LUKA 22:42 - BUKUIT NE TILIIL Sireet ne Dutero Kanon

⁴² kole, “Abba, ngot igeer ak icham, iistoena kigombani: ma ko uu magennyu ago ingoyaak ko uu mageng'ung'.”

Bukuit Ne Tilil

⁴² kole, “Abba, ngot igeer ak icham, iistoena kigombani: ma ko uu magennyu ago ingoyaak ko uu mageng'ung'.”

BUKUIT NE TILIL

⁴² kole, Baba, ngicham, iistoena kikombani: ago ma ko u magennyu, ago ingoyaak ko u mageng’ung’.

LUKA 22:42 Referencias Cruzadas

TIENWOGIKAL 40:8

Abaibai ayai mageng'ung', ee Kamuktaindennyu, miitei ng'atuutyeng'ung' muguleldanyu.”

ISAIAH 51:17

Ng'eet, ng'eet, tonon, ee Jerusalem, ne ki iee kigombetap nereegek che koroomen che po Kamuktaindet ne Toroor eng' eunnyi; ki iee eng' kigombet ne oo, icholool, kigombet ne yaei piik koterteeryot.

ISAIAH 51:22

Mwaei Kiptaiyandeng'ung' Kamuktaindet ne Toroor, ak ko Kamuktaindeng'ung', ne ng'alaaldochin piikyik, kole, ogeero, kaaip eng' eung'ung' kigombet ne po terteryotet, nooto ko kigombet ne oo ne po nereegekyuk che koroomen. Ma iee agoi.

JEREMIA 25:15

Amu kamwaiwo Kamuktaindet ne Toroor, Kamuktaindetap Israel kole: Nam eng' eunnyu kigombetap divaik che po nereegechu ng'oomen, si igoochi pororyosyechu tugul che ayooktochini koe.

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

MATAYO 11:26

ee, Abba, amu ki icham inyee ko uu nooto.

MATAYO 20:22

Ago ki wol Jeso kole, “Mongen ne osoome. Omuuchi okweek oee kigombet ne neegit aee?” Kowolji icheek ineendet kole, “Kimuuchi.”

MATAYO 26:39

Ak ki wo tai kitigin, ak kobutyi ng'wony ak kosa kole, “Ee Abba, ngo mugaksei, kosiirtoena kigombani; ma ko uu ye amache ago ko uu ye imache inyee.”

MATAYO 26:42

Ki wo kogeny ne po aeng' ak ki sa kole, “Ee Abba, ngo ma chamdaat kosiirtoena kigombani ama aee, ingoyaak anyun mageng'ung'.”

MATAYO 26:44

Ki pagaach icheek kogeny, ak ki wo kosa ne po somok, komwa ng'aleechugaita.

MATAYO 6:10

Ingonyo laitornateng'ung'. Ingoyaak mageng'ung' eng' ng'wony ko uu ye yaaksei eng' kipsengwet.

MARIKO 14:36

Ak ki mwa kole, “Abba, Kwanda, imugaksei tuguuk tugul eng' inyee; istaena kigombani; ago, ma ko uu ye amache, ago ko uu ye imache.”

LUKA 23:34

Ak ki le Jeso, Abba, nyochi kaat icheek; amu ma nai kiit ne yaei. Ak kipchechigei ngoroikyik, eng' seretap parbareek.

JOHANA 18:11

Koleenji Jeso anyun Petero, Weekyi rotweet choget: tos maee kigombet ne kagoono Kwanda?

JOHANA 4:34

Koleenji Jeso, “Amitwogikyuk ko ayai mageetap ineendet ne ki iyookwo, ak ageesu poisyennyi.

JOHANA 5:30

Ma muuchi ayai kiy aneege: arwoochi ko uu ye agase, ak po iman kirwoogennyu; amu ma cheeng'e ayai magennyu, ago mageetap ineendet ne ki iyookwo.

JOHANA 6:38

Amu ki achooruge eng' kipsengwet, ma si ayai magennyu, ago mageetap ineendet ne ki iyookwo.

POISYONIGAP CHE KIYOKTOI 21:14

Ak ye ki mata kocham ko uu nooto, kesisye, kemwa keele, “Ingoyaak mageetap Kiptaiyat.”