MATAYO 6:16 - BUKUIT NE TILIIL Sireet ne Dutero Kanon

¹⁶ Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa.

Bukuit Ne Tilil

¹⁶ Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa.

BUKUIT NE TILIL

¹⁶ Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

MATAYO 6:16 Referencias Cruzadas

2 SAMUEL 12:16

Ki sa `Daudi Kamuktaindet agobo lakwanooto. Ki irugutkei Daudi ak ki wo ko, kwo koru ng'wony kemout komugul.

2 SAMUEL 12:21

Ki leenji anyun `otwogikyik, “Nee kii koiyai? Koirugutigei ak iriire agobo lakweet yu kota kosabei, ago ko ngo me, ing'eet ak iamisye.”

1 LAITORINIK 21:27

Kingo kas Ahab ng'aleechooto, kogereer ngoroikyik, kolaach kuniet ak korugutkei. Kisyep kuniet ak koming'ingei.

NEEMIA 1:4

Ye kinga kas ng'aleechuuto, atep ng'wony ariir ak aaragen eng' peetuusyek alak, ki arugutkei ak asaa eng' taitap Kamuktaindetap kipsengwet.

TIENWOGIKAL 109:24

Nyalulyotin kutung'oikyuk amu karugutetapkei; ak kagosagit poortanyu.

TIENWOGIKAL 35:13

Ago ye kingo myandos icheek ko ki alaachi kuniok; ki aming'in saboondanyu eng' karugutet. Ki asaa ang'uruuksei,

TIENWOGIKAL 69:10

Ak ye ki ariire, aming'init saboondanyu eng' karugutetapkei, ko kirosya icheek agobo nooto.

MALAKI 3:14

Ki omwa ole, “Ma tilei kiy ngeot Kamuktaindet. Tos ki kogelwech nee ye ki ngeriip kayomisutikyik ak kebendatee taitap Kamuktaindet ne Toroor ne po lugoosyek keriiryoti?

MATAYO 6:1

Oriipkei si moyai imandang'wong' eng' taitap piik ole si kogeerok icheek; amu ngo yai ko uu nooto ko monyooru melekto kobun Kwandang'wong' ne mi kipsengwet.

MATAYO 6:2

Ko uu nooto anyun, ye igoite kagoochinoiguk che po toreteet, ko mat iguutyi igoondit ko uu ye yaei chombilik eng' sinagogisyek ak ortinwek si kobiit kolas piik. Amwaiwok iman ale, kagonyoor icheek melektanywa.

MATAYO 6:5

Ak ye osaae, ko moigei chombilik; amu chamei icheek kosaaei kotonondos eng' sinagogisyek ak pesiap oor si kobiit kogeer piik icheek. Amwaiwok iman ale, kagonyoor icheek melektanywa.

MARIKO 2:18

Ki irugutegei kasubigap Johana ak che po Pharisaik, ak ki pwa piich koleenji ineendet, “Lyon si korugutegei kasubigap Johana ak kasubigap Pharisaik ago ma irugutegei kasubiguk?”

LUKA 18:12

Arugutige konyil aeng' eng' wigiit; agoitoi kebeberta ne po taman eng' tuguuk tugul che anyooru.’

LUKA 2:37

Ak ki tebi ko kwony ne ki kosiirtoe manong'otyot kenyiisyek tamanwogik sisiit ak ang'wan), koma mandoi eng' Hekaluut, ak kolasu, kobooto karugutetapkei, ak soomutik, kemoi ak peet.

POISYONIGAP CHE KIYOKTOI 10:30

Kole anyun Korneli, “Peetuusyek ang'wan rani kobooch yooto agoi saini, ye ki asaae eng' sait sogool eng' koonnyu; ak keero, ki tonon eng' tainnyu mureno ne ilaachi ngoroik che liilei piich,

POISYONIGAP CHE KIYOKTOI 14:23

Ak kingo kagolewenji icheek `poisyek eng' kaniset age tugul, kosa eng' karugutetapkei, konde icheek eutap Kiptaiyat ne kiga koyan.

1 KORINTOEK 7:5

Amoetegei okweegei, kobatee ye kochamyechi eng' peetuusyek alak, si onyooru poroindo ne po saaet, si otuiyegei kogeny, si ma yoomaak Setani amu motinye riibetapkei.

2 KORINTOEK 11:27

eng' pirtoetapkei ak nyalilda, eng' riipsosyek konyil che chaang', eng' rubeet ak melelda, eng' rugutosyek konyil che chaang', eng' kaititindo ak aach ngorit.

2 KORINTOEK 6:5

eng' pirutik, eng' ratisyosyek, eng' polatosyek, eng' poisyonik che uueen, eng' riipsosyek, eng' rugutosyek;