LUKA 24:44 - BUKUIT NE TILIIL Sireet ne Dutero Kanon

⁴⁴ Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

Bukuit Ne Tilil

⁴⁴ Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

BUKUIT NE TILIL

⁴⁴ Ak kilenji ichek, Chu ko ng’alekyuk che kigamwawok, ye kingota ami kobotok, ko u ye kanyol kosulda tuguk tugul, che kigisir eng’ Ng’atutik che bo Musa, ak eng’ maotik, ak eng’ tienwogikab kalosunet, agobo ane.

LUKA 24:44 Referencias Cruzadas

TAUNET 14:18

Ki ibu Melkisedek laitoryatap Salem magatiinik ak divaik; ineendet ko ki tisiindetap Kamuktaindet Ne Toroor Miising'.

TAUNET 22:18

ak tuun kiberuuri pororyosyek tugul che po ng'wony eng' keswondeng'ung'; amu kegas iit kutinnyu.”

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

TAUNET 49:10

Ma istoegei Judah kirokto ne po pounateet, ak ma petei ne igoitoi ng'atuutik eng' iyotennyi, agoi koit Shiloh; ak kase iit piik tugul ineendet.

TIENWOGIKAL 118:22

Koita ne ki eesyo teegik, kaek nooto metitap luuita.

ISAIAH 28:16

mwaei anyun Kiptaiyat Kamuktaindet ne Toroor kole, Ogeero, andoi Zion koita koek lumeiywot, koita ne kigetyem, koita ne po kamanuutyet ne oo ne po luuita, lumeiywot ne kiim; ma igirgiri ne iyani.

ISAIAH 52:13

Ogeero, poisyee otwogindennyu ng'omnateet, kieeti ak kitoroori, ak kotororit miising'.

ISAIAH 7:14

Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 23:5

Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

JEREMIA 33:14

Ogeero, pwoonei peetuusyek mwaei Kamuktaindet ne Toroor, ye ayae ng'olyoondonooto myee ne ki amwa agobo kootap Israel ak agobo kootap Judah.

EZEKIEL 17:22

Mwaei Kiptaiyat Kamuktaindet ne Toroor kole: Aibe kogeny walitap tarakwet ne kooi ak amin; ak aep temeet ne ng'arng'ar, eng' mooriikyik che ng'orng'or che tabanu parak, ak aminji tulweet ne kooi ne tagunoot.

EZEKIEL 34:23

Ak ande mestowot agenge koyaga icheek, ak kobai icheek, nooto ko otwogindennyu Daudi; paei ineendet icheek, ak koek mestowonnywa.

HOSEA 3:5

Ye ibata koweek piigap Israel ak kocheeng' Kamuktaindet ne Toroor Kamuktaindennywa ak Daudi laitoryandenywa; pwaanjin `icheek Kamuktaindet ne Toroor ak myeeindonyi eng' kaiyweisyet eng' peetuusyek che po let.

AMOS 9:11

Ang'eeti eng' peetuunooto emaitap Daudi ne ki kobut, ak agerate ole kibutok; ak atuuru karatwekyik, ak ateech koigei ne ki po peetuusyek che po keny.

SEKARIA 12:10

Ak ande muguleldap myeeindo ak ne po saaet kootap Daudi, ak piik che menyei Jerusalem, ak konyala icheek che kitoora: ak kootee agobo ineendet ko uu ye iteei chii agobo weeriinnyi ne ki kiii inegeik ak konyo ng'wanindo agobo ineendet, ko uu ineendet ne mi eng' ng'wanindo agobo taaitanyi.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

SEKARIA 14:4

Ak tuun tononie keelyekyik eng' peetuunooto tulweetap mseituni, ne mi taitap Jerusalem eng' komostap kong'asiis, ak kobetak kwenutap tulweetap mseituni ole tokyingei kong'asiis ak cherongo, ak kobiit eng' yooto atebweet ne oo; ak kwo kebebertap tulwoonooto kotokyingei murot kaataam, ak kwo kebeberta age kotokyigei murot tai.

SEKARIA 6:12

ak imwachi ineendet ileenji mwaei Kamuktaindet ne Toroor ne po lugoosyek ko uu ni kole keero, chiito ne kiguure kainennyi Temet; eetu eng' oldanyi, ak koteech Hekaluutap Kamuktaindet ne Toroor:

SEKARIA 9:9

Paibaitu miising', ee cheptap Zion! Waach, ee cheptap Jerusalem! Keero, nyoonjinin laitoryandeng'ung'; po iman ineendet ak kotinyei yetunet; iming'inegei ak kolong'onu sigiryet, moitap sigiryet ne kirgit.

KAITOSYEK 21:8

Ki leenji `Kamuktaindet ne Toroor Musa, “Itaany ereneet ne uu maat ak inde keetit ne itononi; ak ye keer chii age tugul ne kagesus, kosap.”

