LUKA 3:11 - BUKUIT NE TILIIL Sireet ne Dutero Kanon

¹¹ Ak ki wolji icheek koleenji, “Ineendet ne tinyei sumotik aeng', kogoochi ne ma tinyei; ak ingoyai ko uu nooto agine ne tinyei amitwogik.”

Bukuit Ne Tilil

¹¹ Ak ki wolji icheek koleenji, “Ineendet ne tinyei sumotik aeng', kogoochi ne ma tinyei; ak ingoyai ko uu nooto agine ne tinyei amitwogik.”

BUKUIT NE TILIL

¹¹ Ak kiwolji ichek kolenji, Inendet ne tinyei sumotik aeng’, kogochi ne matinyei; ak ingoyai ko u noto agine ne tinyei amitwogik.

LUKA 3:11 Referencias Cruzadas

EZEKIEL 18:7

ak tomo koyachi chii kiy ne ya, ago kogoweekta kiit ne ki kiname pesendo, koweekyi chiito ne ki kiname pesendo, koweekyi chiito ne kiyaachei, ama rebe chii kiy eng' koroomnateet, ak Ki kogoochi amitwogik chiito ne amei rubeet, ak kolaaksechi ne mi aach ngor;

MATAYO 25:40

Ak kowolji Laitoryat koleenji, ‘Amwaiwok iman ale, ko uu ye ki oyachi agot agenge eng' chu mengeech, eng' tupchosyechuchuk, ko ki oyaiywo.’

LUKA 11:41

Ogoite kagoochinoik che po tuguuk che mi oriit; ak ogeero, tiliiliitu tuguuk tugul eng' okweek.

LUKA 18:22

Ak ye kingo kas Jeso, koleenji, “Ta ko rartaat kiit agenge eng' inyee: alde tugul che itinye, ak ipchechi kibananook, si inyooru konorwet eng' kipsengwet: ak inyoo, isubwo.”

LUKA 19:8

Ak ki tonon Zakayo, ak koleenji Kiptaiyat, Keero, Kiptaiyat, agoochini kibananook kebebertap tuguukyuk; ak ngo ki aibe chii age tugul kiy eng' ng'aalseet, aweekyini konyil ang'wan.

JOHANA 13:29

Amu kileen alak eng' icheek kaleenji Jeso, “Ui al tuguuk che kimache eng' igoorto”, amu kiting'oti Judas lolet; anan ko kaleenji kogoochi kiy kibanaok.

POISYONIGAP CHE KIYOKTOI 10:2

Ki chiito ne kigonyiti ak koywei Kamuktaindet kobooto koonnyi tugul; ki igoochin piik kagoochinoik che chaang' ak kosaaei Kamuktaindet kotugul.

POISYONIGAP CHE KIYOKTOI 10:31

ak kole, ‘Korneli, kigegas saaeng'ung', ak ki koek kabwaatet eng' taitap Kamuktaindet kagoochinoiguk.

POISYONIGAP CHE KIYOKTOI 10:4

Keer `Korneli ineendet miising' eng' kaiyweisyet ak kole, “Tos nee, Kiptaiyat?” Koleenji, “Kigoit parak saautiguk ak kagoochinoiguk koek kabwaatet eng' taitap Kamuktaindet.

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

1 TIMOTEO 6:17

Ng'at mogoreek che po peetuusyechu, si ma menio, anan konde kamang'unennywa mogornatosyek che ma tonondos, ago eng' Kamuktaindet ineendet ne koonech tuguuk tugul eng' aiyebindo si kobiit keboiboitune;

1 TIMOTEO 6:18

ile koyai ne myee, si kobiit koek mogoreek eng' poisyonik che myach, si kochobogis kogoito, koyomogei ak alak;

HEBRANIK 6:10

amu Kamuktaindet, koma Kamuktaindet ne ma po iman, kot koutye poisyeng'wong' ak chamyet ne ki obarte agobo kainennyi, ye ki oboisyechini che tiliileen, ak kota oboisyechini.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.

JAKOBO 2:14

Kelu nee, tupchosyekyuk, ngot kole chii tinyei kayaneet, ama tinyei poisyonik? Komuuchi kayanonooto kosar ineendet?

1 JOHANA 3:17

Ago chiito ne tinyei tuguugap ng'wonyuni, ak kogeerei ne tupcho kobanani, ak koger muguleldanyi, ama riiree ineendet, komeng'doi ano chamyetap Kamuktaindet ineendet?

1 JOHANA 4:20

Ngot komwa chii kole, “Achame Kamuktaindet,” ago wechei ne tupcho, ko kiplembechwa: amu ineendet ne ma chamei ne tupcho ne ki kogeer, koma imuuchi kocham Kamuktaindet ne tomo kogeer.