MATAYO 13:52 - BUKUIT NE TILIIL Sireet ne Dutero Kanon

⁵² Koleenji anyun, “Ko uu nooto anyun, siriindet age tugul ne ki kineet komyee ng'aleegap pounatetap kipsengwet, ko kergei ak chiito ne po koot, ne inemu tuguuk che leelach ak che po keny eng' ole konoree tuguukyik che po kamanuut.”

Bukuit Ne Tilil

⁵² Koleenji anyun, “Ko uu nooto anyun, siriindet age tugul ne ki kineet komyee ng'aleegap pounatetap kipsengwet, ko kergei ak chiito ne po koot, ne inemu tuguuk che leelach ak che po keny eng' ole konoree tuguukyik che po kamanuut.”

BUKUIT NE TILIL

⁵² Ak kilenji ichek, Amu noto anyun, sirindet age tugul ne kiginet komie ng’alekab bounatetab kipsengwet, ko kergei ak chito ne bo got, ne inemu tuguk che leelach ak che bo keny, eng’ ole konore tugukyik che bo magornatet.

MATAYO 13:52 Referencias Cruzadas

EZRAH 7:10

Amu kiga kogiilgei eng' muguleldanyi Ezrah kocheeng' ng'atuutigap Kamuktaindet ne Toroor, koyai ak koneet kayomisutik ak kirwoogutik eng' Israel.

EZRAH 7:21

Ang'ate anee, Laitoryat Artaserses konoriik tugul che po tuguuk che mi aineet pitoniin ale kiit age tugul neta komagenok Ezrah tisiindet, siriindetap ng'atuutigap Kamuktaindetap kipsengwet, keyai eng' kagiiletapkei,

EZRAH 7:6

Ki togosta anyun Ezrah niito eng' Babilon. Ki siriindet ne ng'oom eng' ng'atuutigap Musa che kiga kogoochi Kamuktaindet ne Toroor, Kamuktaindetap Israel. Ki chamji laitoryat soomennyi tugul, ko uu ye kimi eutap Kamuktaindet ne Toroor Kamuktaindennyi paragunnyi.

KALEWANAIK 11:30

Poisyonigap ne po iman ko keetitap saboondo; ago koroomnateet koolusi saboonwegap piik.

KALEWANAIK 15:7

Iyestoi naet kutusweegap che utaatyet, ago ma yaei ko uu nooto mugulelwegap che perber.

KALEWANAIK 18:4

Uu peegap keriing' ne loo ng'aleegap chii, ibaibai ko uu peegap kereruut ne rootei utaatyet.

TYENDO NE SIIREI TUGUL 7:13

Ng'uu ne anyiny tuguuk che uu labotik, ak mi seremusyekyok logoek alak tugul che korooron, che leelach ak che po keny, che ki agonorun, ee chamanennyu.

MATAYO 12:35

Ibune chii ne myee tuguuk che myach konorwennyi ne myee, ak ibune chii ne ya tuguuk che yaach konorwennyi ne ya.

MATAYO 13:51

“Kaoguiye tuguuchuuto tugul?” Kowol kole, “Ee.”

MATAYO 13:53

Ye kingo kagogees Jeso kalewenaichu, kwo eng' olooto.

MATAYO 23:34

Nooto anyun ayookwok maotik, piik che ng'oomen ak siriik, che alak eng' icheek ko tuun obare ak ogartoti, ak obire kipchoritiit alak eng' icheek eng' sinagogisyekwok, ak ousoti kong'etee nganaseet age agoi nganaseet age.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

LUKA 11:49

Ki le anyun `utaatyetap Kamuktaindet amu nooto, ‘Tuun ayookyini maotik ak che kiyooktoi; ak kobar alak eng' icheek ak kousaus alak,’

JOHANA 13:34

Agoonok ng'atuutyet ne leel, ale, ochamye; ko uu ye ki achamak, ochamyee ak okweek.

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

EPESOEK 3:4

si, ye osomani, omuuchi oguiye ng'omnatennyu eng' ung'ootyetap Kristo;

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

KOLOSAIK 1:7

ko uu ye ki oneetkei eng' Epapra chamanennyo ne kiboisyei tugul, ne kiboityot ne iyanaat ne po Kristo agobo acheek,

KOLOSAIK 3:16

Ingomenyok ng'olyootap Kristo eng' mogornateet, eng' utaatyet tugul oneetige ak oteechinigei eng' tyenwogigap kalasunet ak tyenwogik che ki kisir ak tyenwogigap saboon otyenjini Kamuktaindet eng' myeeindo eng' mugulelwekwok.

1 TIMOTEO 3:6

Ama chii ne kota koyani, si ye men kobutyi kirwoogetap chesawilyet.

TITO 1:9

ne namei ng'olyoot ne kiyani ko uu ole teptoi kaneetisyet, si komuuch koteechi eng' kaneetisyet ne po iman, ak koterteer kiptiyotinik.