MIKAH 2:2 - BUKUIT NE TILIIL Sireet ne Dutero Kanon

² Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

Bukuit Ne Tilil

² Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

BUKUIT NE TILIL

² Kasei miat mbarenik, ak koreb; koboto gorik, ak koib: ak kous chito koboto gonnyi, chito koboto tugukyik.

MIKAH 2:2 Referencias Cruzadas

1 LAITORINIK 21:1

Kingobata tuguuchooto, ko ki tinyei Nabot Jesreelindet mbareetap sabibuk, ne ki mi Jezreel, ne riikyin kootap Ahab laitoryatap Samaria.

2 LAITORINIK 9:26

kole, Koageer iman amut korotiigap Nabot ak korotiigap weeriikyik, mwaei Kamuktaindet ne Toroor; ak ayaagun eng' mbarani, mwaei Kamuktaindet ne Toroor. Ara anyun wiirchi ineendet mbaranooto; ko uu ng'olyootap Kamuktaindet ne Toroor.”

Kitabuutap JOB 31:38

Ngo waagena emennyu, ak koriiryo kibagenge ole ki kibat,

KOMONG'U 20:17

Amegase myat kootap chiitap kokweng'ung'. Amegase myat osotyotap chiitap kokweng'ung' anan otwogindennyi ne muren anan otwogindennyi ne tye anan eitonyi anan sigiryennyi anan kiy age tugul ne po chiitap kokweng'ung'.”

ISAIAH 3:14

Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.

ISAIAH 5:8

Pwo eng' icheek che ituitos kooriik, ak kotesei mbareenik, kot koma komi poroindo, ak kemetok omeny okweegei eng' kwenutap emet!

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

EZEKIEL 18:12

ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

EZEKIEL 22:12

Kigotaach icheek eng' inyee asoya si kotumda korotiik; ki ip kelunet ne siirtoot ak che tesatiin, ak ki inyooru poroteet eng' keiyandit amu ki isastae piigap kokweng'ung', ak ki iutyeno, mwaei Kiptaiyat Kamuktaindet ne Toroor.

EZEKIEL 22:13

Keer anyuno, ki arabach eunekyuk agobo keluneng'ung' ne ma po iman ne ki inyooru, ak eng' korotiguk che mi kwenung'ung'.

EZEKIEL 33:26

Otiegei rotonikwok po chok, oyae kiit ne kiwechei, ak ing'waniti age tugul eng' okweek osotyotap chiitap kokwennyi: tos oname emet kobunjook?

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

EZEKIEL 46:18

Ago ma ibei pounindet poroteetap piik, si korebe icheek tuguukwak; igoochin poroteet weeriikyik eng' tuguukyik: si ma kiseer piikyuk, kobagaakta chii age tugul tuguukyik.

EZEKIEL 8:17

Yeityo koleenjo, Kaigeer niito o, weeriitap chii? Tos kiy ne ming'in eng' kootap Judah ngo yai icheek eng' olito tuguuk che kiwechei? Amu kigonyiit emet koroomnateet, ak ki kowelelgei kogeny kotacha: ak keero, indoi temetap keetit seruunekwak.

AMOS 2:7

Ityorchin metowegap kibananook temburyegap ng'wony, ak komaas ortinwegap che talaen, ak koba kwanda ak weeriinnyi koipkei ak chepto agenge, si kong'waniit kainennyu ne tiliil.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

AMOS 8:4

Ogas ng'olyoondoni, ee okweek che osaasei che ma tinyei kiy, ak ong'emei owoong'u kibananook che po emet,

MIKAH 3:9

Asoomok anyun ale ogas niito, okweek kandoigap kootap Jakobo, ak pounigap kootap Israel, che oweche kirwooget, ak omaasi imanda tugul.

MIKAH 6:12

Amu nyiitaat koroomnateet mogorekyik, ak kogomwa lembechek piik che menyei olooto, ak kong'aalsei ng'elyebwekwak.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

1 TIMOTEO 6:10

Amu chametap silingisyek ko tigityot agenge ne po yaitwogik alak tugul. Kigong'asyigei piik alage kot kometo kayaneet ak ki kotorgei eng' aragenosyek che chaang'.