MALAKI 1:14 - BUKUIT NE TILIIL Sireet ne Dutero Kanon

¹⁴ Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

Bukuit Ne Tilil

¹⁴ Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

BUKUIT NE TILIL

¹⁴ Ago chubot kaberberindet, ne tinyei mengit eng’ akwennyi, ak koarorto, yeityo koeng’ji Kiptaiyat kit ne tinyei berutiet: amu a laitoriat ne o, mwaei Jehovah ne bo lugosiek, ak kiywei kainennyu eng’ Bororiosiek.

MALAKI 1:14 Referencias Cruzadas

TAUNET 27:12

Abeere imuuchi kosapsaba abba, ak aegu kaberberindet eng' ineendet ak aipchigei ng'oogisto ama perurto.”

2 SAMUEL 24:24

Ago ki leenji `laitoryat Arauna, “Achicha, aalenen iman eng' alyet. Ma koochini Kamuktaindet ne Toroor Kamuktaindennyu kagoochinoik che kibeelei che ma agoite kiy.” Ki al anyun Daudi rwanyunooto kiboorsee kobooto tuuga eng' shekelisyek konom che po fedha.

TIENWOGIKAL 102:16

Teechei `Kamuktaindet ne Toroor Zion, taagu inee eng' toroornatennyi.

TIENWOGIKAL 47:2

Amu po kwong'et Kamuktaindet ne Toroor, Inee Ne Toroor Miising'; Ineendet ko Laitoryat ne oo ne pou ng'wony komugul.

TIENWOGIKAL 47:3

Iterteerwech `ineendet piik si kebou, Ak koterteerwech pororyosyek eng' keelyekyok.

TIENWOGIKAL 47:8

Pou `Kamuktaindet pororyosyek; tebee Kamuktaindet ng'echerennyi ne tiliil ne po laitornatet.

TIENWOGIKAL 48:2

Mi tulweetap Zion ole karaaran ak ole tagunoot niito poiboindap ng'wony komugul, tokyingei murot kaataam, nganaseetap Laitoryat ne oo.

TIENWOGIKAL 68:35

Ee Kamuktaindet, kiywein eng' oldinweguk che tiliileen: Kamuktaindetap Israel, ne igoochin piikyik kimnateet ak kamuktaet. Iberuurot Kamuktaindet.

TIENWOGIKAL 76:12

Tilei ineendet saboonwegap pounik: Imui ineendet laitorinigap ng'wony.

TIENWOGIKAL 95:3

Amu Kamuktaindet ne oo Kamuktaindet ne Toroor, Ineendet laitoryat ne oo ne siirei kamuktaik tugul.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 46:18

Mwaei Laitoryat ne kainennyi ko Kamuktaindet ne Toroor ne po lugoosyek, kole, Ko uu ye asabe, nyoonei iman ineendet ko uu Tabor eng' tuloonook, ak ko uu Karmel eng' ole neegitee nyanjet.

JEREMIA 48:10

Chuboot ineendet ne machuuljingei poisyetap Kamuktaindet ne Toroor, ak chuboot ineendet ne etee rotwennyi po chok korotiik.

JEREMIA 48:15

Kigong'emak Moab, ki kotogosta icheek nganasookyik, kigoba parisyet murenikyik che ki kilewen, mwaei Laitoryat, ne kainennyi ko Kamuktaindet ne Toroor ne po lugoosyek.

SEPANIA 2:11

Egu Kamuktaindet ne Toroor kamuiset eng' icheek; amu iteenyi `ineendet kamuktaik tugul che po ng'wony, ak kolas piik tugul ineendet, ilasu chii age tugul eng' oldanyi, kobooto ngeguusyek tugul che po pororyosyek.

SEKARIA 14:9

Ak koek Kamuktaindet ne Toroor laitoryatap ng'wony komugul: egu agenge Kamuktaindet ne Toroor eng' peetuunooto, ak koek agenge kainennyi.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MALAKI 1:8

Ye ogoitoi che koryotiin koek tiseiywek, ko tos ma yaityet nooto? Ak ye ogoitoi che ing'waldos ak che myandos, ko tos ma yaityet nooto? Ye igoochi anyun nooto pounindeng'ung' ko tos paibaitunenen? Anan tos taachin ye keerin? Mwaei Kamuktaindet ne Toroor ne po lugoosyek.

MALAKI 2:1

Ee okweek tisiik, neng'wong' ng'atuutyoni.

MALAKI 3:9

Kichubok eng' chubeet, amu ochoora, agot pororyoni komugul.

MATAYO 24:51

ak kobir miising' ak kogoochi kebebertanyi kobooto chombilik, egu eng' olooto riirek ak nyeetap kelek.

MATAYO 5:35

anan agobo ng'wony, amu keldebesaigap keelyekyik; anan agobo Jerusalem, amu nganaseetap Laitoryat ne oo.

MARIKO 14:8

Kagoyai ne imuuchi: kasip koiil poortanyu amait ketupo.

LUKA 12:46

weeksei anyun kiptaiyat ne po otwogindonooto eng' peetuut ne kama koogeni, ak eng' sait ne ma naei, ak kobir miising', ak kopchechi kebebertanyi kobooto che ma tinyei kayaneet.

2 KORINTOEK 8:12

Amu ngo choboot kabwaatetap chii, ko taachaksei ko uu ye tinyei chii, ma ko uu ye ma tinyei.

NG'ATUTIK 28:58

“Ngo meriip iyai ng'aleek tugul che po ng'atuutyoni che ki kisirchi kitabuuni, si kobiit igonyit kainani po teegisto, kainet ne kiywei Kamuktaindet ne Toroor Kamuktaindeng'ung';

1 TIMOTEO 6:15

ne tuun iboortoi eng' peetuusyekyik, ne ineendet ne iberuurot ak ko Kamuktaindet ineegei, Laitoryat ne po laitorinik, ak Kiptaiyat ne po kiptainik;

HEBRANIK 12:29

amu Kamuktaindet nenyo ko maat ne igeesu.

NG'ANG'UTYET 15:4

Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”