LUKA 6:23 - BUKUIT NE TILIIL Sireet ne Dutero Kanon

²³ Oboiboitu eng' peetuunooto ak otorombense eng' poiboiyet, amu, ogeero, oo melektang'wong' eng' kipsengwet; amu ki yachi `kwanisyekwak maotik ko uu nooto.

Bukuit Ne Tilil

²³ Oboiboitu eng' peetuunooto ak otorombense eng' poiboiyet, amu, ogeero, oo melektang'wong' eng' kipsengwet; amu ki yachi `kwanisyekwak maotik ko uu nooto.

BUKUIT NE TILIL

²³ Oboiboitu eng’ betunoto, ak otorombense eng’ boiboindo: amu, ogeero, o melektang’wong’ eng’ kipsengwet: amu kiyachi kwanisiekwak maotik ko u noto.

LUKA 6:23 Referencias Cruzadas

2 SAMUEL 6:16

Kingo it moingetap Kamuktaindet ne Toroor nganaseetap Daudi, koiit eng' tirisia Mikal cheptap Saulo. Kingo keer `ineendet Laitoryat Daudi kotwoltwoli ak kourereni eng' taitap Kamuktaindet ne Toroor, kosas ineendet eng' muguleldanyi.

1 LAITORINIK 18:4

Ye kiga par Jesebel maotigap Kamuktaindet ne Toroor, komut Obadiah maotik pogol, ak kouny kobeate konom eng' kebeneet, ak kobae icheek magatiinik ak peek.)

1 LAITORINIK 19:10

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindetap lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee, aneege; ak nguno ko cheeng'ei icheek saboondanyu kobar.”

1 LAITORINIK 19:14

Ki le ineendet, “Ki koama ng'etkong' miising' agobo Kamuktaindet ne Toroor, Kamuktaindet ne Toroor ne po lugoosyek, amu ki kobagakta piigap Israel kayomiseng'ung', kobut kaptisisyosyeguk ak kobar maotiguk eng' rotwetap chok. Ki ang'etu anee aneege, ak nguno ko cheeng'ei icheek saboondanyu kobar.”

1 LAITORINIK 19:2

Koyookto anyun `Jesebel chiito kwo ole mi Elijah, koleenji, “Ingoyaiywo kanamonik ko uu nooto, ak kotes koosir, ngot koma yai saboondang'ung' koigei saboondap age eng' icheek mutai ko neegit saini.”

1 LAITORINIK 21:20

Ki leenji `Ahab Elijah, “Kainyoorwo, punyondennyu?” Ki wol kole, “Ee, kaanyoorun! Amu kaialdegei iyai yaityet eng' taitap Kamuktaindet ne Toroor.

1 LAITORINIK 22:27

ak koleenji, “ ‘Kamwa laitoryat ko uu ni, kole: Onde chiichi korgoreet, obae ineendet amitwogigap nyalilda ak peegap nyalilda agoi aweigei eng' kaalyeet.’ ”

1 LAITORINIK 22:8

Ki leenji laitoryatap Israel Jehoshaphat, “Ta komi chiito agenge ne kimuuchi keteepse eng' Kamuktaindet ne Toroor, Mikaia weeriitap Imla. Ago aweche ineendet, amu ma maoteni tuguuk che myachen agobo anee, kobatee yaityet.” Ak ki le Jehoshaphat, “Amat komwa laitoryat ko uu no.”

2 LAITORINIK 6:31

Yeityo komwa kole, “Ingoyaiywo Kamuktaindet ko uu nooto ak kotes koosir, ngot kotebi metitap Elisha weeriitap Sapat rani!”

2 ATEPTAP PEETUUSYEK 36:16

Ago ki reeny pichooto ki iyooktoi Kamuktaindet, ak ki sas ng'aleekyik, kogengenie maotikyik, agoi konereekyi `Kamuktaindet ne Toroor piikyik, kot koma komi kiit ne kinyae.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

TIENWOGIKAL 58:11

Si komwa piik kole, “Miitei iman melekto ne po chiito ne po imanda; mi iman Kamuktaindet ne irwoochi eng' ng'wony.”

