MALAKI 2:17 - BUKUIT NE TILIIL Sireet ne Dutero Kanon

¹⁷ Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

Bukuit Ne Tilil

¹⁷ Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

BUKUIT NE TILIL

¹⁷ Kooiim Jehovah eng’ ng’alekwok. Ago omwae ole, Kigiime nee? Amu omwae ole, Mie age tugul eng’ taitab Jehovah ne yaei yaitiet ak koboiboitune bichoto: anan mi ano Kamuktaindet ne bo kiruoget?

MALAKI 2:17 Referencias Cruzadas

Kitabuutap JOB 34:17

Tos imuuchi kobounis ineendet ne wechei imanda? Ak tos igikyini inyee ineendet ne po iman ak ko kiim?

Kitabuutap JOB 34:36

Kata myee ketyem Job agoi let, amu kergei waluunennyi ak ne po piik che yaacheen.

Kitabuutap JOB 36:17

Ago kagonyiin kirwoogutigap chii ne ya; Namin kirwooget ak imanda.

Kitabuutap JOB 9:24

Ki kinde ng'wonyuni eunegap kiptengeginik; tuchei togoochigap kirwoogikyik. Ngot koma ineendet, ko ng'oo anyun?

AMDOINDET 8:11

Amu ma sip kirwookyin poisyet ne ya, konyooru anyun mugulelwegap piik mageet koyai yaityet.

ISAIAH 1:14

Wechei saboondanyu arawekwok che kaleel ak igoorwekwok che ki king'at. Inyalila tuguuchooto; kaang'et eng' laetap tuguuchooto.

ISAIAH 29:15

Pwo eng' icheek che cheeng'ei miising' koung'e Kamuktaindet ne Toroor kirwoogennywa, ak mi poisyonikwak mesundeito, ak mwaei koleen, “Ng'oo ne keerech? Ng'oo ne ingenech?”

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 43:22

Ago ma iguura, ee Jakobo; ago ki ing'eet agobo anee, ee Israel.

ISAIAH 43:24

Ma ialunena fedha tuguuk che uu mutweek che nyamdut, ama igoono abiyo eng' mwanigap tiseiyweguk: ago ki imena tengekwogiguk, ki igoono ang'et agobo yaitwogiguk.

ISAIAH 7:13

Ak ki mwa Isaiah kole, “Ogas anyun, ee kootap Daudi! Tos kiit ne ming'in eng' okweek ogoochi piik kong'etyo, kot ogoochi Kamuktaindennyu kong'et agine?

JEREMIA 12:1

Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 17:15

Keero, mwaiwo icheek koleenjino, “Mi ano ng'olyootap Kamuktaindet ne Toroor? Ingonyo nguno!”

JEREMIA 44:22

kot ko mata komuuch Kamuktaindet ne Toroor komuita, amu yaityetap poisyonikwok, ak amu tuguuk che kiwechei che ki oyai? Ki ek anyun emeng'wong' ne kuberot, ak ne kikwong'ee, ak ne kisasei, ama menyei chii, ko uu ye uu rani.

EZEKIEL 16:43

Amu ma ibwaat peetuusyegap ming'inateng'ung', ago ki itacha eng' tuguuchuuto tugul; ko uu nooto, kaaweegu poisyoniguk kotebee paragung'ung', mwaei Kiptaiyat Kamuktaindet ne Toroor. Tos ma iyai yaityoni itesyi tuguuguk tugul che kiwechei?

EZEKIEL 18:25

Ago omwae ole, Ma po iman ooreetap Kamuktaindet ne Toroor. Ogas anyuno, kootap Israel: tos ma po iman ooreennyu? Tos ma ortinwekwok che ma po iman?

EZEKIEL 8:12

Ki leenjo anyun ineendet, Ee weeriitap chii, tos kaigeer kiit ne yaei poisyegap kootap Israel, eng' ole imen, komi chii age tugul kooriikyik che po oriit che po kanamonik? Amu leen icheek, Mageerech Kamuktaindet ne Toroor; ki kometo Kamuktaindet ne Toroor emoni.

EZEKIEL 9:9

Koleenjo anyun, Oo kot tengektap kootap Israel ak ne po Judah, kanyi emoni korotiik, ak kanyi nganasani kamaaset ne po kirwoogutik: amu mwaei kole ki kometo Kamuktaindet ne Toroor emoni, ama keerei Kamuktaindet ne Toroor.

AMOS 2:13

Ogeero, agiichok eng' ole omi, ko uu ye chiilsei chepkichutit ne nyiitaat ratuutigap peek.

SEPANIA 1:12

Ak asyaach Jerusalem eng' peetuusyechooto akweng'ate; ak abir piik che ki kotepto kimnateennywa ko uu divaik che mi ak misigiikyik, che mwaei eng' mugulelwekwak kole ma yaei Kamuktaindet ne Toroor ne myee, ama yaei yaityet.

MALAKI 2:14

Ago oteebe ole, “Amu nee si ma kotaachei?” Amu kogoek Kamuktaindet ne Toroor paoryat eng' kwenung'wong', inyee ak osotyotap ming'inateng'ung' ne ki iberber, nganda ineendet ko chamaneng'ung' ak ko osotyotap kayomisutyeng'ung'.

MALAKI 3:8

Tos chorei chii Kamuktaindet? Ago ochoora. Ago oteebe ole, “Ki kichoorten ano?” Ki ochor kebeberwegap taman ak kagoochinoik.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.