MATAYO 7:15 - BUKUIT NE TILIIL Sireet ne Dutero Kanon

¹⁵ Oriibegei maotik che po lembech, che pwonjinok eng' ngoroik che po keechiirek nga suik che amei piich.

Bukuit Ne Tilil

¹⁵ Oriibegei maotik che po lembech, che pwonjinok eng' ngoroik che po keechiirek nga suik che amei piich.

BUKUIT NE TILIL

¹⁵ Oribege maotik che bo lembech, che bwanjinok eng’ ngoroik che bo kechirek, ago suik che amei bich.

MATAYO 7:15 Referencias Cruzadas

1 LAITORINIK 13:18

Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

JEREMIA 29:21

Mwaei Kamuktaindet ne Toroor ne po lugoosyek, Kamuktaindetap Israel, agobo Ahab weeriitap Kolaia, ak Zedekiah weeriitap Maaseia, che maotenwok lembeita eng' kainennyu, kole: Ogeero, andoi icheek eutap Nebukadresar laitoryatap Babilon; ak kobar icheek eng' taing'wong';

JEREMIA 29:32

nooto anyun, mwaei Kamuktaindet ne Toroor kole, ogeero, abire Semaiah Neelamindet, ak iyotennyi; ma sichei chii ne menyei kobooto pichu, ama keerei myeeindo ne ayachini piikyuk, mwaei Kamuktaindet ne Toroor: amu ki mwa ngelelnateet kongelelji Kamuktaindet ne Toroor.

EZEKIEL 13:16

chooto ko maotigap Israel che maoteni agobo Jerusalem, ak kogeerei ng'ang'utigap kaalyeet agobo nganasanooto, ama miitei kaalyeet, mwaei Kiptaiyat Kamuktaindet ne Toroor.

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

EZEKIEL 22:25

Miitei kwenunnyi chaamset ne po maotikyik, ne uu ng'etundo ne pooriseni kobarisyei: ki kobar saboonwek; ibei konoraik ak tuguuk che po kamanuutyet ne oo; ki kotes mosoogik eng' kwenunnyi.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

SEKARIA 13:4

Ak tuun ililandos maotik eng' peetuunooto, ililani age tugul agobo ng'ang'utyennyi, ye kamaoten; ama kolaachi ngoryeet ne sabul si kobiit koberber piik:

MATAYO 10:17

Ago oriibegei piik; amu imutyinok kapkirwooget, ak kobirenok kipcharitisyek eng' sinagogisyekwak;

MATAYO 16:11

Lyon si moguiye ole ka ma ng'alaalwok agobo magatiinik? Ago oriibegei mermereegap Pharisaik ak Sadukaik.”

MATAYO 16:6

Ki leenji `Jeso icheek, “Oep iit ak oriibegei mermereegap Pharisaik ak Sadukaik.”

MATAYO 24:11

Tuun ng'eetos maotik che chaang' che po lembech ak kobeet che chaang'.

MATAYO 7:14

Mariich kurgeet ak ko pichiy ooreet ne wendi saboon ak ng'ering' che nyooru.

LUKA 12:15

Ak ki leenji icheek, Ogeer, ak oriipkei eng' kasetap myat tugul: amu ma tebyei saboondap chii eng' chaang'indap tuguuk che tinyei.

LUKA 6:26

Pwo eng' okweek ye mwaei piik tugul che myach agobo okweek! Amu kigoyachi ko uu nooto kwanisyekwak maotik che po lembech.

JOHANA 10:12

Ago ineendet ne otwogin, ne ma mestowot, ne ma chiitap ko po keechiirek, kogeerei konyonei suiyot, ak kobagaakta keechiirek, ak komwei, ak konam anyun suiyot icheek, ak koiyesta.

POISYONIGAP CHE KIYOKTOI 13:40

Oriipkei anyun, si ma nyonjok ne ki kimwa eng' maotik keele,

POISYONIGAP CHE KIYOKTOI 13:6

Ak kingo kagobun emet komugul ne ki ikween peek agoi koit Paphos, konyoorchi olooto poonin, maotyo ne po lembech, ne Yahudyot, ne ki kiguure Bar-Jesu.

GALATYEK 2:4

amu tupchosyek che po lembech che ki kimut kobwa oriit eng' ung'oot, che ki mong' eng' ung'oot kosegei katyagennyo ne ki tinyei eng' Kristo Jeso, si kobiit kondeech otwoknateet:

EPESOEK 4:14

si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik;

EPESOEK 5:6

Amat koberberak chii eng' ng'aleek che ma namegei ak kiy, amu nyoonjin nereeknateet ne po Kamuktaindet weeriitap ngelelnateet amu tuguuchuuto.

PILIPIK 3:2

Oriibegei sesenik, oriibegei yaigap yaityo, oriibegei icheek che tilegei:

KOLOSAIK 2:8

Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:

2 TIMOTEO 3:13

Ago tesoksei kiptengeginik ak keniik eng' yaityet, koberberisyei ak kiberberi.

2 TIMOTEO 4:3

Amu nyoonei peetuut ne ma tuun epchin iit agot kitigin kaneetisyet ne po imanit; ago, tinyei iitiik che iututos, iyumjigei kaneetik che isubi maguutikwak;

2 PETERO 3:17

Ko okweek anyun, chamanichu, amu kaosip onai tuguuchuuto, oriipkei, si ma ichuutok kachiliiletap pistoik, ak obutye eng' tononeng'wong'.

1 JOHANA 4:1

Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.

NG'ANG'UTYET 16:13

Ak ki ageer tamirmirik che yaach somok che uu mororochik, komang'une kutitap maswetit, ak eng' kutitap tyondo, ak eng' kutitap maotyot ne po lembech:

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

NG'ANG'UTYET 20:10

Ak ki kiwiirchi chesawilyet ne ki iberber icheek araraitap maat ak koik che laldos, ole miitei ak icheek tyondo ak maotyot ne po lembech; ak kinyaliili peet ak kemoi agoi koigeny ak koigeny.