LUKA 5:14 - BUKUIT NE TILIIL Sireet ne Dutero Kanon

¹⁴ Ak ki ng'at anyun koleenji, amat imwachi chii. Kileenji, “Ui ak iboorchigei tisiindet, ak igoite che po katiliileng'ung', ko uu ye ki ng'at Musa, koek paornateet eng' icheeget.”

Bukuit Ne Tilil

¹⁴ Ak ki ng'at anyun koleenji, amat imwachi chii. Kileenji, “Ui ak iboorchigei tisiindet, ak igoite che po katiliileng'ung', ko uu ye ki ng'at Musa, koek paornateet eng' icheeget.”

BUKUIT NE TILIL

¹⁴ Ak king’at anyun kolenji, Amat imwachi chi: ago ui ak iborjige tisiindet, ak igoite che bo katilileng’ung’, ko u ye king’at Musa, koek baornatet eng’ icheget.

LUKA 5:14 Referencias Cruzadas

ATEPTAP LAWIK 13:2

“Ngoobwa iriryotap poortap chii, anan ngo piit moet ne kayaam, anan ole ibwanat ne uu ngosyat, ak koek koroito ne po mogondos eng' iriryotap poortanyi, kimut anyun kwo ole mi Aron tisiindet anan ko age eng' weeriikyik che tisiik.

ATEPTAP LAWIK 13:49

ngo machei konyaliil anan ngo machei kobiriir koroyooto eng' ngoryeet, anan eng' magateet, anan eng' usiisyek che ki kitoore anan che ki kimure, anan eng' kiy age tugul ne ki kiyae magateet; niito ko koroito ne po mogondos.

MATAYO 10:18

ak kimutyinok taitap pounik ak laitorinik agobo anee, si koek paornateet eng' icheek ak eng' Pororyosyek.

MATAYO 12:16

ak kong'at kole mat kobarta ineendet

MATAYO 8:4

Ak ki mwachi Jeso koleenji, “Riipkei, memwachi chii, ago ui iboorchigei tisiindet, ak igoite kagoochinet ne ki ng'at Musa, si koek paornateet eng' icheek.”

MATAYO 9:30

Ak ki yaatagis konyekwak. Ak ki kergong' Jeso miising', koleenji, “Oriip among' konai chii.”

MARIKO 1:44

koleenji, “Memwachi chii kiy, ago ui iboorchigei tisiindet ak igoite konunotyotap katiliileng'ung' ko uu ye ki ng'at Musa, si koek paornat eng' icheek.”

MARIKO 6:11

Ak oldo age tugul ne mataachak, ama cham kogasak, ye omande eng' olooto, olelekte temburyek che mi keelyekwok si kobiit koek paornateet eng' icheek.”

LUKA 17:14

Ak kingo keer icheek, koleenji, “Oba oboorchigei tisiik.” Ak ye kingap kaba, kotiliiliitu.

LUKA 5:13

Ak ki iyogoito Jeso anyun eunnyi, ak kotwa ak kole, “Kaacham. Tiliiliitu.” Ak koma tyanit, kobagaakta mogondosaik ineendet.

LUKA 9:5

Ak alak tugul che mataachak, ye omande eng' nganasanooto, olelekte temburyek eng' keelyekwok si koek paornateet agobo icheek.”