MALAKI 1:2 - BUKUIT NE TILIIL Sireet ne Dutero Kanon

² Ki achamak, mwaei Kamuktaindet ne Toroor. Ago omwae ole, “Ki ichamenech nee?” Komwa Kamuktaindet ne Toroor kole: Tos ki ma ko ng'eetap kametap `Jakobo Esau? Nga uu nooto ko ki acham Jakobo;

Bukuit Ne Tilil

² Ki achamak, mwaei Kamuktaindet ne Toroor. Ago omwae ole, “Ki ichamenech nee?” Komwa Kamuktaindet ne Toroor kole: Tos ki ma ko ng'eetap kametap `Jakobo Esau? Nga uu nooto ko ki acham Jakobo;

BUKUIT NE TILIL

² Kiachamak, mwaei Jehovah. Ago omwae ole, Kiichamenech nee? Tos kima ko ng’etab kametab Jakobo Esau? Mwaei Jehovah: ago kiacham Jakobo;

MALAKI 1:2 Referencias Cruzadas

TAUNET 25:23

Ak ki leenji Kamuktaindet ne Toroor, “Miitei moeng'ung' pororyosyek aeng'u, ak tuun pcheegei pororyosyek chu aeng'u punu moeng'ung'; kimitu pororyet age kosiir age; ak koot ne oo ne ming'in.”

TAUNET 25:25

Ki indoi ne oo, ak kibiriir. Ki sabul poorto tugul ko uu sambut ak kiguure kainennyi Esau.

TAUNET 25:26

Kingo pata nooto kesich ng'eetap kamet ne kinamonu kwaryatap Esau; ki kiguure kainennyi Jakobo. Ki po Isak kenyiisyek tamanwogik lo ye kingo sichei kwondonyi lagochooto.

TAUNET 27:33

Ki potan Isak miising' kot, ak kole, “Ka ng'oo anyun ne kawo logeet ak koibwa, ak kaam kotomo iitu, ak kaaberuur ineendet? Ee, ak koberuurot ineendet.”

TAUNET 48:4

ak ki leenjo, ‘Keero, agoonin iyoteet, ak abarain, ak ayain iegu pororyosyek che chaang'. Ak tuun agoochini emoni iyoteet ne piitu let eng' inyee, koek nenywa koigeny.’

1 LAITORINIK 10:9

Iberuurot Kamuktaindet ne Toroor Kamuktaindeng'ung', ne ki paibait eng' inyee ak kondein ng'echereetap laitornatetap Israel. Amu ki cham `Kamuktaindet ne Toroor Israel koigeny, koyain anyun iegu laitoryat, si iyai kirwooget ak imanda.”

2 LAITORINIK 3:8

Ak ki le, “Ki togostoe ooreet ne punei ano?” Ak ki wol kole, “Ki togostoe ooreetap surkwen ne po Edom.”

ISAIAH 43:4

Amu koiegu eng' anee ne achame miising', ak ne kigonyiti, ak ki achamin; agoitoi anyun piik agobo inyee, ak agoite piik agobo sabeeng'ung'.

ISAIAH 63:1

Ng'oo ne punu Edom, ne tinyei ngoroik che ki kisal kobiriritu, eng' Bosra: ne tinyei ngoroik che po toroornatet, kowendi eng' ooindap kimnateennyi? Aneendet ne ang'alaali eng' imanda, ne atinye kamuget asar.

JEREMIA 2:31

Ee ibini, ogas ng'olyootap Kamuktaindet ne Toroor! Tos ki aegu emetap melewet ne oo eng' Israel? Amu nee anyun si komwa piikyuk kole, “Ki kityaachech, ma kebwane kogeny ole imi?”

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

JEREMIA 31:3

Kimong'jo Kamuktaindet ne Toroor koloo, koleenjo, Ee, ki achamin eng' chamyet ne po koigeny; ak ki atestai achamin eng' konyit.

AMOS 1:11

Mwaei Kamuktaindet ne Toroor kole: Ma aweechi pireet ne abire Edom, amu pistaosyekyik somok, ee agot ang'wan; amu ki onee tupchennyi rotwetap chok, ak ki isto rireenetapkei tugul. Ki nereechi miising' kotugul, ak kigonor nereegekyik koigeny.

MALAKI 2:17

Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

LUKA 10:29

Ago ye kimachei komyeeitkei, koleenji Jeso, “Ng'oo chiitap kokwennyu?”

JOHANA 15:12

Ng'atuutyennyu ni, ale ochamye, ko uu ye ki achamak.

NG'ATUTIK 10:15

Ago ki paibait Kamuktaindet ne Toroor eng' kwanisyeguk ki cham icheek ak kolewen iyotennywa ne piitu let, ne chooto ko okweek eng' piik tugul, ko uu rani.

NG'ATUTIK 23:5

Nga ki yai ko uu nooto ko ki ma kasyi `Kamuktaindet ne Toroor Kamuktaindeng'ung' Balaam, ago ki iweech `Kamuktaindet ne Toroor Kamuktaindeng'ung' chubisyet koek kaberuret, amu ki chamin `Kamuktaindet ne Toroor Kamuktaindeng'ung'.

NG'ATUTIK 33:3

Ee, ichame pororyosyeguk; mi eung'ung' piikyik tugul che tiliileen. Ing'uruukyin ole po keelyeguk, ak taachei age tugul eng' ng'aleeguk.

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.