MATAYO 5:18 - BUKUIT NE TILIIL Sireet ne Dutero Kanon

¹⁸ Amu amwaiwok iman ale, agoi kosiirto kipsengwet ak ng'wony, koma siirtoi agot tisyet anan kiy ne ming'in eng' Ng'atuutyet, agoi kosulda tuguuk tugul.

Bukuit Ne Tilil

¹⁸ Amu amwaiwok iman ale, agoi kosiirto kipsengwet ak ng'wony, koma siirtoi agot tisyet anan kiy ne ming'in eng' Ng'atuutyet, agoi kosulda tuguuk tugul.

BUKUIT NE TILIL

¹⁸ Amu amwawok iman ale, Agoi kosiirto kipsengwet ak ng’ony, ko masiirtoi agot tisiet anan kiy ne ming’in eng’ Ng’atutiet, agoi kosulda tuguk tugul.

MATAYO 5:18 Referencias Cruzadas

TIENWOGIKAL 102:26

Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

TIENWOGIKAL 111:8

Ki kigimit kotebi koigeny ak koigeny, kiyaei eng' imanda ak lititindo.

TIENWOGIKAL 119:152

Ki anai kobooch keny eng' paornatosyeguk, ale ki igimit kotebi icheek agoi.

ISAIAH 40:8

Restos susweek ak kobetos taaptook; ago tononi koigeny ng'olyootap Kamuktaindennyo.

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

MATAYO 10:15

Amwaiwok iman ale, kaigaitu emetap Sodom ak Gomorah eng' peetuutap kirwooget kosiir nganasanooto.

MATAYO 10:23

“Ago ye kiusook eng' nganasani omwechi nganaseet age; amu amwaiwok iman ale, mobendi ogesu nganasook che po Israel, ama it Weeriitap Chii.

MATAYO 10:42

Ak age tugul ne igoochin agenge eng' chu mengeechen agot kigombet ne po peek che kaitit kityo amu kasubiin ineendet, amwaiwok iman ale, ma petyin melektanyi matiny.”

MATAYO 11:11

Amwaiwok iman ale, tom kobiit ne siirei Johana Kabatisanindet eng' che ki sich kobogorisyek: ago ineendet ne ming'in miising' eng' pounatetap kipsengwet ko oo kosiir ineendet.

MATAYO 13:17

Amwaiwok iman ale, ki machei maotik che chaang' ak piigap imanda kogeer tuguuk che ogeere, ago ki ma keer; ak kimachei kogas ng'aleek che ogase, ago ki ma kas.

MATAYO 16:28

Amwaiwok iman ale, mi alak eng' che tonondos eng' yu che ma chamchami meet kot kogeer konyonei Weeriitap chii eng' pounatennyi.”

MATAYO 17:20

Ki leenji, “Amu otinye kayaneet ne ming'in. Amwaiwok iman ale ndotinye kayaneet ne tee keswootap karadali, ta ngo mwachi tulwooni oleenji, ‘Inakte ui oliin,’ konaktoi; ak ta ma mi kiy ne ma imugaksei eng' okweek.”

MATAYO 18:18

“Amwaiwok iman ale, tuguuk alak tugul che orate eng' ng'wony keratei eng' kipsengwet, ak tuguuk alak tugul che otyachi eng' ng'wony kityaachi eng' kipsengwet.

MATAYO 18:3

ak kole, “Amwaiwok iman ale, ngot ko mowalage ak oige lagok che mengeech, ko moite pounatetap kipsengwet.

MATAYO 19:23

Ki leenji `Jeso kasubikyik, “Amwaiwok iman ale, uui eng' mogoryot komong'ji pounatetap kipsengwet.

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 21:21

Ki wolji Jeso koleenji, “Amwaiwok iman ale, ngo tinye kayaneet, amosage, ko moyae ne kageyachi mogoywondoni kityo, ago agot ngo mwachi tulwooni oleenji ‘Ngesutin ak kewiirchin araraita,’ koyaaksei.

MATAYO 21:31

Ng'oo eng' chooto aeng' ne ki yai mageetap kwandanywa?” Kole, “Ne po tai.” Ki mwachi `Jeso icheek koleenji, “Amwaiwok iman ale, sip kondoenak koitei laitornatetap Kamuktaindet taagigap aisuruut ak chepkugonik.

MATAYO 23:36

Amwaiwok iman ale, pwaanjin ibini tuguuchu tugul.

MATAYO 24:2

Ago ki wolji ineendet icheek kole, “Mogeere tuguuchu tugul? Amwaiwok iman ale, ma koi ng'etunee koita age paragutap age, ne ma ki wiirchin ng'wony.”

MATAYO 24:47

Amwaiwok iman ale, indoi ineendet koboi tuguuk tugul che tinyei.

MATAYO 25:12

Ago ki wol kole, ‘Amwaiwok iman ale, mangenok.’ ”

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

MATAYO 25:45

Kowolji anyun kole, ‘Amwaiwok iman ale, ko uu ye ma oyachi agenge eng' chu mengech eng' tugul, koma oyaiywo.’

