MATAYO 26:39 - BUKUIT NE TILIIL Sireet ne Dutero Kanon

³⁹ Ak ki wo tai kitigin, ak kobutyi ng'wony ak kosa kole, “Ee Abba, ngo mugaksei, kosiirtoena kigombani; ma ko uu ye amache ago ko uu ye imache inyee.”

Bukuit Ne Tilil

³⁹ Ak ki wo tai kitigin, ak kobutyi ng'wony ak kosa kole, “Ee Abba, ngo mugaksei, kosiirtoena kigombani; ma ko uu ye amache ago ko uu ye imache inyee.”

BUKUIT NE TILIL

³⁹ Ak kiwa tai kitigin, ak kobutyi ng’ony, ak kosa, kole, Ee Baba, ngomugaksei, kosiirtoena kikombani: ago, ma ko u ye amache ane, ago ko u ye imache inye.

MATAYO 26:39 Referencias Cruzadas

TAUNET 17:3

Ak ki ibutyi ng'wony kogutuny Abram, ak ki ng'alaalji Kamuktaindet koleenji,

2 SAMUEL 15:26

Ago ngot komwa kole, Ma abaibai eng' inyee, ami yu, ingoyaiywo ko uu ye keerei kole myee.”

1 ATEPTAP PEETUUSYEK 21:16

Ki ing'eet metit Daudi ak ki keer malaikaiyatap Kamuktaindet ne Toroor kotononi eng' kwenutap ng'wony ak kipsengwet, kotinyei rotwetap chok ne kaging'us eng' eunnyi, ak kong'werere Jerusalem. Kobutyi ng'wony anyun Daudi ak poisyek kotooree togoochikwak ng'wony, kolaachi kuniok.

ISAIAH 50:5

Ki koyaat Kiptaiyat Kamuktaindet ne Toroor itinnyu, ak ki ma angelel, anan atuktoochi patai.

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

EZEKIEL 1:28

Ko uu ole teptoi itoondap chepkuinobor eng' poolik eng' peetuutap ropta, ko ki uu nooto itoondap kakweng'et eng' komoswek tugul. Ki niito itoondap kergeindo ne po liilindap Kamuktaindet ne Toroor. Ak kinga keer, abut kot kotiiny togeet, ak ki agas kutitap ineendet ne ki ng'alaali.

KAITOSYEK 14:5

Ki ing'uruukso anyun Musa ak Aron kot kotiiny togoochikwak ng'wony eng' taitap piik tugul che po tuiyet komugul ne po piigap Israel.

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

MATAYO 20:22

Ago ki wol Jeso kole, “Mongen ne osoome. Omuuchi okweek oee kigombet ne neegit aee?” Kowolji icheek ineendet kole, “Kimuuchi.”

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

MATAYO 26:42

Ki wo kogeny ne po aeng' ak ki sa kole, “Ee Abba, ngo ma chamdaat kosiirtoena kigombani ama aee, ingoyaak anyun mageng'ung'.”

MARIKO 13:22

Amu ng'eetos Kristoisyek che po lembech, ak maotik che po lembech, ak koboortoi kaboorunoik ak kwang'utik, si kobeet, agot che kigelewen nda imugaksei.

LUKA 17:16

ak ki ibutyi keelyekyik koweekyi kongoi; ak ki Samarindet chiichooto.

JOHANA 11:41

Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa.

JOHANA 14:31

ago si konai ng'wony kole achame Kwanda, ak ko uu ye ki koono Kwanda ng'atuutyet, ayae ko uu nooto. Ong'eetyee, keebe.”

JOHANA 18:11

Koleenji Jeso anyun Petero, Weekyi rotweet choget: tos maee kigombet ne kagoono Kwanda?

JOHANA 5:19

Ki wolji anyun Jeso icheek koleenji, “Amwaiwok, iman, iman, ale, ‘Ma yaei kiy Weeriit ineegei, ago ne keerei koyaei Kwanda: amu tuguuk tugul che yaei ineendet, koyaei chooto agine Weeriit ko uu nooto.

JOHANA 5:30

Ma muuchi ayai kiy aneege: arwoochi ko uu ye agase, ak po iman kirwoogennyu; amu ma cheeng'e ayai magennyu, ago mageetap ineendet ne ki iyookwo.

JOHANA 6:38

Amu ki achooruge eng' kipsengwet, ma si ayai magennyu, ago mageetap ineendet ne ki iyookwo.

POISYONIGAP CHE KIYOKTOI 10:25

Ye kingwo ko Petero, kotorooch `Korneli ineendet ak kobutyi keelyekyik, kogutung'ji.

PILIPIK 2:8

ak kingo took eng' itoondap chii, koming'ingei, kogas iit agoi meet, ee, meet ne po kimurtoiyot.

HEBRANIK 5:7

Ne ki eng' peetuusyek che kimi eng' poorto, ko kagogoito saautik ak soomutik eng' riirek che eecheen ak peegap kong', koriirchin ineendet ne ki imuuchi kosar eng' meet, ak kingo kagegasyi amu kaiyweisyennyi ne kiywei Kamuktaindet.

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”