MIKAH 2:9 - BUKUIT NE TILIIL Sireet ne Dutero Kanon

⁹ Otimdoi kwonyiigap piikyuk koba eng' kooriikwak che korooron; orebe toroornatennyu lagokwak agoi.

Bukuit Ne Tilil

⁹ Otimdoi kwonyiigap piikyuk koba eng' kooriikwak che korooron; orebe toroornatennyu lagokwak agoi.

BUKUIT NE TILIL

⁹ Otimdoi kwonyikab bikyuk koba eng’ gorikwak che kororon; orebe torornatennyu lagokwak agoi.

MIKAH 2:9 Referencias Cruzadas

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

JEREMIA 10:20

Kigeng'em emainnyu, ak kigeng'eti poroonikyuk tugul. Kigoba lagokyuk kometaa, Ama komi. Ma komi chii ne teekwo ak kondaiywo emainnyu angook.

EZEKIEL 39:21

Ak ande toroornatennyu kwenutap pororyosyek ak kogeer pororyosyek tugul kirwoogennyu ne kaayai, ak eunnyu ne ki agonoor icheek.

JOEL 3:6

ki oalde kogeny lagogap Judah ak lagogap Jerusalem oaldochi weeriitap Yunanik, si kobiit omut kolooegitu eng' kiwotennywa:

AMOS 2:7

Ityorchin metowegap kibananook temburyegap ng'wony, ak komaas ortinwegap che talaen, ak koba kwanda ak weeriinnyi koipkei ak chepto agenge, si kong'waniit kainennyu ne tiliil.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

HABAKUK 2:14

Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.

SEKARIA 2:5

Amu mwaei Kamuktaindet ne Toroor kole, Aegu irimeet ne po maat eng' komoswek tugul, ak aegu toroornatet eng' kwenunnyi.”

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

MARIKO 12:40

ak korebe icheek mosoogik kooriikwak, ak kosaaei saautik che kooen kong'aalsei; nyooru pichu kirwooget ne oo kosiir.”

LUKA 20:47

ak korebe mosoogik kooriikwak, ak kosaaei saautik che kooen kong'aalsei: tuun nyooru chuuto kirwooget ne oo kosiir.

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

1 SAMUEL 26:19

Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’