 2:12

Ee Jakobo, ayumok iman okweek tugul; ayumi iman che ki ng'et che po Israel; ayumi icheek ko uu keechiiregap Bosra: ko uu akweetap keechiirek eng' kwenutap ole agete, poldos kot amu chaang'indap piik.

MIKAH 4:13

Ng'eet ak iboor, ee cheptap Zion, amu ayae kuineng'ung' koek karnet, ak ayae sioguk koek sugunwet; ak itonaton pororyosyek che chaang', ak itabaanji Kamuktaindet ne Toroor kelunoikwak, ak itabaanji tuguukwak Kiptaiyat ne po ng'wony komugul.

MIKAH 4:7

ak ayai ineendet ne ing'wali koek ne ng'etunot, ak ayai ineendet ne kigetimda kolooit koek pororyet ne kiim, ak koboi `Kamuktaindet ne Toroor icheek eng' tulweetap Zion kobooch yooto agoi koigeny.

MIKAH 5:3

Igoitoi anyun ineendet icheek kot koit peetuut ne sigisyei ineendet ne tinyei ng'wanindo: tuun weekyingei anyun che ki ng'et che po tupchosyekyik, piigap Israel.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEPANIA 3:13

Ma koyaei tengekto piik che ki ng'et che po Israel, ama komwaei lembechek; ama kinyoorchin ng'olyoot ne po ng'aalseet kutusweekwak. Ago tuun amisyei ak koruiyo, ama piitu chii ne imui icheek.

SEKARIA 14:8

Ak tuun mang'une peek che saptos Jerusalem eng' peetuunooto; pendi kebeberta age kotokyingei nyanjetap Mediterenian ne mi kong'asiis, kobendi kebeberta age kotokyingei nyanjet ne mi cherongo: pendi ko uu nooto eng' kemei ak iwot.

SEKARIA 9:13

Amu ki ariikyigei Judah ko uu kwanget, ak ayai Ephraim koek kipchabonikyik. Ang'eeti weeriiguk, ee Zion, kobargei ak weeriiguk, ee Greece, ak ayain iige rotwetap chok ne po chiito ne nyigan.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

POISYONIGAP CHE KIYOKTOI 11:15

Ak ye kinga tau ang'alaal, kochoorchigei `Kabuuset ne Tiliil icheek ko uu ye kichorchechkei agacheek eng' taunet.

POISYONIGAP CHE KIYOKTOI 13:46

Kong'alaal anyun Paulo ak Barnaba eng' nyiganateet koleen, “Konyolu kemwaiwok korook ng'olyootap Kamuktaindet. Amu ki ogirinde ak orwookyinige okweegei ole ma nyolu onyooru saboondap koigeny, ogeero, kagibe ye mi Pororyosyek.

POISYONIGAP CHE KIYOKTOI 16:9

Ki nyoonji anyun ng'ang'utyet Paulo kemoi; ki mi chiitap Makedonia ne kitononi, kogoigoi ineendet koleen, “Long'u Makedonia, nyoo toretech.”

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

ROMANIK 10:20

Ak nyigan miising' Isaiah, ak mwaei kole, “Ki nyoorwo icheek che ki ma cheeng'a; ki ataagu eng' icheek che ma teeba.”

ROMANIK 11:12

Ngot koegu kabutennywa mogornatosyegap ng'wony, ak koek luseennywa mogornatosyegap Pororyosyek; kosiirei ne tya anyun nyiennywa?

ROMANIK 9:30

Kimwae nee anyun? Kimwae keele kigonor Pororyosyek imanda che ki ma kosubi imanda, nooto ko imanda ne po kayaneet:

1 KORINTOEK 3:6

Ki agoole, kobisi Apolo; ago ki ibit Kamuktaindet.

NG'ATUTIK 32:2

Rong'ugei kaneetisyennyu ko uu ropta, ak kosoi ng'aleekyuk ko uu rewoot, ko uu ropta ne inesyin susweek che ng'orng'or, ak ko uu ropta ne robonjin susweegap timiin:

KIRUOGIK 6:36

Ki leenji `Gideon Kamuktaindet, “Ngot isaru Israel eng' eunnyu ko uu ye ki imwa,