KAITOSYEK 35:25

Myee kosar tuiyet rumindonooto eng' eutap yaaktaindetap mugetuut agobo korotiik ak koweekyi icheek ineendet nganasennyi ole kiga mwechi. Ingomeny olooto agoi kome tisiindet ne oo ne ki kiile mwaita ne tiliil.

MATAYO 1:22

Koyaak tuguuchu tugul si kobiit kosulda ne ki kamwa Kiptaiyat eng' maotyot kole,

MATAYO 16:21

Kobooch yooto anyun, kotoi Jeso koboorchi kasubikyik kole wendi ineendet Jerusalem, ak nyooru kanyaliilet ne oo eng' eunegap poisyek, tisiik che eecheen ak siriik, ak kebar, ak eng' peetuutap somok, king'eet.

MATAYO 26:54

Isuldoitoi ano anyun siruutik, che leen egu ko uu niito matiny?”

MATAYO 26:56

Ago kabwa chu tugul, si kobiit kosulda siruutik che po maotik.” Ki pagaakta ineendet anyun kasubik tugul ak komwei.

MARIKO 9:31

Amu ki ineeti kasubikyik, koleenjin, “Kindo Weeriitap chii eunegap piik ak kobar ineendet. Ye kagebar, kong'eet kogeny, ko kagobata peetuusyek somogu.”

LUKA 21:22

Amu chuuto ko peetuusyegap mugetuut, si kobiit kosulda tuguuk tugul che ki kisir.

LUKA 22:37

Amu amwaiwok ale, kiit ne ki kisir ko kanyool kosulda eng' anee, keele, Ki kiit ineendet kobooto kiptengeginik: amu tinyei kagesunet ng'aleek che ki kisir agobo anee.”

LUKA 24:46

ak ki leenji icheek, Ki kisir ko uu nooto, keele, nyoljin Kristo konyalil, ak kong'eet kogeny eng' che ki kobek eng' peetuutap somok;

LUKA 9:22

kole, “Kanyolji Weeriitap chii konyalil eng' tuguuk che chaang', ak koeesyo poisyek ineendet ak tisiik che eecheen ak siriik, ak kebar, ak king'eet eng' peetuutap somok.”

LUKA 9:44

“Ongochut ng'aleechu iitiikwok: amu tuun kigoitoi Weeriitap chii kwo eunegap piik.”

JOHANA 3:14

Ak ko uu ye ki igartaat Musa ereneet eng' surkwen, kigartoti ko uu nooto Weeriitap chii matiny:

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

JOHANA 5:46

Amu nda ki koyan Musa, ta oyana; amu kisir agobo anee.

POISYONIGAP CHE KIYOKTOI 13:33

ko uu ye kigosuldochi `Kamuktaindet lagokyok nooto, amu ki ing'eet Jeso; ko uu ye siraat eng' Tyendap Kalasunet ne po aeng', kole, ‘Ii weeriinnyu, kaasichin rani.’

POISYONIGAP CHE KIYOKTOI 13:40

Oriipkei anyun, si ma nyonjok ne ki kimwa eng' maotik keele,

POISYONIGAP CHE KIYOKTOI 2:27

Amu mebagakyini saboondanyu ye mi che ki kobek, Amegoitoi neng'ung' Ne Tiliil kogeer nunet.

POISYONIGAP CHE KIYOKTOI 3:18

Ago tuguuk che kiga koboor Kamuktaindet eng' tai eng' kutuswegap maotik tugul, kole tuun nyalili Kristo nenyi, ko kagoyai nooto kosulda.

POISYONIGAP CHE KIYOKTOI 7:37

Musa niito ko nooto ne ki leenji piigap Israel, ‘Ing'eetwok Kamuktaindet ne Toroor maotyot ne tuun punu che otupche, ne uu anee.’

HEBRANIK 10:1

Amu tinyei Ng'atuutyet urwetap tuguuk che myachen che pwoonei, ma itoondap tuguuchooto, ma imuuchi koyai icheek che riikyin koek che ititaatiin, eng' tiseiywechooto igoitoi icheek kotugul eng' kenyiit age tugul.

HEBRANIK 3:5

Ak ki ek Musa iman ne kiyani eng' kootap Kamuktaindet tugul ko uu kiboityot, agobo paornateet ne po tuguuchooto che kitun kemwa eng' let;

HEBRANIK 7:1

Amu Melkisedeki-niito, laitoryatap Salem, Tisiindet ne po Kamuktaindet Ne Toroor Miising', ne ki tuiyo ak Abraham ye ki weeksei kobunu ole ki pare laitorinik, ak koberuur ineendet,

HEBRANIK 9:8

Ibooru Kabuuset ne Tiliil eng' ng'olyoondoni kole, ki tom keng'aany ooreet ne mong'jin ole-tiliil, ye kita ko tononot emait ne po tai;

1 PETERO 1:11

ye ki cheeng'ei peetuut ne ineet anan ole uu peetuut ne ki iboorchin Kabuusetap Kristo ne ki miitei eng' icheek, ye kisip kobaoryan agobo nyalilwogigap Kristo, ak toroornatosyek che isubi chooto.

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”