MIKAH 2:12 - BUKUIT NE TILIIL Sireet ne Dutero Kanon

¹² Ee Jakobo, ayumok iman okweek tugul; ayumi iman che ki ng'et che po Israel; ayumi icheek ko uu keechiiregap Bosra: ko uu akweetap keechiirek eng' kwenutap ole agete, poldos kot amu chaang'indap piik.

Bukuit Ne Tilil

¹² Ee Jakobo, ayumok iman okweek tugul; ayumi iman che ki ng'et che po Israel; ayumi icheek ko uu keechiiregap Bosra: ko uu akweetap keechiirek eng' kwenutap ole agete, poldos kot amu chaang'indap piik.

BUKUIT NE TILIL

¹² Ee Jakobo, ayumok iman okwek tugul; ayumi iman che king’et che bo Israel; ayumi ichek ko u kechirekab Bosra: ko u akwetab kechirek eng’ kwenutab ole agete, boldos kot amu chang’indab bik.

MIKAH 2:12 Referencias Cruzadas

TAUNET 36:33

Ki igeskei Bela, ak ki nam laitornatennyi Jobap weeriitap Zerah ne po Bosra.

1 ATEPTAP PEETUUSYEK 1:44

Kingo me Bela, ko ki laitoran Jobab weeriitap Zerah ne po Bosra kogeer ineendet.

ISAIAH 11:11

Eng' peetuunooto koyogoito Kiptaiyat eunnyi kogeny ne po aeng', kosar piikyik che tuun ng'etu, eng' Assyria, eng' Misiri, eng' Patros, eng' Kush, eng' Elam, eng' Sinar, eng' Hamath, ak eng' emotinwek che mi ngeguusyek.

ISAIAH 27:12

Tuun pirei Kamuktaindet ne Toroor eng' peetuunooto logoekyik korara, kobooch nyiietap Aineetap Yufrets agoi kererutap Misiri, ak kiyumak agenge agenge, ee okweek lagogap Israel.

ISAIAH 34:6

Nyiitaat korotiik rotwetap chok ne po Kamuktaindet ne Toroor, kigo akwait eng' akwaindo, eng' korotiigap aaregap keechiir ak ng'oroorek, kobooto mwanigap soromok che po mengichik. Amu tinyei Kamuktaindet ne Toroor tiseiywot eng' Bosra, ak parisyet ne oo eng' emetap Edom.

ISAIAH 5:17

Yeityo koagetyo aaregap kechir ko uu eng' ole cham koagete, ak koam toek ole ki kometo che akwaen.

JEREMIA 23:3

Ak ayum che ki ng'et che po akweennyu komong' eng' emotinwek tugul ole kigaonji, ak amutu kogeny kobwa piusyekwak; ak koiiyo kotesagis.

JEREMIA 3:18

Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.

EZEKIEL 34:11

Amu mwaei Kiptaiyat Kamuktaindet ne Toroor kole: Ogeero, anee, aneendet ne acheeng'oti keechiirekyuk, ak asuboti icheek.

EZEKIEL 34:13

Ak amutu komong' eng' pororyosyek, ak ayumu eng' emotinwek, ak amutu kobwa emennywa; ak abai icheek eng' tuloonoogap Israel, eng' ole neegitee kereruusyek, ak eng' komoswek tugul che ki menyei eng' emonooto.

EZEKIEL 34:22

asaru anyun keechiirekyuk, ma koegu che kiluulei kogeny; ak arwookyi artet eng' artet.

EZEKIEL 34:31

Ak okweek, keechiirekyuk, che oo keechiiregap akweennyu, ko oo piik, ak aa Kamuktaindeng'wong', mwaei Kiptaiyat Kamuktaindet ne Toroor.

EZEKIEL 36:37

Mwaei Kiptaiyat Kamuktaindet ne Toroor kole: Teepsena anyun kootap Israel agobo niito, si kobiit ayachi; atesyini icheek piik kochang'a ko uu akweetap keechiirek.

EZEKIEL 37:21

Ak ileenji icheek, Mwaei Kiptaiyat Kamuktaindet ne Toroor kole: Ogeero, amutu piigap Israel komong' eng' pororyosyek, ole ki koba, ak ayum icheek eng' komosta agenge tugul, ak amutu icheek kobwa emennywa.

HOSEA 1:11

Iyumigei piigap Judah ak piigap Israel, ak kolewenjigei kandoindet agenge; ak paraitu ak konyoor keljiin eng' emonooto; amu egu peetuut ne oo peetuutap Jezreel.

AMOS 1:12

Ara ayookyini maat Teman, ak kobeel irimosyegap Bosra.

MIKAH 2:13

Kagondoe putindet icheek: kagobutis ak koba agoi ormariichet, ak komandae yooto: kagondoe icheek laitoryannywa, ak komi tainnywa Kamuktaindet ne Toroor.

MIKAH 4:8

Nyonjinin ng'olyoondoniito, ee inyee, teekseet ne kooi ne po akweetap keechiirek, tulweetap cheptap Zion; ee, nyoonei pounateng'ung' ni ki po tai, pounatetap cheptap Jerusalem.

MIKAH 5:7

Ak kotebee piik che ki ng'et che po Jakobo kwenutap pororyosyek che chaang' ko uu rewoot ne punu Kamuktaindet ne Toroor, ko uu ropta ne inesyin susweek; ne ma igeni chii, anan kogany weeriigap piik.

MIKAH 5:8

Ak kotebee piik che ki ng'et che po Jakobo kwenutap pororyosyek, kwenutap pororyosyek che chaang', ko uu ye mi ng'etundo kwenutap tyong'ik che po timiin, ko uu ng'etundo ne neran eng' kwenutap akwotisyegap keechiirek: ne ye punei kween kotyegoti ak kotonatoni, ama mi chii ne saru.

MIKAH 7:14

Iyage piiguk eng' kiroktong'ung', akweetap poroteng'ung', che meng'iisyei icheegei, eng' timiin ne mi kwenutap Karmel: ingoagetyo eng' Bashan ak Gilead, ko uu peetuusyek che po keny.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEPANIA 3:20

Amutwok eng' peetuusyechooto, ak ayumak eng' peetuusyechooto: amu ayaok onaage ak olasunage eng' kwenutap pororyosyek tugul che po ng'wony, ak tuun aweekwok poroteet ogeere, mwaei Kamuktaindet ne Toroor.