MATAYO 13:11 - BUKUIT NE TILIIL Sireet ne Dutero Kanon

¹¹ Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

Bukuit Ne Tilil

¹¹ Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

BUKUIT NE TILIL

¹¹ Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

MATAYO 13:11 Referencias Cruzadas

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

ISAIAH 29:10

Amu kirong'jok Kamuktaindet ne Toroor rwondo ne nyigiis, ki kogeer konyekwok, okweek maotik, ak ki kotuch kandoikwok, chooto ko keerik.

ISAIAH 29:11

Ak kagergeit eng' okweek ng'ang'utyet tugul ak ng'aleegap bukuit ne ki king'ooch, ne igoochin piik chiito ne ineetat, koleenji, “Asoomin ale, soman bukuini,” ak kole, “Ma muuchi, amu ki king'ooch.”

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

MATAYO 13:10

Ki pwa kasubik ak koleenji, “Kalya si ing'alaalji icheek eng' kalewenaik?”

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MATAYO 19:11

Ago ki leenji `ineendet icheek, “Temenee piik tugul kotaach kaneetisyoni, kobatee icheek che kigoochin.

MATAYO 20:23

Koleenji `Jeso icheek, “Oee iman kigombennyu, ago ketebee eunnyu ne po tai ak eunnyu ne po kaataam koma nenyu agoito, ago po icheek chooto Ki kochopchi kotabaanji Abba.”

MARIKO 10:40

ago ma anee ne igoitoi kotebee chii eunnyu ne po tai anan eunnyu ne po kaataam: ago po icheeget che kigechopchi.”

MARIKO 4:11

Ki leenji `ineendet icheek, “Kagegoonok okweek onai ung'ootyet ne po laitornatetap Kamuktaindet, ago icheek che miitei saang', kobwanjin tuguuk tugul eng' kalewenaik;

LUKA 8:10

Ak ki le, “Kagigoonok okweek onai ung'ootik che po laitornatetap Kamuktaindet: ago kimwachin alak eng' kalewenaik; ‘si ye keertoi koma keerei kiy, si ye kasei koma naei.’

JOHANA 6:65

Ak ki le, “Nooto kamwaiwok, ale, ma koi imuuch chii konyoonjo kobatee ne igoochin Kwanda.”

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

POISYONIGAP CHE KIYOKTOI 16:14

Ki mi kobogoryot age ne ki kiguure Lydia, ne ki ilasu Kamuktaindet. Ki po nganaseet ne kiguure Thyatira, ak ki aldaindetap ngoroik che arusen ne piriir. Ye kigaseech, koyaat Kiptaiyat muguleldanyi koepchi iit ak kotaach tuguuk che ki mwaei Paulo.

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

1 KORINTOEK 13:2

Ak ngot atinye konunetap maonateet, ak angen ung'ootik tugul ak naet tugul, ak ngatinye kayaneet tugul, kot amuuch autoe tuloonook, ago ma tinye chamyet, ko aa puch.

1 KORINTOEK 15:51

Ogeero, amwaiwok ung'ootyet: Ma kiruitosi acheek tugul, ago kiwalech acheek tugul,

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

1 KORINTOEK 2:7

ago kimwae utaatyetap Kamuktaindet eng' ung'ootyet, nooto ne kigeuny, ne kiga sip kong'at Kamuktaindet agobo toroornatennyo ye kitom kobiit ng'wony:

1 KORINTOEK 4:1

Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet.

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

EPESOEK 5:32

Oo ung'ootyoni: ago ang'alaali agobo Kristo ak kaniset.

EPESOEK 6:19

Ak agobo anee, si kobiit kegoono tweguunet, ayaat kutinnyu, abarta eng' nyiganateet ung'ootyet ne po logoiywek che myach,

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

1 TIMOTEO 3:9

che namei ung'ootyetap kayaneet eng' kabwaatet ne tiliil.

JAKOBO 1:5

Ago ngot kobetyi chii age tugul eng' okweek utaatyet, ko ingosoom Kamuktaindet, ne igoochin tugul eng' aiyebindo ama kere kong'; ak kigoochin ineendet.

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.