LUKA 6:21 - BUKUIT NE TILIIL Sireet ne Dutero Kanon

²¹ Oboiboi okweek che amok rubeet nguno, amu tuun obiyong'dosi. Oboiboi okweek che orirtosi nguno, amu tuun ororitosi.

Bukuit Ne Tilil

²¹ Oboiboi okweek che amok rubeet nguno, amu tuun obiyong'dosi. Oboiboi okweek che orirtosi nguno, amu tuun ororitosi.

BUKUIT NE TILIL

²¹ O boiboen okwek che amok rubet nguno: amu tun obiyong’dosi. O boiboen okwek che orirtosi nguno: amu tun ororitosi.

LUKA 6:21 Referencias Cruzadas

TAUNET 17:17

Ki ibut kogutuny anyun Abraham, ak korori eng' muguleldanyi ak koteebegei kole, “Tos kisikyi lakwa chii ne tinyei kenyiisyek pogol? Ak tos ta kosich lakwa Sarah agine ne tinyei kenyiisyek tamanwogik sogool?”

TAUNET 21:6

Ki le Sarah, “Kagoono Kamuktaindet aroori; ak age tugul ne kasei ng'olyoondoni kororyei kobooto.”

TIENWOGIKAL 107:9

Amu igoochin kobiyo saboondo ne tinyei emosto, ak inyiityin myeeindo saboondo ne amei rubeet.

TIENWOGIKAL 119:136

Isururunee peek che chaang' konyekyuk, amu ma isubi icheek ng'atuutyeng'ung'.

TIENWOGIKAL 143:6

Atokyinin eunekyuk; amei melelda saboondanyu agobo inyee ko uu emet ne yaamaat.

TIENWOGIKAL 17:15

Ago ageere anee togeng'ung' eng' imanda; abiyonyi itoondong'ung' ye ang'eete.

TIENWOGIKAL 28:7

Kamuktaindet ne Toroor ko kimnateennyu ak long'ennyu; imang'u muguleldanyu ineendet. Kigetoreta ak igasegei muguleldanyu miising'; alasu ineendet eng' tyendanyu.

TIENWOGIKAL 65:4

Paibai miising' chiito ne ileweni, ak imuti koriikyin, Si kobiit komeny seremusyeguk: Ak kebiye myeeindap koong'ung', Ole tiliil eng' hekalung'ung'.

ISAIAH 25:6

Eng' tulwooni ko tuun yachin Kamuktaindet ne Toroor ne po lugoosyek pororyosyek tugul, igoorto ne po tuguuk che akwaen ak divaik che ki kotebi keny, ne po tuguuk che akwaen che nyiitootiin mwanik, ne po divaik che korooron.

ISAIAH 30:19

Amu menyei `piik Zion eng' Jerusalem, ma iriiree kogeny. Iboorun iman myeeindo ye kas riireguk; ye kas kowolun.

ISAIAH 66:10

Oboiboitu okweek kobooto Jerusalem, ogaaskei kobooto ineendet, okweek tugul che ochame ineendet: oboiboitu eng' poiboiyet kobooto ineendet, okweek tugul che oriirchini:

JEREMIA 13:17

Ago ngot ko mogas ng'olyoondoniito, koriirei saboondanyu eng' ung'oot agobo menateng'wong', ak ariir miising', kot koba peegap kong', amu kageluul keechiiregap Kamuktaindet ne Toroor.

JEREMIA 31:25

Amu kaabai kobiyo saboondo ne ng'etat, ak kaanyiit saboondo age tugul ne arageni.

JEREMIA 31:9

Pwoonei koriiryonu, ak amutune saautik: agoochini kobendat eng' ole neegit ainoosyek, eng' ooreet ne litit eng' ole ma kinachi: amu aa kwanda eng' Israel, ak taaitanyu Ephraim.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

EZEKIEL 7:16

Ago chilildos icheeget che chilildos, ak koigei eng' tuloonook cheptugenigap atebwosyek, riirtos tugul, riirei chii age tugul eng' tengektanyi.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

MATAYO 5:4

Poiboen che aragendos, amu tuun kigoigoi.

MATAYO 5:6

Poiboen che amei rubo ak melelda agobo imanda, amu tuun piyang'dos.

LUKA 1:53

Kagobae che amei rubeet tuguuk che myachen, ak kagoon mogoreek koba puch.

LUKA 6:20

Ak kigeerot kasubikyik, ak kole, “Oboiboi okweek che oo ponoon, amu neng'wong' laitornatetap Kamuktaindet.

LUKA 6:22

“Oboiboi okweek ye wechok piik ak kowook, kochurook ak kong'emenok kainai agobo Weeriitap chii.

LUKA 6:25

Pwo eng' okweek che oo piyong'otin nguno! Amu tatun koamok rubeet. Pwo eng' okweek che ororitosi nguno! Amu tatun oteitosi ak orirtosi.

JOHANA 11:35

Koriir Jeso.

JOHANA 4:10

Kowolji Jeso koleenji, “Nda kengen konunetap Kamuktaindet, ak ineendet ne kalenjin, ‘Inaga peek aee,’ ta kaisoom ineendet, ak ta kagogoonin peegap saboon.”

JOHANA 6:35

Koleenji `Jeso icheek, “Aa magatyat ne po saboon: ineendet ne nyoonjino koma kasei rubeet agoi, ak ineendet ne iyana koma amei melel agoi.

1 KORINTOEK 4:11

Agot sainiito ketinye rubeet ak melelda ak kimi aach ngor ak kiluiluchech, ama ki tinyei ole ki menye;

2 KORINTOEK 11:27

eng' pirtoetapkei ak nyalilda, eng' riipsosyek konyil che chaang', eng' rubeet ak melelda, eng' rugutosyek konyil che chaang', eng' kaititindo ak aach ngorit.

2 KORINTOEK 12:10

Nooto anyun, abaibai eng' nyalulnatosyek, eng' ng'waninwek, eng' kagiigosyek, eng' usiisyosyek, eng' tiritinwek agobo Kristo; amu ye aa nyalulat, ko yooto anyun ye aa kiim.

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

NG'ANG'UTYET 7:16

Ma kogasei rubeet kogeny, ama koamei melelda kogeny. Ma kobirei icheek asiista, ama kobeelei icheek maat age tugul;