MATAYO 5:26

Amwaun iman ale, ma koi imong'u eng' olooto agoi iyaakte sendeiyot ne po let.

MATAYO 6:16

Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa.

MATAYO 6:2

Ko uu nooto anyun, ye igoite kagoochinoiguk che po toreteet, ko mat iguutyi igoondit ko uu ye yaei chombilik eng' sinagogisyek ak ortinwek si kobiit kolas piik. Amwaiwok iman ale, kagonyoor icheek melektanywa.

MATAYO 8:10

Ye kingo kas Jeso, kokwong' ak koleenji icheek che ki isubi, “Amwaiwok iman ale, tomo anyooru kayaneet ne tee ni agot eng' Israel.

MARIKO 10:15

Amwaiwok iman ale, Chii age tugul ne mataachei laitornatetap Kamuktaindet ko uu lakweet ne ming'in, koma itei olooto matiny.

MARIKO 10:29

Ki le Jeso, Amwaiwok iman ale, ma mi chii ne ki pagaach koot, anan ng'eetap kametwagik, anan chepkametwagik, anan kamet, anan kwanda, anan lagok, anan mbareenik, agobo anee, ak logoiywek che myach,

MARIKO 11:23

Amwaiwok iman ale, chii age tugul ne leenjin tulwooni, ‘Kitutin ak kewiirchin araraita,’ koma soge eng' muguleldanyi, ago koyan kole, isuldoi tuguuk che kamwa; konyooru tuguuchooto.

MARIKO 12:43

Ak kiguur kasubikyik anyun kobwa ole mi ineendet ak koleenji, Amwaiwok iman ale, Kagonde mosogani panan che siirei che kagonde piik tugul che indoi tuguukwak ole kiyumjin:

MARIKO 13:30

Amwaiwok iman ale, Masiirtoi ibini, ama isulda tuguuchuuto tugul.

MARIKO 14:18

Ak ye kitebyei eng' amisyet, kole Jeso, Amwaiwok iman ale, Ng'wekto age eng' okweek, ineendet ne ki amisyei tuwai.

MARIKO 14:25

Amwaiwok iman ale, ma aee kogeny che po logoegap sabibuk, agoi peetuunooto ne aee che leelach eng' laitornatetap Kamuktaindet.”

MARIKO 14:30

Ak ki leenji `Jeso ineendet, Amwaun iman ale, rani, kemouni, kotom koote kipsoiywet konyil aeng', ieesyoa konyil somok.

MARIKO 14:9

Ak amwaiwok iman ale, ui tugul ole ki amjin logoiywek che myach eng' ng'wony komugul kemwaitoi agine yautyoni po kobogoryondoni, ak egu niito ne kibwaatee ineendet.”

MARIKO 3:28

“Amwaiwok iman ale, kinyochin kaat weeriigap piik tengekwogikwak tugul ak ng'aleek alak tugul che yaacheen che mwaei.

MARIKO 6:11

Ak oldo age tugul ne mataachak, ama cham kogasak, ye omande eng' olooto, olelekte temburyek che mi keelyekwok si kobiit koek paornateet eng' icheek.”

MARIKO 8:12

Ki ibuus ne nyigiis eng' muguleldannyi ak kole, “Amu nee si kocheeng'ei ibini kaboorunet? Amwaiwok iman ale, ma mi kaboorunet ne kigoochi ibini.”

MARIKO 9:1

Ak ki leenji icheek, “Amwaiwok iman ale, mi yu alak eng' chu tonondos che ma koi chamcham meet agoi kogeer laitornatetap Kamuktaindet konyonei eng' kamuktaet.”

MARIKO 9:41

Amu age tugul ne inagok peegap kigombet oee, amu oo po Kristo, amwaiwok iman ale, ma petyin melektanyi.

LUKA 11:51

kobooch korotiigap Abel agoi korotiigap Zekariah, ne kime eng' kwenutap kaptisisyet ak Hekaluut: ee, amwaiwok ale, tuun kimage ibini.

LUKA 12:37

Poiboen otwogichooto, che nyooru kiptaiyandanooto koriipsei ye nyo: amwaiwok iman ale, kermenigei ineendet ak chobei pichooto kotep ng'wony eng' ole amisye, ak kwo kobai icheek.

LUKA 13:35

Ogeero, kagebagakwok koonng'wong' koek kipkuubere: ak amwaiwok ale, Maogeera, agoi tuun ole, ‘Iberuurot ne nyoonei eng' kainetap Kiptaiyat.’ ”

LUKA 16:17

Ago nyumnyum kosiirto kipsengwet ak ng'wony, kosiir kobut siruutyet agenge ne po Ng'atuutik.

LUKA 18:17

Amwaiwok iman ale, Age tugul ne mataachei laitornatetap Kamuktaindet ko uu lakweet ne ming'in, koma koi mong'ji olooto matiny.”

