MALAKI 3:10 - BUKUIT NE TILIIL Sireet ne Dutero Kanon

¹⁰ Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

Bukuit Ne Tilil

¹⁰ Oibu kebeberwek tugul che po taman kobwa choge, si kobiit amitwogik eng' koonnyu, ak otyema anyun eng' nooto, mwaei Kamuktaindet ne Toroor ne po lugoosyek, si ogeer ngo ma yaatwok tirisyogap kipsengwet ak aroong'wok perurto kot koma komi ole ondoi.

BUKUIT NE TILIL

¹⁰ Oibu kebeberwek tugul che bo taman kobwa choge, si kobiit amitwogik eng’ gonnyu, ak otiema anyun eng’ noto, mwaei Jehovah ne bo lugosiek, si ogeer ngo mayatwok tirisiokab kipsengwet, ak arong’wok berurto, kot ko ma komi ole ondoi.

MALAKI 3:10 Referencias Cruzadas

TAUNET 28:22

ak koek kooi, ne kalumde koek toloita, kootap Kamuktaindet; ak eng' tuguuk tugul che igoono, agoonin ne matiny kebebertap taman.”

TAUNET 7:11

Eng' kenyiit ne ki ite Noah kenyiisyek pogol lo, eng' arawet ne po aeng', ak eng' peetuutap taman ak tisap, eng' peetuunooto anyun koyatagis kong'iik che kutune peek che po rireet ne oo ak koyatagis peek eng' kipsengwet.

2 LAITORINIK 7:19

Ki wolji kiptaiyandanooto chiitap Kamuktaindet koleenji, “Keero, agot ingoyat Kamuktaindet ne Toroor tirisyok eng' kipsengwet, ko tos piit kiy ne uu nooto?” Ak ki le, “Igeere eng' konyeguk, ago meame tuguuchooto.”

2 LAITORINIK 7:2

Kowolji anyun kiptaiyat ne kitiegei eunnyi laitoryat chiitap Kamuktaindet, koleenji, “Ogeero, ngot koyai Kamuktaindet ne Toroor tirisyok eng' kipsengwet, ko tos piit kioto?” Ak ki le Elisha, “Keero, igeere eng' konyeguk, ago meame tuguuchooto.”

1 ATEPTAP PEETUUSYEK 26:20

Ak eng' Lawiik, ko ki riibei Ahija tuguuk che po ole kigonoree tuguuk che po kootap Kamuktaindet, kobooto tuguuk che itabaanatiin.

NEEMIA 12:44

Ki kilewen eng' peetuunooto piik koriip kooriik che po oriit ole kigonoree tuguuk, kagoochinoik che kinamjin parak, tongoanik ak kebeberwegap taman. Kiyumji koorchooto kobee mbareenik che po nganasook, kebeberwek che ki king'at eng' ng'atuutyet kobunji Tisiik ak Lawiik, amu ki paibait Judah agobo Tisiik ak Lawiik che kiboisyei.

NEEMIA 12:47

Ara anyun ki igoito `Israel tugul kebeberwegap tyeniik ak che po riibiigap kurgotik eng' peetuusyegap Zerubabel ak eng' peetuusyegap Nehemiah, ko uu che yamei peetuut age tugul. Ki itabaanji `piik Lawiik, ak ki itabaanji `Lawiik ak icheek weeriigap Aron.

NEEMIA 13:5

koot ne ki kigonoree kobooch keny kagoochinoik che po peek che ng'ootiin, tuguuk che nyamdut, tereenik, kebeberwegap taman che po peek, che po divaik ak che po mwanichooto ki mwa ng'atuutik kole kigoochi Lawiik, tyeniik ak riibiigap kurgotik, ak kagoochinoigap tisiik.

TIENWOGIKAL 37:3

Imang'u Kamuktaindet ne Toroor ak iyai ne myee; meng'iisye eng' emet, ak isup imanda.

TIENWOGIKAL 78:23

Ago ki ng'at poolik eng' parak, Ak ki yaat kurgotigap kipsengwet,

AMDOINDET 11:3

Ngo nyi peek poolik, koroong'jigei ng'wony, ak ngo luulji keetit murot tai anan ko murot kaataam, ko komosta ne kaluulji, kotebee yooto.

EZEKIEL 34:26

Ak ayai icheek koek kaberuret kobooto komoswek ole neegitee tulweennyu; ak ang'at ropta koroobon eng' peetuusyekyik; ak kobiit roptap kaberuret.

EZEKIEL 44:30

Ak punjin tisiik tongoanik tugul che po tai che po kiy age tugul, ak kagoochinet age tugul ne kinamjin parak ne po kiy age tugul, che po kagoochinoikwok tugul che kinamjin parak: ogoochini kogeny tisiindet magatinikwok che tuonen che po tai, si kogoochi perurto kotebee koong'ung'.

HOSEA 2:21

Ak tuun awolu eng' peetuunooto, mwaei Kamuktaindet ne Toroor. Awoljini kipsengwetisyek, ak kowolji icheek ng'wony;

JOEL 2:19

Ak ki wolji `Kamuktaindet ne Toroor piikyik koleenji, ogeero, ayookwok peek ak divaik ak mwanik, ak obiyong'se eng' chooto: amayaok kogeny oegu che kichotei eng' pororyosyek:

JOEL 2:24

Ak konyi peek rwanyusyek che kiboorsee, ak kong'irtagei divaik ak mwanik eng' ole itendenjin.

ATEPTAP LAWIK 26:10

Oam anyun tuguuk che konorotiin che po keny, ak omoong'u che po keny si kobiit ole ondoi che ogese.

ATEPTAP LAWIK 26:3

“Ngo pendate kaneetisyosyekyuk ak oriip ng'atuutikyuk, ak oyai,

ATEPTAP LAWIK 27:30

“Po Kamuktaindet ne Toroor kebeberwegap taman che po emet, ngo kesweek che po emet anan logoegap keetiik; itabaanatiin eng' Kamuktaindet ne Toroor.

HAGGAI 2:19

Tos ta komi peek choge? Ee, ma iiyo keetiigap sabibuk, anan mogoonik, anan keetiigap logoek alak, anan mseituni. Aberuurok anyun kobooch peetuuni.

KAITOSYEK 18:21

“Kaagoochi lagogap Lawi kebeberwek tugul che po taman eng' Israel koek porotennywa, kogeere poisyennywa ne yaei, nooto poisyetap emait ne kituiyechin.

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

NG'ATUTIK 12:6

oibe kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak, kaarortaosyekwok, kagoochinoigap chamyet ak che twatei tuukwok ak keechiirekwok.

NG'ATUTIK 14:22

“Igoite iman kebebertap taman ne po iyoteet tugul ne po kesweguk che piitu eng' mbar kenyiit age tugul.

NG'ATUTIK 14:29

si konyo Lawindet amu ma tinyei kebeberta anan poroteet kobooten. Nyoonei kora toondet ak ne ma tinyei sigiik, ak mosogichooto mi kurgotiguk nyoo koamis ak kobiyong'so, si koberuurin Kamuktaindet ne Toroor Kamuktaindeng'ung' eng' poisyet tugul ne po euneguk.

NG'ATUTIK 28:12

Amu yaatun Kamuktaindet ne Toroor konorwennyi ne karaaran nooto ko kipsengwet korobonji emeng'ung' eng' peetuusyekyik ak koberuur poisyonik tugul che po euneguk. Ibesendochini pororyosyek che chaang' ago mebeseni.