MALAKI 2:7 - BUKUIT NE TILIIL Sireet ne Dutero Kanon

⁷ Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

Bukuit Ne Tilil

⁷ Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

BUKUIT NE TILIL

⁷ Amu kanyo korib kutitab tisiindet naet, ak kocheng’ bik ng’atutiet eng’ ng’alekyik: amu inendet ko chito ne iyoktoi Jehovah ne bo lugosiek.

MALAKI 2:7 Referencias Cruzadas

2 LAITORINIK 16:11

Ki teech Urija tisiindet kaptisisyet, ko uu tugul che kiga koboorchi Laitoryat Ahaz eng' Damasko, ak ki teech anyun kotar kotom koit Laitoryat Ahaz eng' Damasko.

2 LAITORINIK 16:16

Ki yai ko uu nooto Urija tisiindet, ko uu tugul che ki ng'at Laitoryat Ahaz.

2 ATEPTAP PEETUUSYEK 30:22

Kicheer anyun `Hezekiah Lawiik tugul che ki ineetatin eng' otisyetap Kamuktaindet ne Toroor. Koamis anyun eng' igoorto tugul eng' peetuusyek tisap, kogoitoi tiseiywek che po kaalyeet, ak komwachin kongoi Kamuktaindet ne Toroor, Kamuktaindetap kwanisyekwak.

2 ATEPTAP PEETUUSYEK 31:4

Ki ng'at kogeny piik che ki menyei Jerusalem kogoito kebeberta ne punjin Tisiik ak Lawiik, si kobiit kogoochigei ng'atuutyetap Kamuktaindet ne Toroor.

EZRAH 7:10

Amu kiga kogiilgei eng' muguleldanyi Ezrah kocheeng' ng'atuutigap Kamuktaindet ne Toroor, koyai ak koneet kayomisutik ak kirwoogutik eng' Israel.

EZRAH 7:25

Lewen inyee Ezrah ko uu utaatyetap Kamuktaindeng'ung' ne mi eung'ung', kirwoogik ak pounik che imuuchi koboi piik tugul che mi aineet pitoniin, icheek tugul che ingen ng'atuutigap Kamuktaindeng'ung' ak oneet ineendet ne ma ingen.

KALEWANAIK 5:2

si kobiit iriip naet ne myee, si koriip `kuting'ung' naet.

AMDOINDET 5:5

Kaigai amearorte, kosiir iarorte amegoite.

ISAIAH 42:19

Ng'oo ne koraat, kobatee otwogindennyu? Anan ng'oo ne miing'at ko uu kayooktoinnyu ne ayooktoi? Ng'oo ne koraat ko uu ineendet ne kiting'egei kaalyeet, ak ko koraat ko uu otwogindetap Kamuktaindet ne Toroor?

ISAIAH 44:26

ne igimiti ng'olyootap otwogindennyi, ak kosuldoi kirwoogetap chechiik che kiyooktoi; ne mwaei agobo Jerusalem kole, tuun ki menyei; ak komwaei agobo nganasoogap Judah kole, tuun kiteechei, ak ang'eet komoswekyik che ki koek karatwek:

JEREMIA 15:19

Ara mwaei anyun Kamuktaindet ne Toroor kole, ngot iweekyogei, amutun kogeny, si kobiit itonon eng' tainnyu, ak ngot inemu kiit ne myee komong' eng' kiit ne ya, iigeitu kutinnyu. Iweekyiningei icheek, ago meweekyinigei icheek.

JEREMIA 18:18

Ki mwa anyun kole, obwa kechop kiit ne kiitoi Jeremiah; amu ma petei ng'atuutyet eng' tisiindet, ama petei kirwooget eng' chiito ne utaat, ama petei ng'olyoot eng' maotyot. Obwa, kebire ng'elyepta, amat ongeepchi iit agot ng'olyoot agenge eng' ng'aleekyik.

