MIKAH 2:4 - BUKUIT NE TILIIL Sireet ne Dutero Kanon

⁴ Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

Bukuit Ne Tilil

⁴ Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

BUKUIT NE TILIL

⁴ Mwaei eng’ betunoto kalewenet agobo inye, ak korir eng’ rirek che ng’wonen, kole, Kageng’emech kigeswech: walei kebebertab bikyuk: istoena kiito kot koit ano! Pchechin ngelelik mbarenikyok.

MIKAH 2:4 Referencias Cruzadas

2 SAMUEL 1:17

Ki riirchi `Daudi Saulo ak Jonathan weeriinnyi eng' riirechu,

2 ATEPTAP PEETUUSYEK 35:25

Ak ki riir Jeremiah agobo Josiah: ak ki riirchi Josiah tyeniik tugul che murenik ak kwonyiik, eng' riirekwak agoi kora; ak ki yachi icheek kayomiset eng' Israel: ak ogeero, siraatiin eng' bukuitap riirek.

Kitabuutap JOB 27:1

Kigetyigei kogeny `Job kalewenennyi ak komwa kole:

ISAIAH 14:4

ile, haa, ki kowong'kei usiindet! Ki kowong'kei koroomnateet!

ISAIAH 24:3

Ki yai emet koek ne ma tinyei kiy ak keng'em; amu kagomwa Kamuktaindet ne Toroor ng'olyoondoniito.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

JEREMIA 14:18

Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 4:13

Ogeero, togosu ineendet ko uu poolik, ak uu kipchurchuryet kariisyekyik che po lugeet. Chepchep paraisisyekyik kosiir kipsichinik. Pwo eng' acheek, amu kageng'emech!

JEREMIA 6:12

Kiwolei kooriikwak kobunji piik alak, kobooto mbareenikwak ak osotikwak, amu achuuljini eunnyu piik che menyei emet, mwaei Kamuktaindet ne Toroor.

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

EZEKIEL 16:44

Keero, age tugul ne poisyee kalewenaik, koboisyee kalewenoni agobo inyee, koleen, Kiit ne uu kamet, ko uu nooto chepto.

EZEKIEL 2:10

Ki iito eng' tainnyu; ak ki kisir oriit ak saang'; ak kiga kisirchi yooto kateiyasyek, riirek ak nyalilwogik.

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

JOEL 1:8

Oteeiye ko uu pergeiyat ne iyuegei kuniet agobo manong'otyotap ming'inatennyi.

AMOS 5:1

Ogas ng'olyoondoni amwae eng' riirek agobo okweek, ee kootap Israel.

AMOS 5:17

Ak kobiit riirek eng' mbareenik tugul che po sabibuk; amu abune kwenung'ung', mwaei Kamuktaindet ne Toroor.

MIKAH 1:15

Ta amutun chiito ne nyoonei konamin ibunji, ee inyee ne imenye Maresha: itei toroornatetap Israel Adulam.

MIKAH 1:8

Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

MIKAH 2:10

Ong'eetyee, ak obe; amu ma olito ole omuung'e: amu murwoonindo ne ng'emisyei, ee, ng'emisyet ne ya kot.

HABAKUK 2:6

Tos ma mwaei pichuuto tugul karagutyet agobo chiichito, ak komwaei kalewenet ne sasisyei agobo ineendet, ak komwaei kole, Pwo! Ineendet ne tesyingei che ma chechiik! Tyanitu? Ak Pwo! Ineendet ne ipchingei tuguuk che kiname pesendo!

SEPANIA 1:2

Ageesu tuguuk tugul eng' ng'wony, mwaei Kamuktaindet ne Toroor.

KAITOSYEK 23:18

Ak ki mwa kalewenennyi kole, “Ng'eet, Balak, ak igas; epcha iit, inyee weeriitap Sipor.

KAITOSYEK 23:7

Ki toi Balaam kalewenennyi kole, “Ki imutwaa Balak eng' Aram, Laitoryatap Moab ne punu tuloonoogap kong'asiis. Kole, ‘Nyoo, chubwa Jakobo, nyoo, nereekyi Israel.’

KAITOSYEK 24:15

Ak kigetyigei kalewenennyi ak kole, “Kale Balaam weeriitap Beor, kale chiito ne kitugotin konyekyik,

KAITOSYEK 24:3

ak kigetyigei kalewenennyi, ak kole: “Kale Balaam weeriitap Beor, kale chiito ne kitugotin konyekyik,

MARIKO 12:12

Ak ki cheeng'ei ole namdoi ineendet; ago ki iywei tuiyet; amu ki nai kole kamwa kalewenoni agobo icheek: ak ki pagaakta ineendet ak koba.

NG'ATUTIK 28:29

Iwendi isabsabisyoti peet kween ko uu ye sabsabisyoti kipkoraatyat eng' mesundeito, ama kiberuurin eng' ortinweguk. Kinyaliilin kityo ak kerebenen tuguuguk kotugul ama piitu ne saruun.