MATAYO 12:18 - BUKUIT NE TILIIL Sireet ne Dutero Kanon

¹⁸ “Ogeero, otwogindennyu ne ki alewen; Chamanennyu ne paibai saboondanyu eng' ineendet: Andoi ineendet Kabuusennyu ne Tiliil, si komwachi pororyosyek kirwooget.

Bukuit Ne Tilil

¹⁸ “Ogeero, otwogindennyu ne ki alewen; Chamanennyu ne paibai saboondanyu eng' ineendet: Andoi ineendet Kabuusennyu ne Tiliil, si komwachi pororyosyek kirwooget.

BUKUIT NE TILIL

¹⁸ Ogeero, otwogindennyu ne kialewen; Chamanennyu ne baibai sobondanyu eng’ inendet: Andoi inendet Tamirmiriennyu, Si komwachi Bororiosiek kiruoget.

MATAYO 12:18 Referencias Cruzadas

TIENWOGIKAL 89:19

Ki ing'alaalji anyun cheguuk che tiliileen eng' ng'ang'utik, Ak ileenjini, Kaalaakyi toreteet ineendet ne nyigan; Ki atoroor ne ki kilewen eng' piik.

ISAIAH 11:2

Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.

ISAIAH 42:1

Ogeero otwogindennyu, ne agimiiti, nenyu ne ki alewen ne poiboitune saboondanyu; kande ineendet saboondanyu; ipchin kirwoogetap iman pororyosyek.

ISAIAH 52:13

Ogeero, poisyee otwogindennyu ng'omnateet, kieeti ak kitoroori, ak kotororit miising'.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 62:2

Ak kogeer pororyosyek imandang'ung', ak kogeer laitorinik tugul toroornateng'ung': ak keguurenen kainet ne leel, ne tuun kuurenen Kamuktaindet ne Toroor.

JEREMIA 16:19

Ee Kamuktaindet ne Toroor, kimnateennyu, ak ko irimennyu, ak ole amwechini eng' peetuutap nyalildanyu, pwonjinin pororyosyek kobunu ole poochin ng'wony, ak komwa kole, ma nam kiy kwanisyekyok kobatee lembechek, tangoita ak tuguuk che ma tinyei kelunet.

SEKARIA 3:8

Kas anyun nguno, ee Joshua tisiindet ne oo, inyee kobooto choronoguk che ibuuri eng' taing'ung'; amu kaboorunet pichooto: amu, keero, amutu otwogindennyu ne Temet.

MATAYO 12:17

si kosulda ne ki kamwa maotyot Isaiah kole,

MATAYO 17:5

Kingo ta kong'alaali, ogeero, kouur icheek pooldet ne iluu: ak ogeero, ki mang'une kutit pooldet, kole, “Ni ko Weeriinnyu, chamanennyu, ineendet ne agasegei miising'; ogas okweek ineendet.”

MARIKO 1:11

Ak ki mong' tuugeet eng' kipsengwet kole, “Ii Weeriinnyu chamanennyu, agasenengei.”

MARIKO 9:7

Ki nyo pooldet kotuch icheek ak komang'une pooldanooto tuugeet koleen, “Ni ko Weeriinnyu, chamanennyu; ogas iit ineendet!”

LUKA 23:35

Ak kitonondos piik kogeerei. Ak kororechi ineendet pounik kole, Kisaru alak; ingosargei ibak ngo Kristo niito, ne lewenot ne po Kamuktaindet.

LUKA 3:22

ak kochoorchigei ineendet Kabuuset ne Tiliil, eng' kergeindap cheptuget, ak komang'une kutit kipsengwet kole, “Inyeendet ko ii Weeriinnyu chamanennyu; agasenengei.”

LUKA 4:18

Mi Kabuusetap Kiptaiyat kobooto, Ami ki ila si kobiit aamji kibananook logoiywek che myach: Ki iyookwo si kobiit aamji luulenik katyaget, Asi kobiit kogeerto kipkoratinik, Ak atyach che ki kiguoten.

LUKA 9:35

Ak ki mong' kutit eng' pooldet, ak kole, “Ni Weeriinnyu, ne ki alewen; ogas ineendet.”

JOHANA 3:34

Amu ng'alaali ng'aleegap Kamuktaindet ineendet ne ki iyoogu Kamuktaindet; amu ma koonu ineendet Kabuuset ne Tiliil eng' karagendoet.

POISYONIGAP CHE KIYOKTOI 10:38

ongen ole ki iil `Kamuktaindet Jeso ne po Nazareth eng' Kabuuset ne Tiliil ak eng' kamuktaet; kiwendot ineendet ak koyaei ne myee, ak kosoobi tugul che ki inyaliili chesawilyet, amu ki mi Kamuktaindet kobooto ineendet.

POISYONIGAP CHE KIYOKTOI 11:18

Kingo kas ng'aleechuuto, kosiisyo. Ak ki iloos Kamuktaindet, koleen, “Kaagaa kagogoochi `Kamuktaindet Pororyosyek ak icheek siguunet ne ibu saboondo.”

POISYONIGAP CHE KIYOKTOI 14:27

Kingo kagobwa, koyum kaniset komugul ak komwachi tuguuk tugul che kiga koyai Kamuktaindet eng' icheek, ak ole kiga koyatyindo Pororyosyek kurgeet ne po kayaneet.

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

KOLOSAIK 1:1

Paulo, kayooktoindet ne po Kristo Jeso eng' mageetap Kamuktaindet, ak Timoteo tupchennyo,

KOLOSAIK 1:13

ne kisarwech kemang'une kimnateetap mesundeito, ak kouutech keebe laitornatetap Weeriit ne po chamyennyi;

1 PETERO 2:4

obwanjini ineendet koita ne sabei, ne ki eesyo piik iman, ago lewenot eng' Kamuktaindet, ne chamat miising',

2 PETERO 1:17

amu kitaach teegisto ak toroornatet eng' Kamuktaindet Kwanda, ye ki nyoonji ineendet kutit ne ki punu liilindo ne po etunateet kole, Ni ko Weeriinnyu chamanennyu, ineendet ne agasegei miising':