MATAYO 13:19 - BUKUIT NE TILIIL Sireet ne Dutero Kanon

¹⁹ Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

Bukuit Ne Tilil

¹⁹ Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

BUKUIT NE TILIL

¹⁹ Ye kasei chi age tugul ng’olyotab bounatet, ama iguiyo, konyo anyun inendet ne ya, ak korebe ne kaga kelechi muguleldanyi. Nito ne kigilechi tabandab oret.

MATAYO 13:19 Referencias Cruzadas

KALEWANAIK 1:7

Taunetap naet ko kiywei Kamuktaindet ne Toroor; ago sasei che perber utaatyet ak kaneetisyet.

KALEWANAIK 17:16

Lyon anyun si kotinyei ne perber kiit ne ale utaatyet, ngot koma tinyei naet?

EZEKIEL 31:18

Ogerge ak ng'oo anyun eng' toroornatet ak etunateet eng' kwenutap keetiigap Eden? Nganda uu nooto kechoortoin kobooto keetiigap Eden iwe ng'wony oriit: irue kwenutap che ma kimuratan, kobooto icheeget che ki kibare rotwetap chok. Niito ko Pharaoh ak piikyik che chaang', mwaei Kiptaiyat Kamuktaindet ne Toroor.

MATAYO 12:26

Ngo oon `Setani Setani, ko kapcheigei ineegei; tonondoi ano anyun laitornatennyi?

MATAYO 13:20

Nooto ne ki kilechi ole mi koik, ko ineendet ne kasei ng'olyoot ak kotaach eng' poiboiyet,

MATAYO 13:38

ak mbareet ko ng'wony. Kesweek che myach ko weeriik che po laitornatet, ak chemulbainik ko weeriitap ineendet ne ya.

MATAYO 4:23

Ak kiwendoti Jeso eng' Galilaya komugul, koneetisyoti eng' sinagogisyekwak ak koamdaati logoiywek che myach che po laitornatet, ak kosabooti che tinyei korotwek alak tugul ak myanwogik alak tugul eng' piik.

MATAYO 5:37

Ago ingoek ng'alaaleng'wong', wei ko wei anan achicha ko achicha; ak kiy age tugul ne siirei chuuto kobunu ineendet ne ya.

MARIKO 4:15

Chu che mi tabandap ooreet ole kagilechi ng'olyoot, ak ye kagogas, konyo Setani ak konem nooto kagigoolji icheeget.

LUKA 10:9

ak osoop che myandos eng' olooto, ak oleenji icheek, Kagorikyok laitornatetap Kamuktaindet.

LUKA 9:2

Ak ki iyookto koamda laitornatetap Kamuktaindet, ak kosoop che myandos.

JOHANA 18:38

Koleenji Pilato, Nee imanit? Ak ye kingo kagomwa ko uu ni, komanda kogeny ole mi Yahudik, ak koleenji, “Ma anyoorchi anee leluut ineendet.

JOHANA 8:43

Amu nee si monai chooto amwae? Amu momuuchi ogas ng'olyoondennyu.

POISYONIGAP CHE KIYOKTOI 17:32

Ye kingo kas anyun agobo ng'eetyeetap che ki pek, kochombil alage; ago ki le alak, “Ta kegasun niito peetuut age.”

POISYONIGAP CHE KIYOKTOI 18:15

ago ngo teebutik agobo ng'aleek ak kainaik ak ng'atuutyeng'wong' okweeget, oyai okweegei; ma mache aek kirwoogindetap ng'aleechuuto.”

POISYONIGAP CHE KIYOKTOI 20:25

“Ak nguno anyun, ogeero, angen ale okweek tugul che ki aamdaate logoiywegap laitornatetap Kamuktaindet, koma ogeere togeennyu kogeny.

POISYONIGAP CHE KIYOKTOI 28:23

Ak ye kingo kagochop peetuut, kobwonji ineendet che chaang' eng' koot ne ki menyei; ak ki iborsechi komyee, kobaoryani agobo laitornatetap Kamuktaindet, ak kogiiljingei koneeti icheek agobo Jeso eng' ng'atuutyet ne po Musa ak eng' maotik, kobooch karon agoi koimen.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 2:8

ago eng' icheek che ngelelik, ama kase iit imanit, ago che kase iit ne ma po imanda, koegu nyitatet ak nereeknateet,

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

2 THESSALONIKEK 2:12

si kobiit kirwookyi icheek tugul che ma iyan imanit, ago che kiboiboitune che ma po imanda.

HEBRANIK 2:1

Eng' nooto anyun kanyool kenam miising' kosiir tuguuchooto ki kegas, si ma kichuchuige.

1 JOHANA 3:12

Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

1 JOHANA 5:18

Kingen keele ma yaei tengekto chii age tugul ne kigesich eng' Kamuktaindet; ago ineendet ne kigesich eng' Kamuktaindet koriibei ineendet, ama twaei chiichooto ineendet ne ya.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.