ISAIAH 35:6

Yeityo kotoromben chiito ne ing'wali ko uu cheptirgichet, ak kotyen ng'elyeptap ne namaat kuut. Amu kuutu peek eng' surkwen, ak kobiit kereruusyek eng' surkwen.

JEREMIA 2:30

Ki abir lagokwok puch, ma cham icheeget katigonet. Kigobar rotweng'ung' po chok maotikwok, ko uu ng'etundo ne ng'emisyei.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 5:12

Oboiboitu ak ogaaskei miising', amu oo melektang'wong' eng' kipsengwet; amu ki kiusaus ko uu nooto maotik che ki indounenok.

LUKA 1:41

Ak ye kingo kas Elizabeth kagateetap Maria, kotoromben lakweet eng' moennyi; ki nyi anyun `Kabuuset ne Tiliil Elizabeth;

LUKA 1:44

Keero, ye ka ngo it iitiikyuk kutitap kagateng'ung', kotoromben lakweet eng' moennyu eng' poiboiyet.

LUKA 6:35

Ago ocham puunikwok, ak oyai ne myee, ak obesende, amongen onyooru kogeny; si koeet melektang'wong', ak oegu weeriitap Ineendet Ne Toroor Miising'; amu tala ineendet eng' icheeget che ma tinyei kongoi ak che yaacheen.

POISYONIGAP CHE KIYOKTOI 14:10

komwa eng' kutit ne oo kole, “Tonon komyee eng' keelyeguk.” Ak kitoromben ak kowendot.

POISYONIGAP CHE KIYOKTOI 3:8

Ki ng'eet kochokyi, ak kotonon, ak kotoi kowendot; ak ki pa hekaluut oriit kobooto icheeget kowendoti, kotorombenoti, ak kolosu Kamuktaindet.

POISYONIGAP CHE KIYOKTOI 5:41

Koba anyun eng' taitap kapkirwook koboiboi amu kagiit keele nyoljin konyoor kateweerisyet agobo Kainanooto.

ROMANIK 5:3

Ak ma uu nooto kityo, ago ongeboiboitu eng' nyalilwogikyok: kingen keele ibu nyalilda muitaet;

2 KORINTOEK 12:10

Nooto anyun, abaibai eng' nyalulnatosyek, eng' ng'waninwek, eng' kagiigosyek, eng' usiisyosyek, eng' tiritinwek agobo Kristo; amu ye aa nyalulat, ko yooto anyun ye aa kiim.

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

2 TIMOTEO 2:12

ngemuite, ko tuun ki pou kobooto ineendet: ngot keeesye ineendet, ko tuun eesyoech agine:

HEBRANIK 11:26

koiit teweernateet ne kiteweeri Kristo kole mogornatosyek che eecheen kosiir konoraik che po Misiri: amu ki igeni melekto.

HEBRANIK 11:6

ak ngo ma mi kayaneet koma imugaksei kibaibai ineendet: amu ineendet ne riikyin Kamuktaindet konyaaljin koyan kole mi ineendet, ak kole igoochin melekto icheeget che cheeng'ei ineendet.

JAKOBO 1:2

Tupchosyekyuk, oiit ole poiboiyet kityo ye konyooru yoomsosyek che teerchiin;

1 PETERO 4:13

ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.

NG'ANG'UTYET 2:26

“Ak ineendet ne iterteeri, ak koriibei poisyonikyuk agoi kagesunet, kotun agoochini kimnateet koboi pororyosyek:

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

NG'ANG'UTYET 3:12

“Ineendet ne iterteeri, ayae koek toloita eng' Hekaluut ne po Kamuktaindet nenyu, ama komandoi saang' kogeny. Asirchini ineendet kainetap Kamuktaindet nenyu, ak kainetap nganaseetap Kamuktaindet nenyu, nooto Jerusalem ne leel, ne choorugei eng' kipsengwet kobunu Kamuktaindet nenyu, ak kainennyu ne leel.

NG'ANG'UTYET 3:5

“Ineendet ne iterteeri kotun kilaakyin ko uu nooto ngoroik che leelach; ak ma koi abuch kainennyi eng' bukuitap saboondo, ago ang'aanye kainennyi eng' taitap Abba ak eng' taitap malaikaisyekyik.