LUKA 6:13 - BUKUIT NE TILIIL Sireet ne Dutero Kanon

¹³ Ak ye kingo eech, koguur kasubikyik: ak ki lewen eng' chooto taman ak aeng', che kiguure kainennywa che kiyooktoi;

Bukuit Ne Tilil

¹³ Ak ye kingo eech, koguur kasubikyik: ak ki lewen eng' chooto taman ak aeng', che kiguure kainennywa che kiyooktoi;

BUKUIT NE TILIL

¹³ Ak ye kingoeech, koguur alamalyennyi: ak kilewen eng’ choto taman ak aeng’, che kiguure kainenywa che kiyoktoi;

LUKA 6:13 Referencias Cruzadas

MATAYO 10:2

Chu kainaik che po che kiyooktoi taman ak aeng': ne tai ko Simion ne kiguure Petero, ak Andrea ng'eetap kamet; Jakobo weeriitap Zebedayo, ak Johana ng'eetap kamet;

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 9:36

Ago ye kingo keer tuiyosyek, koriiregei icheek, amu kinyerootiin ak koiyestootin, ko uu keechiirek che ma tinyei mestowot.

MARIKO 6:30

Ki iyumjigei Jeso che kiyooktoi ak komwachi ineendet tuguuk tugul che kiga koyai ak tugul che kiga koneet.

MARIKO 6:7

Ki kuurchigei anyun taman ak aeng', ak kotoi koyookto kobee aeng' aeng', ak ki igoochi icheek kimnateet koterteer tamirmirik che murwonen.

LUKA 11:49

Ki le anyun `utaatyetap Kamuktaindet amu nooto, ‘Tuun ayookyini maotik ak che kiyooktoi; ak kobar alak eng' icheek ak kousaus alak,’

LUKA 22:30

si kobiit oamisye ak koeise mesennyu eng' laitornatennyu, ak tuun otebee ng'echerok che po laitornatet, orwookyini ortinwek taman ak aeng' che po Israel.

LUKA 6:14

Simion, ne kiguure kainennyi ne po aeng' Petero, ak Andrea ng'eetap kamet, ak Jakobo ak Johana, ak Philipu ak Bartolomayo,

JOHANA 4:33

Koleenjigei anyun kasubikyik, “Tos kagoipchi chii kiy ne amei?”

POISYONIGAP CHE KIYOKTOI 1:13

Ye kingo kagoba ko, kolaany koot ne po parak, ole ki tebee agot Petero, Johana, Jakobo ak Andrea, Philipu ak Thomas, Bartolomayo ak Matayo; Jakobo ne po kap Alphayo ak Simion Selote, ak Judas ne po kap Jakobo.

EPESOEK 2:20

Kigeteechak eng' lumdaetap che kiyooktoi ak maotik, Kristo Jeso ineendet ko koita ne oo ne po luuita;

EPESOEK 4:11

Ak ki igoochi alak koek che kiyooktoi: ak alak, maotik; ak alak, che mwaitooti logoiywek che myach; ak alak, mestoweek ak ko kaneetik;

HEBRANIK 3:1

Nooto anyun, che kitupche che tiliileen, yamdoigap kuurseetap kipsengwet, obwaat miising' Kayooktoindet ak Tisiindet ne oo ne po ng'ang'ennyo, ineendet Jeso;

2 PETERO 3:2

si obwaat ng'aleek che ki mwa maotik che tiliileen eng' tai, ak ng'atuutyetap Kiptaiyat ak ko Yetindet eng' piikwok che kiyooktoi:

NG'ANG'UTYET 12:1

Ak ki took kaboorunet ne oo eng' kipsengwet; kwondo ne ki ilaachi asiista, ak komi arawet keluutap keldebesaikyik, ak ki mi metinnyi kuutweetap kecheik taman ak aeng'.

NG'ANG'UTYET 18:20

“Paibaitu eng' ineendet inyee kipsengwet, ak okweek che oo tiliileen, ak okweek che kiyooktoi, ak okweek maotik; amu kagorwookyi `Kamuktaindet ineendet amu okweek.”

NG'ANG'UTYET 21:14

Ak ki tinyei irimeetap nganaseet lumeiywek taman ak aeng', ak ki mi kainaik tamanu ak aeng' che po che kiyooktoi taman ak aeng' che po Aarwet.