LUKA 9:51 - BUKUIT NE TILIIL Sireet ne Dutero Kanon

⁵¹ Ak ye ki neegit miising' koit peetuusyek che kitaage ineendet eng' parak, ko ki iljigei kotokyi togeennyi Jerusalem;

Bukuit Ne Tilil

⁵¹ Ak ye ki neegit miising' koit peetuusyek che kitaage ineendet eng' parak, ko ki iljigei kotokyi togeennyi Jerusalem;

BUKUIT NE TILIL

⁵¹ Ak ye ki negit mising’ koit betusiek che kitaage inendet eng’ barak, kogiiljigei kotokyi togennyi Jerusalem;

LUKA 9:51 Referencias Cruzadas

2 LAITORINIK 2:11

Ye kita kobendi anyun, kong'alaaloti, ko ki piit chepkichutit ne po maat ak paraisisyek che po maat, che ki ibesyo icheek tuwai; ak ki wo Elijah kipsengwet eng' kipchurchuryet.

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

LUKA 12:50

Ago atinye kabatisanet ne tatun kibatisanena; kamarigitya ne tya agoi kosulda!

LUKA 13:22

Ak kibunoot nganasook che eecheen ak che mengech, koneetisyoti, kobunei ooreet ne wendi Jerusalem.

LUKA 17:11

Ak ye ki mi ooreet kowendi Jerusalem, kobun kwenutap Samaria ak Galilaya.

LUKA 18:31

Ak ki imut taman ak aeng' kobwa ole mi, ak koleenji, “Ogeero, kitogostoi Jerusalem, ak kosulda tuguuk tugul che kisir maotik agobo Weeriitap chii.

LUKA 19:11

Ak ye kingo ta kogasei icheek tuguuchu, kotes komwa kalewenet, amu ki neegit Jerusalem, ak ki ibwaati icheeget koleen taagu laitornatetap Kamuktaindet sainooto.

LUKA 19:28

Ak ye kiga komwa ko uu nooto, kwo kondo, kotogostoi Jerusalem.

LUKA 24:51

Ak kingo ta koberuuri icheek, kobesyegei anyun, ak ki kimut kwo kipsengwet.

LUKA 9:57

Ak kingo ta kobendi eng' ooreet, koleenji chiito age, Asubun eng' oldo tugul ole iwendi.

JOHANA 13:1

Ak ye kingo tomo koit igoortap paska, konai Jeso kole kagoit sainnyi ne wendi eng' ng'wony kwo ole mi Kwanda, ko kagocham chechiik che mi ng'wony, kocham anyun agoi peetuutap let.

JOHANA 16:28

Ki abunu Kwanda, anyoonji ng'wony: abagaaktoi ng'wony kogeny, ak agetitegei ole mi Kwanda.”

JOHANA 16:5

Ago kawe nguno ole mi ineendet ne ki iyookwo; ama mi age eng' okweek ne teebena kole, ‘Iwendi ano?’

JOHANA 17:11

Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek.

JOHANA 6:62

Teptoi ano anyun ngot ko tuun ogeer Weeriitap chii kotogostoi ole ki mi atkinye?

POISYONIGAP CHE KIYOKTOI 1:2

Ki atet anyun chooto tugul agoi peetuut ne ki kimuti kwo parak, ye kingo kagong'at `inee eng' Kabuuset ne Tiliil che kiyooktoi, chooto kiga kolewen.

POISYONIGAP CHE KIYOKTOI 1:9

Ye kingo kagomwa tuguuchuuto, kimut ineendet kwo parak kogeerei icheek, ak kitaach pooldet ineendet ak kobetito eng' tainnywa.

EPESOEK 1:20

ne ki yai eng' Kristo, ye kingo ng'eet ineendet komong' eng' che ki pek, ak konde ineendet kotebee eunnyi ne po tai eng' komoswegap kipsengwet;

PILIPIK 3:14

Agiiljinigei tai, ait ole pooch melekto ne po kuuretap parak ne po Kamuktaindet eng' Kristo Jeso.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 6:20

ole kichut Jeso agobo acheek, koek kandoindet, ko kagoek tisiindet ne oo koigeny, ko uu kiit ne ki uu Melkisedek.

1 PETERO 3:22

ne kikwa kipsengwet ak komi eutap tai ne po Kamuktaindet; ak ki kiyai malaikaisyek ak pounatosyek ak kimnatosyek kogas iit ineendet.