LUKA 18:29

Ak ki leenji icheek, Amwaiwok iman ale, Ma mi chii ne ki pagaakta koot, anan osotyot, anan che tupcho, anan sigiik, anan lagok, agobo laitornatetap Kamuktaindet,

LUKA 23:43

Ak ki leenji `Jeso ineendet, Amwaun iman, ale, Kitebye tuwai rani eng' Paradiso.

LUKA 4:24

Ak ki leenji, “Amwaiwok iman ale, ma mi maotyondo ne chamaksei eng' emennyi.

JOHANA 1:51

Ak ki leenji, “Amwaiwok, iman, iman, ale, tatun ogeere kipsengwet koyatoksei, ak kotogostoi malaikaisyek che po Kamuktaindet ak kochoorchigei Weeriitap chii.”

JOHANA 10:1

Amwaiwok, iman, iman, ale, Choriin ak ko rebin ineendet ne ma punei kurgeetap piutap keechiirek, ne laanyei oldo age.

JOHANA 10:7

Koleenji anyun Jeso icheek kogeny, Amwaiwok, iman, iman, ale, Aa kurgeetap keechiirek.

JOHANA 12:24

Amwaiwok, iman, iman, ale, Ngo ma me paiywat ne ibutyin ng'ung'unyek, kotebyei ineegei; ago ngo me, koiyiei che chaang'.

JOHANA 13:16

Amwaiwok, iman, iman, ale, ma oo otwogindet kosiir kiptaiyandannyi; ama oo ineendet ne ki kiyok kosiir ineendet ne ki iyoogu.

JOHANA 13:38

Kowolji Jeso koleenji, “Igoitoi saboondang'ung' agobo anee? Amwaun, iman, iman, ale, kotom koote kipsoiywet, ieesyoa konyil somok.”

JOHANA 14:12

Amwaiwok, iman, iman, ale, Ineendet ne iyana, koyaei agine poisyonik che ayae; ak koyaei poisyonik che eech eng' chuuto; amu awendi ole mi Kwanda.

JOHANA 16:20

Amwaiwok, iman, iman, ale orirtosi ak oteitosi, ago paibai ng'wony: oaragendosi, ago kiweechi arageneng'wong' koek poiboiyet.

JOHANA 16:23

Ama oteebena kiy eng' peetuunooto. Amwaiwok, iman, iman, ale, Ngot osoom Kwanda kiy age tugul, kogoonok eng' kainennyu.

JOHANA 21:18

Amwaun, iman, iman, ale, ye kita ko ii ming'in, ko ki ilaaksechinigei, ak iwendi ole imache; ago ye tuun ioositu, iitoi euneguk, ak kolaakseun age, ak komutin ole memache.”

JOHANA 3:11

Amwaun, iman, iman, ale kimwae ne kingen, ak kebaoryanjini ne kagegeer; amotaache paornatennyo.

JOHANA 3:3

Kowolji Jeso koleenji, “Amwaun, iman, iman, ale, ngot koma ki sich chii eng' sigeet ne leel, koma koi imuuch kogeer laitornatetap Kamuktaindet.”

JOHANA 3:5

Kowolji Jeso koleenji, “Amwaun, iman, iman ale, ngot koma ki sich chii eng' peek ak Kabuuset ne Tiliil, koma koi imuuch komong'ji laitornatetap Kamuktaindet.

JOHANA 5:19

Ki wolji anyun Jeso icheek koleenji, “Amwaiwok, iman, iman, ale, ‘Ma yaei kiy Weeriit ineegei, ago ne keerei koyaei Kwanda: amu tuguuk tugul che yaei ineendet, koyaei chooto agine Weeriit ko uu nooto.

JOHANA 6:26

Kowolji Jeso icheek koleenji, “Amwaiwok, iman, iman, ale, Ocheeng'a, ma amu koogeer kaboorunoik, ago amu kooam magatiinik ak obiyong'se.

JOHANA 6:32

Koleenji anyun `Jeso icheek, “Amwaiwok, iman, iman, ale, ki ma ko Musa ne ki koonok magatyandanooto ki punu kipsengwet; ago koonok Abba magatyat ne po iman ne punu kipsengwet.

JOHANA 6:47

Amwaiwok, iman, iman, ale, Ineendet ne iyani, kotinyei saboondap koigeny.

JOHANA 6:53

Koleenji Jeso anyun icheek, “Amwaiwok, iman, iman, ale, ngot ko moam poortap Weeriitap chii ak oee korotiikyik, ko mosiche saboondo eng' oriiting'wong'.

JOHANA 8:34

Kowolji Jeso koleenji, “Amwaiwok, iman, iman, ale, age tugul ne yaei tengek ko otwogindetap tengek.

JOHANA 8:51

Amwaiwok, iman, iman, ale, ngo riip chii ng'olyoondennyu koma keerei meet agoi.”

JOHANA 8:58

Koleenji Jeso, “Amwaiwok, iman, iman, ale, Kingo tomo kobiit Abraham, ami.”

1 PETERO 1:25

Ago tebyei koigeny ng'olyootap Kiptaiyat. Niito ko ng'olyootap logoiywek che myach che ki kiamwok.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.