MALAKI 1:10 - BUKUIT NE TILIIL Sireet ne Dutero Kanon

¹⁰ Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

Bukuit Ne Tilil

¹⁰ Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

BUKUIT NE TILIL

¹⁰ Kata kaigai nda kami chi eng’ okwek ne kerei kurgotik, si molaal mat eng’ kaptisisiennyu buch! Maabaibai eng’ okwek, agot kitigin, mwaei Jehovah ne bo lugosiek, amataache kagochinet ne bunu eunekwok.

MALAKI 1:10 Referencias Cruzadas

2 LAITORINIK 12:6

Ago kingo itei kenyiitap tiptem ak somok ne po Laitoryat Jehoas, ko ki tomo koteech tisiik ole kiga kobutok eng' koot.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

JEREMIA 14:10

Mwachin Kamuktaindet ne Toroor pichu kole; “Ki cham ko uu nooto koombenso; tomo koisto keelyekwak. Mataachei anyun anee icheek amu nooto. Ago abwaati aneendet tengektonywa, ak aityin pireet amu tengekwogikwak.”

JEREMIA 14:12

Agot ye irugutkei icheek, koma kase riirekwak, ak ye igoito kagoochinet ne kibeelei, kobooto kagoochinetap peek che ng'ootiin, ko mataache. Ago ageesu icheek eng' rotwetap chok, rubeet ak koroito.”

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 6:20

Tilei nee che nyamdut ngeibwa eng' Sheba, anan ko tuguuk che uu mutweek che nyamdut che ki ibune emet ne loo? Ma taachaksei kagoochinoikwok che po peelset, amachame tiseiywekwok.

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

HOSEA 5:6

Pendi icheek kobooto akwotisyekwak che po keechiirek ak che po tuuga kocheeng'ei Kamuktaindet ne Toroor; ago ma nyooru ineendet, kigoistoegei `ineendet icheek.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MALAKI 1:13

Omwae kogeny ole, Ogeero, kaimetapkei ne tya! Ak ogututae seruunek, mwaei Kamuktaindet ne Toroor ne po lugoosyek. Ki oibu che ki koam tyondo, che ing'waldos ak che myandos; oibu chooto koek tiseiywek. Tos ataach chuuto kobun eunekwok? Mwaei Kamuktaindet ne Toroor.

MALAKI 2:12

Igeesu Kamuktaindet ne Toroor chiito ne yachin ineendet kiito, ineendet ne kosu ak ineendet ne wolu. Ki istoe icheek emaisyegap Jakobo, kobooto ineendet ne igoitoi kagoochinet, kogoochin Kamuktaindet ne Toroor ne po lugoosyek.

MALAKI 2:13

Ak ni kiit age ne oyae kogeny, otumjini peegap kong' kaptisisyetap Kamuktaindet ne Toroor, eng' riirek ak kateeiyet, kot koma koiti kogeny kagoochinet, ama kotaachei eng' chamyet che ogoochini eng' eunekwok.

JOHANA 10:12

Ago ineendet ne otwogin, ne ma mestowot, ne ma chiitap ko po keechiirek, kogeerei konyonei suiyot, ak kobagaakta keechiirek, ak komwei, ak konam anyun suiyot icheek, ak koiyesta.

1 KORINTOEK 9:13

Tos mongen ole icheeget che poisyei agobo tuguuk che tiliileen koamei tuguuk che po Hekaluut, ak icheeget che riibei kaptisisyet kotinyei kebebertanywa kobooto kaptisisyet?

PILIPIK 2:21

Amu cheeng'ei icheek tugul chechwaak, ma tuguuk che po Jeso Kristo.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;