JEREMIA 2:8

Ma teep tisiik kole, mi ano Kamuktaindet ne Toroor?” Ma naa icheek che tinyei ng'atuutik. Ki ingelelja pounik ak icheek, ak ki maotensee maotik Baal, ak kobendatee tuguuk che ma ki nyoorunee kelunet.

EZEKIEL 22:26

Ki kobut tisiikyik ng'atuutyennyu, ak komurwon tuguukyuk che tiliileen: ma ibesyo che tiliileen ak che ma tiliileen, ama ineet piik koguiyo tuguuk che ma ianyinyotin ak che ianyinyotin, ak ki kotuch konyekwak si ma keer sabatosyekyuk, ak ki king'wanita eng' kwenunnywa.

EZEKIEL 7:26

Nyoonei pichiindo kosubu pichiindo, ak pwoonei ng'aleegap piik koosup ng'aleegap piik; ak kocheeng' ng'ang'utyetap maotyot; ago petei ng'atuutyet eng' tisiindet, ak kobet kirwooget eng' poisyek.

HOSEA 4:6

Ki keng'em piikyuk amu ma tinyei naet; amu ki ieesye naet, aesyoin agane si ma iegu tisiindet eng' anee. Ak amu ki iutye ng'atuutigap Kamuktaindeng'ung', autye agane lagoguk.

ATEPTAP LAWIK 10:11

Oneet piigap Israel ng'atuutik tugul che ki komwachi `Kamuktaindet ne Toroor icheek eng' Musa.”

SEPANIA 3:4

Piik che tangusen ak koberberisyei maotikyik: ki komurwon tisiikyik ole-tiliil, Ki kong'em ng'atuutik.

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

SEKARIA 7:3

ak kong'alaalji tisiigap kootap Kamuktaindet ne Toroor ne po lugoosyek ak maotik, koleenji, “Tos kanyaljo ariir eng' arawet ne po muut, atabaangei, ko uu ye ki ayai eng' kenyisyechu chaang' kot?”

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

KAITOSYEK 27:21

Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

JOHANA 13:20

Amwaiwok, iman, iman, ale, Ineendet ne taachei age tugul ne ayoogu ko kataacha; ak ineendet ne taacha ko kataach kineendet ne ki iyookwo.”

JOHANA 20:21

Koleenji Jeso anyun kogeny, “Ingotep kaalyeet eng' okweek: ko uu ye ki iyookwo Kwanda, ayooktook ak okweek ko uu nooto.”

POISYONIGAP CHE KIYOKTOI 16:17

Ki isubot Paulo kebendi tugul, ak komwaei eng' kutit ne oo koleen, “Pichu ko otwogigap Kamuktaindet Ne Toroor Miising', che mwaiwok ooreetap yetunet.”

2 KORINTOEK 5:20

Nooto anyun kitononjinik agobo Kristo, ko uu ye igoigook Kamuktaindet eng' acheek; kigoigook agobo Kristo, keele otuiyegei ak Kamuktaindet.

GALATYEK 4:14

ak ki ma osas yoomseet ne ki otinye agobo poortanyu, ama oeesye; ago ki otaacha ko uu malaikaiyatap Kamuktaindet, ko uu Kristo Jeso.

NG'ATUTIK 21:5

Yeityo koriikta yooto tisiik weeriigap Lawi. Amu chooto che ki lewen Kamuktaindet ne Toroor Kamuktaindeng'ung' koboisyechi ak koberuuris eng' kainetap Kamuktaindet ne Toroor ak tebyei ko uu ng'olyoonnywa kiit age tugul ne kagimoitos ak pireet age tugul.

NG'ATUTIK 24:8

“Riipkei eng' koroitap mogondosaik, riip komyee eng' kagiiletapkei ak iyai ko uu tugul che ineetin tisiik Lawiik. Ko uu ye ki ang'at icheek, oriip anyun si oyai ko uu nooto.

1 THESSALONIKEK 4:8

Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

1 SAMUEL 2:17

Ki oo miising' tengektap murenjooto eng' taitap Kamuktaindet ne Toroor, amu ki it kagoochinoigap Kamuktaindet ne Toroor ko tugun che ma kiy.